Oseas 10:2 - Bible in Tzeltal de Oxchuc y Tenejapa

² Chebajem yo'tan te Israele, ta ora yo'tic ya me stoj te smule. Te Cajwaltic ya sjinbey te scajtijib majt'aniletic yu'une, soc ya me sjinbey te tonetic yac ta xch'uunele.

Bible in Tzeltal Bachajón

² Cheb yo'tanic, yo'tic ya xtahbot smulic. Te Jehová ya sjin cohel te scajtajib ta chiq'uel mahtaniletic soc ya sjinticlambe te loc'ombahetic yu'unique.

Oseas 10:2 Referans Kwoze

Miqueas 5:13

Ya me jinbat te awajcanan soc te tonetic ch'ultesbil awu'une, swenta yu'un ma ba ya xcha'sujt'at bael ta xch'uunel ta yan buelta te loc'ombaetic te ja'at nix la apase.

1 Reyes 18:21

Te Elías noptsaj bael ta sts'eel te lume, jich la yal: —¿Jayeb xan ora jich ya x'ainex te bit'il ayexe, te cheb awo'tanique? Teme ja' mero Dios te Cajwaltic, ja' me xat'unic jiche; o teme ja' te Baal, ja' ya sc'an ya at'unic jiche —xi' te Elías. Te lume ma jp'aluc la sjac'.

Santiago 4:4

¡Jmulawil ants-winic! ¿Yu'un bal ma x'ana'ic te mach'atic jun yo'tan sba soc te balumilale ja' scontroinejic te Diose? Mach'auc a te jun yo'tan sba soc te balumilale, yu'un nanix ja' spasoj ta contro a te Diose.

Santiago 1:8

Melel teme xchebet te awo'tanique, jich ma'yuc bila lec te ya xju' awu'unic spasele.

Sofonías 1:5

Ya jlajin te mach'atic ya xmoic ta sba sna te ya xch'uunic te eq'uetique, soc te mach'atic ya squejan sbaic te ay bila ya yalic ta jamal te ya stabonic ta alel jbiil a soc sbiil te lotil dios Milcom.

San Lucas 16:13

“Ma'yuc jtuluc abat te ya xju' yu'un te ya yac' sba ta abatinel yu'un te cheb yajwale. Teme jiche, ja' ya sp'aj te jtule, yan te yane, c'ux ya yaiy ta yo'tan stuquel. Te jtule jun yo'tan ta stojol, ja'uc me to, te yane ma'yuc sc'oplal ta yo'tan ya xc'ot. Ja' nanix jich te ja'exe, ma xju' awu'unic te ya awac' abaic ta abatinel yu'un Dios teme ja' baem ta awo'tanic te ac'ulejalique —xi' te Jesuse.

San Mateo 6:24

“Ma'yuc jtuluc abat te ya xju' yu'un te ya yac' sba ta abatinel yu'un te cheb yajwale. Teme jiche, ja' ya sp'aj te jtule; yan te yane, c'ux ya yaiy ta yo'tan stuquel. Jun yo'tan ta stojol te jtule; ja'uc me to, te yane ma'yuc sc'oplal ta yo'tan ya xc'ot. Ja' nanix jich te ja'exe, ma xju' awu'unic te ya awac' abaic ta abatinel yu'un Dios, teme ja' baem ta awo'tanic te ac'ulejalique.

Zacarías 13:2

Ta spisil te lumq'uinale jc'axel me ya jinbey sbiil te loc'ombaetic, swenta yu'un ma ba ya yich'iquix c'oponel a. Soc ya me jloq'ues ta lumq'uinal te j'alwanejetic yu'unic, soc spisil te amen nopjibaletique. Jo'on Ajwalilon te jich caloje.

Oseas 13:16

Te lum Samaria ya me xc'ot ta swenta castigo ta scaj te la stoy sba ta stojol te Dios yu'une. Ya me xlajic ta puñal. Te alaletic yu'un ya me xt'om sbiquilic ta majel ta lum; soc te antsetic te yic'ojic alal ta xch'ujt', muc' me ya xjambot xch'ujt'ic ta puñal.

Oseas 7:8

“Te Efraín la scap sba soc jyanlumetic. Te Efraín jich c'oem te bit'il taquin sit waj te ma la yich' sujt'esele.

Jeremías 43:13

Ya me sjin te najt'il jayal ton te ay ta lum Heliópolis ta Egipto, soc ya me xchic'bey jilel te temploetic yu'un te lotil diosetic ta Egipto’, xi' me te Cajwaltique”, uta me —xi'.

Isaías 44:18

Te ants-winiquetic ma sna'ic q'uinal ta jyalel, ma xc'ot ta yo'tanic. Ma'situbenic ta jyalel te ma xju' yu'unic yilele; mero macal ta jyalel te yo'tanique, jich ma sna'ic stojol.

1 Samuel 5:4

Pero ta xchebal c'aal c'otic yan buelta te yajwal Asdod. Ja' nix jich ch'ayem coel ta lum yan buelta a c'o staic, ta elawal yu'un te scajonil trato yu'un te Cajwaltique. Te sjole soc ta xchebal te sc'abe c'asemix, ayic ta sba te sts'ajc'ul scajtijib sti' te templo yu'une. Ja' xanix wolol jilel te smuc'ule.

1 Juan 2:15

Ma me ja'uc c'ux ya awaiy ta awo'tanic te balumilale, ni te bitic swenta nax te balumilale. Teme ay mach'a c'ux ya yaiy ta yo'tan te balumilale, jich ma ba c'ux ya yaiy ta yo'tan te Jtatic Diose.

Oseas 3:4

Melel te israeletic mero bayal c'aal jich nax ayic: Ma'yuc muc' ajwalil, ni ch'in ajwaliletic yu'unic, ma'yuc milbil majt'anil, ni ma'yuc tejc'anbil toneticte ch'ultesbil yu'unique, ma'yuc sc'u' sacerdoteetic, ni yajcananic ta nanatic.

Oseas 12:11

Ta Galaad ay yantic diosetic tey a; ja'uc me to, ja' nax puro lotil diosetic. Ta Gilgal ya yac' milbil toroetic; te scajtijib majt'aniletic yu'unic jich c'oem te bit'il busulbus tonetic ta yolil te pasbil q'uinale —xi' te Cajwaltique.

Éxodo 23:24

Ma me xac'ainbey stalelic. Ma me xaquejan abaic ta stojol te diosetic yu'unique, ma me xach'uunic. Ya me ajin ta spisil te loc'ombaetic yu'unic soc te ch'ul balal tonetic tejc'ajtic yu'unique.

Levítico 26:30

Jo'on me ya jlajinbeyex te toyol ch'uunjibaletic stuquelique, ya me jxet'beyex ta olil te scajtijib ta chiq'uel majt'anil pom awu'unique. Ya me jbusanbeyex abaq'uetalic te ma ba cuxulix ta sba te loc'ombaetic awu'unique. Ya me cac'beyex awilic te ilaybilex cu'une.

Proverbios 11:18

Te mach'a amen ya x'at'ej, ya slo'laybey staq'uin yajwal; yan te mach'a toj ya x'at'eje, jun yo'tan ya yich' stojol stuquel.

Ezequiel 14:5

“Jo'on me ya jtijbey yo'tan ta spisilic te ya spit sbaic ta jtojol ta scaj te loc'ombaetic yu'unique.