Oseas 10:1 - Bible in Tzeltal de Oxchuc y Tenejapa

¹ Te Israel jich c'oem bit'il ts'usub, nojel nax yu'un te site. Te bit'il bayal ay te site, bayal la spasic scajtijib majt'aniletic yu'un; te bit'il c'ax bayal yutsil ta jyalel te sq'uinale, jich bayal yutsil te teq'uel tonetic la xch'uunique.

Bible in Tzeltal Bachajón

¹ Te Israel ha ts'usubil te bayel ya'binal te ya yac' bayel sit. C'alal p'ohl yu'unic te site, ha nix hich p'ohl te scajtajib ta chiq'uel mahtaniletic; c'alal p'ohl te bintic la yac' te sq'uinalic, ha nix hich p'ohl te loc'ombahetic yu'unique.

Oseas 10:1 Referans Kwoze

Oseas 8:11

“Melel te Efraín yac ta spasel bayal ta jmil scajtijib majt'aniletic; ja' nax ya xtuun yu'unic ta sleel smulic a.

Oseas 12:11

Ta Galaad ay yantic diosetic tey a; ja'uc me to, ja' nax puro lotil diosetic. Ta Gilgal ya yac' milbil toroetic; te scajtijib majt'aniletic yu'unic jich c'oem te bit'il busulbus tonetic ta yolil te pasbil q'uinale —xi' te Cajwaltique.

Filipenses 2:21

Yan te yantique spisilic baem nax yo'tanic ta sleel te bila ya sc'an yo'tan stuquelique. Xujt' ma'yuc sc'oplal ta yo'tanic te bila ya sc'an yo'tan te Cristo Jesuse.

Jeremías 2:28

Lum Judá, ¿banti ay te awajcananic te la apase? Bayal te diosetic awu'une, jich nix yipal te bit'il te lumetic awu'une. Ac'a me taluquic, ya me quiltic teme ya xju' yu'un scoltaybelex te c'alal ya xjul te woclajel ta atojole.

Levítico 26:1

“Ma me xapas awajcananic soc ma me xapas loc'ombaetic, ma me xawaq'uic chicnajuc ta alum-aq'uinalic ch'ultesbil tonetic soc loc'ombaetic te loc'taybilic ta tone. Ma me xapajc'an abaic ta stojolic, melel jo'on te Ajwalilon te Dioson awu'unique.

1 Reyes 14:23

Ja' nix jich la spas toyol ch'uunjibaletic, la stejc'an jajch'el tonetic soc sloc'omba Asera ta spisil ta bujul q'uinal, soc ta spisil yanil te'etic te bayal yabenale.

2 Corintios 5:16

Jich yu'un, te jo'otique ma jichuc jnopojtic te bit'il ay te yantique, jich te bit'il ya yalic te mach'atic ayic ta balumilale. Manchuc teme jich jnopojbeytic sc'oplal Cristo jich te bit'il ya yalique, ta ora to ma jichuc c'oemix ta co'tantic te bit'il ya yalique.

Nahúm 2:2

Melel te Cajwaltic ya sujt'esbey yutsilal Jacob, ja' te yutsilal Israel. Jich nix bit'il ta neelal, te la apojbey baele, t'anal la awijq'uitayic jilel jich bit'il ste'el ts'usub te ma'yuc sc'ab ya xjile.

Oseas 13:6

“C'alal la spas sobrail awe'elic te ja'exe, noj toybail ta awo'tanic yu'un, soc la ach'ayon ta awo'tanic.

Oseas 13:2

Ja' nix jich yacalic ta spasel mulil. Ya yultesic ta c'ajc' te splataique, ya spas yajcananic a, chican bi yilel ya smulan spasel te mach'a ya sna'ic spasele. Ora ya yalic: —Ac'beyaic milbil smajt'an —xiic. Te ants-winiquetic ya sbujts'iyic te yajcananique, ja' te sloc'omba alal toro.

Oseas 12:8

Efraín ya yal: “Melel xawal, jc'ulejonix, la jtaix jc'ulejal. Pero ma'yuc mach'a ya xju' slebon jmul yu'un te bit'il la jta te jganare, ma ba mulil te bila la jpase”, xi'.

Oseas 8:4

“Mero ma la yich'onic ta wenta te la snajc'anic muc' ajwaliletic yu'unic, soc te la sleiquix ch'in ajwaliletic te ma ba caiyoj stojole. La stsaquiquix te plata te oro yu'unic ta swenta spasel yajcananic; ja' nax ya sjin sbaic a.

Oseas 2:8

“Ja'uc me to, te antse ma la sna'on. Ma la sna' te jo'on la cac'bey te trigo, vino soc te aceite; te jo'on la quesmantesbey te plata, oro ya spas yajcanan ae.

Oseas 3:4

Melel te israeletic mero bayal c'aal jich nax ayic: Ma'yuc muc' ajwalil, ni ch'in ajwaliletic yu'unic, ma'yuc milbil majt'anil, ni ma'yuc tejc'anbil toneticte ch'ultesbil yu'unique, ma'yuc sc'u' sacerdoteetic, ni yajcananic ta nanatic.

Oseas 4:7

“Te bit'il ja' muc' yat'elic te sacerdoteetique, c'ax to xan la sle smulic ta jtojol; jich yu'un te yich'elic ta muq'ue ya me jelbey ta q'uexlal.

Oseas 13:15

Manchuc me ya x'esmaj jichuc ac te Israele, ya me xtal ic' ta sloq'uib c'aal; te tulanil ic' ya xtal ta jochol taquin q'uinal, ya me staquintes soc ya me stub ja'etic soc te sloq'uibja'etique. Te acontro ya me spojbat bael spisil te bitic ay ta yawil ac'ulejal te t'ujbilique.

Jeremías 11:13

Te Judá c'ax bayal diosetic yu'un, jich nix yipal te bit'il lumetique. Te mach'atic yajwal te Jerusalén bayal spasojic scajtijib majt'aniletic swenta yu'un ya yac'bey pom te Baal, jich yipalic te bit'il calleetic yu'un te lume.

Jeremías 11:17

“Jo'on te Ajwalilon te Spisil ya xju' cu'une, te la jts'un te Israel soc Judae, la calix mandal te ya xc'ot ta stojolic te bila amene ta scaj te smulique. Melel la sta smulic ta jtojol te la yac'beyic smajt'an pom te Baal —xi'.

Oseas 2:10

Ya jt'ananbey te sbaq'uetale, jich me ya jpasbey ta sit te mach'atic ya xmulanot yu'une. Ma'yuc mach'a ya scoltay loq'uel ta jc'ab.