Oseas 10:4 - Bible in Tzeltal de Oxchuc y Tenejapa

⁴ Ja' nax puro c'op, soc puro lot ya yale, soc te ya spas firmar tratoetic. Te chajbanel yu'une jich me c'oem te bit'il te' te ay svenenoil te ya xchicnaj ta yolil surcoetic te bila ts'unbile —xi' te lume.

Bible in Tzeltal Bachajón

⁴ Ha nax puro c'op, ya stojol halic ta jamal c'alal ya spasic chapbil-c'op; ha yu'un te chahpanel yu'unic hich ya xcol te bin ut'il te ch'ahco' ta banti chahpambil te q'uinale.

Oseas 10:4 Referans Kwoze

Amós 6:12

¿Ya bal xju' x'animajic ta tontiquil te caballoetique? ¿Ya bal xju' ta joq'uel jichuc lum te mar? Melel te ja'ex c'atp'ujem awu'unic ta veneno te chajbanele; te sit ya yac' te chajbanele, ja' te mel-o'tane.

Amós 5:7

Ya me awil awocolic ja'ex te ya aboltesic te chajbanele, melel ay swocolic yu'un te lume. Ya ach'ayic bael te bitic ay ta swentaic yich'el juju-jtul.

Oseas 4:2

Ja' nax esmajem ta alel sbiil Dios te tojol xanix, soc te lotil c'ope, milaw soc elec'. Ya yaiyic mulwej soc ya yuts'inic spat-xujc', jich ya xmilawanic ta jujun buelta.

Hebreos 12:15

Tsajtaya me abaic, ma me ayuc jtuluquex te ma ba ya ataic te yutsil yo'tan te Diose. Ma me ayuc jtuluquex te ay bila ma lecuc ay ta awo'tanique. Melel teme muc'ube, ay me awocolic yu'un, soc jich me ay tsobol ya xbolob yo'tanic yu'un.

2 Timoteo 3:3

Ma'yuc xc'uxul yo'tanic, soc ma xju' ta utstesel yo'tanic. Jowil jle-muliletic, ma sna' scombel sbaic, c'ax jelawenic ta uts'inwanej, soc sp'ajojic spisil te bila leque.

Romanos 1:31

jbol-o'tanetic, jchebal-o'tanetic, ma'yuc mach'a c'ux ya yaiy ta yo'tan, ma sna'ic spasel perdón, ma xc'uxtaywanic.

Hechos 8:23

Melel chican ya quil te mich'il nax awo'tan soc te chucbil awo'tan yu'un te mulile —xi' te Pedroe.

Oseas 6:7

“Ja'uc me to, te lum cu'un pajal soc Adán, la xc'axintayic te trato cu'un soc ma junuc yo'tanic ta jtojol.

Isaías 5:7

Te ts'usubiltic yu'un te Cajwaltic te Spisil ya xju' yu'une, te ts'unbil yu'un te smulaneje, ja' te nación Israel, ja' te lum Judá. Te Cajwaltic la smaliy te yacuc yich'beyic ta muc' te mandaliletic yu'une, pero ja' nax la sta jmilawaletic tey a; la smaliy te tojuc ya x'at'ejique, pero ja' nax la yaiy stojol aw soc ajc'an.

Deuteronomio 29:18

Ma me ayuc ants o winic ta awolilic ta chajbalchajp te yo'tic ya yijq'uitay ta yo'tan te Cajwaltic Dios cu'untic, ta scaj te ya xbajt' ta yich'el ta muc' te lotil diosetic yu'unic te nacionetique. Ma me ayuquex ni jtuluc te pajalex soc yisim ch'aal wamal te ay svenenoile.

Deuteronomio 31:16

Te Cajwaltic jich la yalbey te Moisés: —Nopolix ya xlajat. Te lum in to ya me xc'ax bolob ta jc'axel ta swenta te xch'uunel diosetic yu'un te yantic lumq'uinaletic te ya xba yich'e. Jich me ya xch'ayon ta yo'tanic, ya me sjinic te trato jpasoj soque.

Deuteronomio 31:17

Pero ya me xtil jajch'el ta stojolic te sc'ajc'al co'tane, jich me ya jch'ayic jilel, jc'axel ma me ayuc sc'oplalic ta co'tan ya xc'otic. Mero bayal me te swocolic soc te bitic ma lecuc ya xc'ot ta stojolic, ja' swentail te jich me ya yalic: “¿Ma bal ja'uc yacotic ta wocol yu'un te ma ba sjoinejotiquix te Dios cu'untique?” xiic me.