Oseas 10:5 - Bible in Tzeltal de Oxchuc y Tenejapa

⁵ Ya xnijq'uic yu'un xiwel te yajwal Samaria; ya x'oq'uic yu'un te ya xch'ay bael te sloc'omba alal toro ta Bet-avén. Ja' ta swenta te ay ta mel-o'tan te lum soc te sacerdoteetique, melel te yutsilal, ya xch'ay ta jc'axel.

Bible in Tzeltal Bachajón

⁵ Te mach'atic nahinemic ta Samaria ya xiwic ta scaj te jcolel toro ta Bet-avén. Ya x'oc' te pueblo ta scaj te jcolel toro, ha nix hich te sacerdotehetic te tse'el yo'tanic yu'un te yutsilal, te ya xch'ay bahele.

Oseas 10:5 Referans Kwoze

Oseas 9:11

Te yutsilal Efraín ya me xch'ay bael jichuc mut. Ma ba ya x'ayin xan alaletic, ma'yuc antsetic te ya x'alajique, ma ba ya xtal xan alaletic yu'un.

Oseas 5:8

Oq'uesinaic xulubil yu'un guerra ta Gabaa, soc oq'uesinaic oq'ues ta Ramá. Ac'beya señail guerra ta Bet-avén. Ac'beya socuc sjolic te mach'atic ta Benjamín.

Oseas 4:15

“Teme ya apas mulwej ja'at, Israel; ja'uc me to, te manchuc ya sle smul stuquel te Judá. Ma me xbaex ta Gilgal te ja'exe, ni ma me xmoat bael ta Bet-avén, ni ma me x'ata ta alel te cuxul Diose.

2 Reyes 23:5

Patil la sloq'ues ta yat'el te sacerdoteetic ac'bil yat'elic yu'un muc' ajwaliletic ta Judá, yu'un ya xchic'beyic pom ta toyol ch'uunjibaletic te ayic ta lumetic yu'un Judá soc ta sjoyobal te Jerusalén. Soc la sloq'ues te sacerdoteetic te la xchic'beyic pom te Baal, te c'aal, te u, soc spisil te eq'uetic ta ch'ulchan.

Oseas 13:2

Ja' nix jich yacalic ta spasel mulil. Ya yultesic ta c'ajc' te splataique, ya spas yajcananic a, chican bi yilel ya smulan spasel te mach'a ya sna'ic spasele. Ora ya yalic: —Ac'beyaic milbil smajt'an —xiic. Te ants-winiquetic ya sbujts'iyic te yajcananique, ja' te sloc'omba alal toro.

Hechos 19:27

Ma ja'uc nax te ya jta jwocoltic te ya xch'ay spisil a te bila ya jpastic ganar yu'une, soc jich uuc te templo yu'un te muc'ul antsil-dios Diana, ya me xlaj sc'oplal ta ich'el ta muc' ta bayuc. Jich me ya xlaj sc'oplal ta ich'el ta muc' te Diana te ay ta ch'uunel yu'un spisil ants-winiquetic li'to ta sq'uinal Asia soc ta bayuc ta spamal balumilale —xi' te Demetrioe.

Sofonías 1:4

—Ya me jtoy bael jc'ab ta scontroinel te lum Judá soc ta scontroinel spisil te mach'atic nainemic ta Jerusalén. Ya jch'ay ta jc'axel te lotil dios Baal, soc sbiilic te sacerdoteetic yu'une.

2 Crónicas 11:15

Te Jeroboam sleojix sacerdoteetic yu'un stuquel te ya x'at'ejic ta toyol ch'uunjibaletic, ja' tey ya yich' ch'uunel a te pucujetic soc te sloc'omba alal toroetic te spasoje.

2 Reyes 17:16

La xch'aybeyic spisil te mandaliletic yu'un te Cajwaltic te Dios yu'unique. La spasic cheb alal toroetic ta ultesbil bronce, soc sloc'omba Asera, soc la to xch'uunic te spisil te eq'uetic ta ch'ulchan, soc la xch'uunic te Baal.

2 Reyes 10:29

Pero ma ba la yilay te muliletic la yac' yaluc israeletic a te Jeroboam te snich'an Nabat, yu'un la to xch'uun te alal toroetic pasbil ta oro te ayic ta Dan soc ta Betel.

Jueces 18:24

Te Micaía la sjac': —Ja'ex la awich'bonic bael te diosetic cu'un te jpasoje, soc te sacerdote cu'une, xujt' ma'yuc bi la awijq'uitayboniquix. Yacalex me ta jelawel ta c'op te ya ajojc'obonic te bila ya jpase —xi'.

Josué 7:2

Te Josué ay la sticun bael winiquetic ta Jericó te bajt'ic ta Hai te ay ta stojol sloq'uib c'aal yu'un Betel, te nopol yiloj sba soc te Bet-avén. Yich'ojic mandal te ba stsajtayic te q'uinale. Jich a bajt'ic, ba stsajtayic tel.

2 Crónicas 13:8

Ta ora yo'tic awo'tanuc ya acontroinic te ajwalil yac'oj Cajwaltic, te ay ta at'el ta swenta sts'umbal David. Ja' nax yu'un te mero c'ax bayalex ta jyalel, soc ay ta awentaic sloc'omba te alal toroetic pasbilic ta oro yu'un Jeroboam, te ja' diosetic awu'unic ta sc'ope.

Isaías 46:2

Te lotil diosetic ya stinan sbaic, ya xyalic ta lum, ma xju' yu'un scoltabel sbaic, ja'ic uuc ya x'ich'otic bael ta yan q'uinal.

Oseas 9:1

Israel, ma me binuc nax awo'tan; ma me xwilat yu'un sbujts' awo'tan jich bit'il yantic lum. Melel la apas mulwej c'oem a te bit'il la awijq'uitay ta awo'tan te Dios awu'une. Ta yawilic smajibal trigo, ta bay ya yich' loq'uesel te site, bin nax awo'tan yu'un te tey ya awich'bey stojol a te amulweje.

Amós 3:14

Melel te bi c'aalil ya cac'bey castigo yu'un smul te Israele, ya jin te scajtijib majt'anil ta Betel; te xulubiletic yu'un scajtijib majt'anil ya me yich' c'oquel loq'uel soc ya me xch'ay coel ta lum.