Oseas 1:7 - Bible in Tzeltal de Oxchuc y Tenejapa

⁷ Ja'uc me to, ya me jna'bey yo'bolil sba te yajwal Judá; ya me jcoltay stuquel, jo'on Ajwalilon te Dioson yu'une. Pero ma ba ya jcoltay ta swenta guerra, ni ta t'im, ta puñal, ta caballoetic, ni mach'atic cajajtic tey a —xi' te Cajwaltique.

Bible in Tzeltal Bachajón

⁷ Pero ya jna'be yo'bolil sba te sna Judá: ya jcoltay ta scuenta Jehová te Dios yu'une, ma ha'uc ta scuenta t'ihmalte', o espada, guerra, cawuhetic, o mach'atic cajajtic tey a, xchi.

Oseas 1:7 Referans Kwoze

Zacarías 4:6

Te ch'ul abat c'opoj xan: —Ja' in to ja' te sc'op ya yal Cajwaltic ta stojol Zorobabel: “Ma ta swentauc bayal soldadoetic soc ma ta swentauc awip. Jo'on ta swenta Espíritu cu'un jtuquel”, xi' te Cajwaltic te Spisil ya xju' yu'une.

Isaías 12:2

Ja' Dios te ya scoltayone, ja' smuc'ulinej co'tan, ma xiwon. Te Cajwale, ja' anjibal cu'un soc ja' me quip, ja' jcoltaywanej cu'un —xaex me.

2 Reyes 19:35

Ja' nix ta yorail ta ajc'ubal a, te ch'ul abat yu'un Cajwaltic, bajt', c'o smil jo'eb slajunwinic ta jmil (185,000) soldadoetic ta scampamento asiriaetic. C'alal sacub q'uinal ta yorail nix, spisilic lajemic a sacub q'uinal.

Oseas 11:12

La yal xan te Cajwaltique: —Te Efraín la sbusanbon ta jtojol te lotetic yu'une; la spotson ta lot te lum Israele. Judá la sloq'ues sba ta jtojol jo'on te Diosone; ja' jun yo'tan ta stojol te yajcanane.

Isaías 7:14

Jich yu'un, ja' nix me te Cajwaltic te ya yac'beyex awilic señail: Te ach'ixe yic'ojix yal, ya me x'ayin jtul squerem-al, Emanuel, sbiil ya xc'ot yu'un.

Isaías 49:6

Jich ya yalbon: —Ma tic'uc a te ja' nax cabat yu'un te ya anajc'an xan te jayeb ta jchajp sts'umbal Jacob, soc te ya apas te ya sujt' xan tel te mach'atic cuxulic xan ta Israel. Jo'on ya jpas te ya sacub q'uinal awu'un ta stojol te nacionetique, ja' te ya awich'bon bael te colel cu'un ja' to ta bay c'ubul q'uinal bael yu'un te balumilale —xi'.

Salmos 33:16

Ni jtuluc muc' ajwalil ya xcoltayot yu'un te bayal ta jyalel te soldadoetic yu'une; ni jtuluc ya xcoltayot yu'un te mach'atic muq'uic te bayal yipique.

1 Samuel 17:47

Spisil te mach'atic stsoboj sbaic, ya me sna'ic te bit'il te Cajwal ma xcoltaywan ta puñal ni ta lanza. Ja' in guerra to, ja' yu'un te Cajwal, ja' me ya yaq'uex ta jc'abtic —xi' te David.

2 Reyes 19:29

Te Isaías jich la yalbey te Ezequías: —Ja' seña te bitic ya xc'ot ta pasel in to: Te ja'wil in to soc te yan ja'wil ya xtale, ya me awe'ic te trigo te stuquel ya xch'ie, pero ta yoxebal ja'wil, ya xju' ya ats'unic soc ya aset'ic, ya ats'un ats'usubic, soc ya me alo'beyic sit.

Isaías 30:18

Ja'uc me to, te Cajwaltic ya smaliyex, yu'un ya sna'beyex yo'bolil abaic; mero toyol yo'tan te ya yac'beyex awilic te xc'uxul yo'tane, melel te Cajwaltic ja' Dios te toj yo'tan ta chajbanwaneje. Bin nax me yutsil q'uinal ya yaiyic spisilic te mach'atic ya smaliyic te Cajwaltique.

Jeremías 25:5

Ja'ic la yalbeyex awaiyic: “Ijq'uitaya jilel te amen-o'tanil soc te amen at'eliletic awu'une; yu'un jich me ya xju' ya x'ainex ta lumq'uinal te la yac'beyex awu'unin sbajt'el q'uinal te Cajwaltic te ja'ex soc te ame'-atatique.

Jeremías 25:6

Ma xbaex ta stojol lotil diosetic; ma xach'uunic, soc ma xaquejan abaic ta stojol. Ma xawac' x'ilin yo'tan Cajwaltic ta scaj xch'uunel awu'unic te diosetic te apasojic ta ac'abic te ja'exe, jich ma'yuc bila amen ya xtal ta atojolic yu'un”, xiic ta yalel.

Jeremías 33:26

Jich yu'un, ma'yuc bi ora ya jch'oj bael ta co'tan sts'umbal Jacob soc David te cabate; ma xch'ay cu'un ta tsael loq'uel ta yolilic te mach'atic ya xmandalajic ta stojol te sts'umbal Abraham, Isaac soc Jacob. Melel te jo'one ya me jna'bey yo'bolil sbaic, soc ya me cac'bey xan yutsilalic —xi' te Cajwaltique.

Oseas 1:8

C'alal jil xchu' te Lo-ruhama, la yic' xan yan yal te sme'e, ayin xan jtul alalquerem.

Éxodo 14:13

Te Moisés la sjac': —Ma me xiwex, junuc me awo'tanic. Ya me awilic yo'tic te bit'il ya scoltayotic te Cajwaltique. Ma me ayuc bi ora ya awilic xan te egipcioetic te ya awilic yo'tique.

Éxodo 14:30

Jich c'aalil la yich' coltayel te israeletic yu'un te Cajwaltic ta sc'abic te egipcioetique. Te israeletic la yilbeyic sbaq'uetal te egipcioetic te lajemic te xcajetic ta baba mar.

2 Reyes 6:18

Te c'alal ya x'ochiquix ta yaq'uel guerra a te siriaetique, te Eliseo la yalbey wocol te Cajwaltique: —Ya jc'anbat te yacuc xc'atp'uj ta ma'sit te winiquetique —xi'. Te Cajwaltic la yac' tup'uc sitic, jich te bit'il la sc'an te Eliseo.

2 Reyes 19:34

Jo'on ya jcoltay te lume, ya me xcol cu'un, ta swenta xc'uxul ta co'tan te cabat David, soc ta swenta xc'uxul jba ta co'tan uuc”, xi' me te Cajwaltique —xi' te Isaías.

Salmos 44:7

ja'at te la awac'otic ta tsalaw te la jtsaltic a te jcontrotique; ja'at la awac' q'uexawuc te mach'atic xti'ton slab yo'tanic ta jtojoltique.