Oseas 1:5 - Bible in Tzeltal de Oxchuc y Tenejapa

⁵ Ja' me sc'aalelal a te ya jin ta bay stenlej xatal q'uinal yu'un Jezreel te yipic te soldadoetic yu'un Israel —xi' te Cajwaltique.

Bible in Tzeltal Bachajón

⁵ Ta hich sc'ahc'alel ya jwac'be te t'ihmalte' yu'un Israel ta spamlej yu'un Jezreel, xchi.

Oseas 1:5 Referans Kwoze

Jueces 6:33

Spisil te madianetic, te amalequetic soc te mach'atic talemic ta stojol sloq'uib c'aale, la stsob sbaic tel, c'axic tel ta muc'ja' Jordán. La sleic banti ya spas scampamentoic ta spamlej q'uinal Jezreel.

Josué 17:16

Jich la yalic: —Melel nix a, ma tic'ucotic a te witstiquile. Ja'uc me to, te cananeoetic te ayic ta spamlej, ay scarretaic yu'un guerra te pasbil ta taq'uine. Ja' nix jich te mach'atic ayic ta Bet-seán soc te ch'in lumetic yu'un te nainemic ta spamlej yu'un Jezreel —xiic.

Oseas 2:18

“Te c'alal ya sta yorail ya me jpas trato soc te ja'mal chambalametique, te ja'mal mutetic soc te chanetic, ta swenta xc'uxtayel te lum Israel. Ya me jloq'ues ta yolil lum te t'im, te puñal soc spisil guerra, swenta yu'un jun nax me yo'tan ya xcux yo'tan te lum cu'une.

Jeremías 51:56

Talic ta sjinel te Babilonia; la xchucbeyiquix te soldadoetic yu'une, soc la slajinbeyic te st'imique. Melel te Cajwaltic, ja' te Dios te ya yac'bey stoj juju-jtul te bit'il nix ya sc'an te yat'ele.

Salmos 46:9

jc'axel la slajinbey sc'oplal te guerra c'alal ta slajibal balumilal; la sc'asix te t'imalte'etique, la swuyix te lanzaetique, la xchiq'uix te carretaetic yu'un guerra.

Salmos 37:15

Pero ja' ni me ya yich' lowbeyel yo'tanic a te spuñalique, soc ya yich' c'astilayel te st'imalte'ique.

2 Reyes 15:29

Te c'alal ja' ay ta muc' ajwalil ta Israel a te Peka, c'ot te Tiglat-pileser, muc' ajwalil yu'un Asiria. La yu'unin te lumetic Ijón, Abel-bet-maaca, Janoa, Cedes, Hazor, te sq'uinal Galaad, te sq'uinal Galilea soc spisil te sq'uinal Neftalí; la yic' bael ta chuquel ta Asiria te yajwale.

Ezequiel 39:3

Tey me ya jc'asbat a te at'imalte' awich'oj ta aq'uexenc'abe, soc ya me cac' coluc ta ac'ab te at'ejibaletic yu'un at'imalte' atsacoj ta awa'elc'abe.