Oseas 10:10 - Bible in Tzeltal de Oxchuc y Tenejapa

¹⁰ Ya cac'bey castigo te lum te bi ora ya sc'an co'tane. Te nacionetic ya me stsob sbaic tel ta guerra ta stojol c'alal ya cac'bey castigo yu'un te bayal mulile.

Bible in Tzeltal Bachajón

¹⁰ Ya ca'be castigo te bin ora ya sc'an co'tan; ya stsob tal sbahic te nacionetic ta scontrahinel te c'alal ya yich'ic castigo yu'un te cha'chahp smulique.

Oseas 10:10 Referans Kwoze

Ezequiel 5:13

Ya me jt'omes bael ta atojolic te sc'ajc'al co'tane. Ya me cac' te ya xc'ot spisil tey a te quilimba, tic' me ya yaiyic. Teme la cac' bael ta stojolic te quilimbae, ya me sna'ic te jo'on Ajwalilon te ma smulan co'tan te q'uejel ayix te yo'tanique.

Oseas 4:9

Jich nix te lum te bit'il sacerdoteetic, ya cac'bey stoj ta castigo te yat'elique.

Jeremías 16:16

“Jo'on Ajwalilon, jich ya cal, ya me cac' xtal bayal jtsac-chayetic c'oem, swenta yu'un ya me stsaquic jichuc chay te israeletique. Soc ya cac' xtalic bayal jnutsmajeletic c'oem, swenta yu'un ya xnutsmajic soc ya sloq'uesic tel ta spisil witstiquil, ta ch'in witstiquil, soc asta ta bay jatemic te tontiquile.

San Mateo 22:7

“Te c'alal la yaiy stojol te muc' ajwalile, bayal ilin yu'un. Jich la sticun bael te soldadoetic yu'une. Ba smilic te jmilawaletique, soc la xchic'beyic te slumalique.

Oseas 8:10

Ja'uc me to, manchuc teme la yac'bey majt'anil te nacionetique, yo'tic ya me yich' tsobel cu'un yu'un ya cac'bey castigo. Ya me xwoclajic ta sc'ab te ajwalil te tulan yo'tane.

Oseas 8:1

“Oq'uesina te oq'ues awu'une, jich bit'il te mach'a j'il-q'uinal te wijq'uil sit ta scanantayel te lum cu'un, jo'on te Ajwalilone. Melel la xch'aybonic te trato cu'une, soc la scontroinic te p'ijubtesel cu'une.

Ezequiel 23:46

Te Cajwaltic jich ya yal: —Ac'a yich' tsobel te lume, ac'a scontroinic te antsetique. Ac'a yac'beyic yaiy tulan xiwel, soc ac'a yelc'anbeyic sbiluquic.

Ezequiel 23:9

Ja' yu'un la cac'bey ta sc'abic te mach'atic la smulane, ja' te asiriaetic te la smulan yo'tane.

Ezequiel 16:42

Jich me ya xlamaj a te quilimba ta atojole, soc jich me ya xquejch'aj a te xpich'et co'tan yu'un te ma junuc awo'tan ta jtojole. Ya me xlamajix co'tan ta atojol, ma me ba ya x'ilinonix.

Ezequiel 16:37

Ja' yu'un ya me jtsob spisil te mach'atic la smulanate, soc te la awac'bey yutsil yo'tanique, soc ta spisilic te mach'atic la amulane, soc ta spisil nix te mach'atic ma ba la amulane. Ya me jtsob ta ajoyobal, ta comonsitil ya me jt'ananbat te abaq'uetale, swenta yu'un mero t'analat a ya yilat.

Jeremías 21:4

“Te Cajwaltic te Dios yu'un Israel ya yalbat: ‘Ya cac' sujt'uc bael ta spatic te soldadoetic awu'un soc yat'ejibic, te loq'uic ta pat ts'ajc' ta bay yacalex ta awac'bel abaic guerra soc te muc' ajwalil yu'un Babilonia. Soc te caldeoetic, te ja' nix te swinictaque, ya me jtsob ta yolil in lum to.

Jeremías 15:6

Ja'at la awijq'uitayon ta awo'tan, sujt'at bael ta apat. Jo'on Ajwalilon, jich ya cal. Jich yu'un lubenonix ta maliybelex; jich la jtoy jc'ab ta swenta cac'belat castigo, soc la jinat.

Isaías 1:24

Jich yu'un te Cajwaltic te Spisil ya xju' yu'une, ja' te mach'a ay bayal yu'el ta lum Israel, ya yal: —Tiq'uix a. Jo'on ya cac'bey stoj te mach'atic ya scontroinone. Ya quich'bey spacol ta stojolic.

Deuteronomio 28:63

Jich te bit'il bin nax yo'tan la yac'bat awutsilal, soc te la yac' esmajan te Cajwaltic Diose, ja' ni me jich bin nax yo'tan ya sjinat soc ya slajinat. Ora nax me ya awich' bulel loq'uel tey ta lumq'uinal ya awich'e,

Oseas 10:9

Ya yal te Cajwaltique: —Te Israel ma ba ya scom sba ta sleel smul, ja' to c'alal jajch' tel ta spasel ta Gabaa. Te smulic stalel ay soc. Jich yu'un ya me xtaotic yu'un guerra te mach'atic amenic ta Gabaa.

1 Reyes 12:28

C'alal la yaiybey sc'op yantic te muc' ajwalil, la snop te ya spas cheb alal toroetic ta oro. Jich la yalbey te yajwal lum: —Ja'ex israeletic, bayal buelta c'oemex ta Jerusalén. Yo'tic li' ayix te adiosic te la sloq'uesex tel ta Egipto —xi' te Jeroboam.

Job 39:10

¿Ya bal xju' ya achucbey yugo ta snuc' te ya awac' puersa yu'un ya awac'bey sjoc' te alum-aq'uinale; o ya bal sts'aclinat ta apat ta swuyel te lum ta aq'uinale?

Oseas 4:19

Te iq'ue la yic' bael ta xic' c'oem, ya me xq'uexawic yu'un te yajcananique.