Oseas 1:4 - Bible in Tzeltal de Oxchuc y Tenejapa

⁴ Te Oseas jich albot yu'un te Cajwaltique: —Jezreel me sbiil xawac'bey te alale, melel nopolix ya cac'bey castigo te sts'umbal te muc' ajwalil Jehú ta scaj te milaw la spas ta Jezreel. Ya me jlajinbey sc'oplal te nación Israel.

Bible in Tzeltal Bachajón

⁴ Te Oseas hich halbot yu'un te Jehová: A'beya sbihilin Jezreel te alale, como nopol ya ca'be castigo te mach'atic ay yu'un Jehú ta scaj te ch'ich' la yich' malel ta Jezreel, soc ya jlajin te nación Israel.

Oseas 1:4 Referans Kwoze

Oseas 1:9

Jich yu'un te Cajwaltic la yalbey te Oseas: —Lo-ami sbiil xawac'bey te alale, melel te ja'exe ma ja'uquexix te lum cu'une, ni ma jo'uconix te Dioson awu'unique —xi'.

Oseas 1:6

Te Gomer te yinam Oseas, la yic' xan yal, ayin jtul alal ach'ix. Te Cajwaltic la yalbey te Oseas: —Lo-ruhama xawac'bey sbiilin te alale, melel ma ba ya jcha'na'bey xan yo'bolil sba te yajwal Israel, ma ba ya jpasbey perdón.

Ezequiel 23:31

Ja' nix la at'unbey sbe te awixe. Ja' yu'un ja' nix ya cac'bat awuch' c'oem te bila la cac'bey yuch' te awixe.

Ezequiel 23:10

Jichic uuc, jc'axel la sboltesbeyic sc'oplal. Ta patil la spojbeyic te squerem-alatac soc te yantsil-alataque. Te antse la smilic ta puñal stuquel. Jich me c'ot ta pasel ta stojol te castigo yu'un te smule. Te bila c'ot ta swentae, pujc' ta alel ta stojol yantic antsetic.

Jeremías 23:2

Te Cajwaltic, te Dios yu'un Israel, ya yalbey te jcanan-chijetic te ya xmandalajic ta stojol te slumale: —Ja'ex la apucbonic bael te chijetic cu'une, la axiwtesbonic bael, ma ba la acanantaybonic. Ja' yu'un ya me cac'bat tulan castigo yu'un te amen awat'elique. Jo'on Ajwalilon, jich ya cal.

Jeremías 3:8

Soc la yil te la quijq'uitay jba jilel soc te toyba Israel, och ta jun te la quijq'uitay jba soque, ja' yu'un te mulwej la spase. Ja'uc me to, te Judá te yijts'in Israel, ma junuc yo'tan, ma ba xiw yo'tan yu'un. Ja' nix jich bajt', ba yat'elin spasel te mulweje.

Isaías 9:6

Melel ayinemix jtul alal cu'untic, Dios la yac'botic jtul nich'anil, ja' te ac'bil yu'el ta mandalteswanej. Ja' me sbiilic ya xc'ot: “Jchajp nax Jtojteswanej”, “Dios te bayal yip”, “Tatil sbajt'el q'uinal”, soc “Ajwalil yu'un lamal q'uinal”.

Isaías 7:14

Jich yu'un, ja' nix me te Cajwaltic te ya yac'beyex awilic señail: Te ach'ixe yic'ojix yal, ya me x'ayin jtul squerem-al, Emanuel, sbiil ya xc'ot yu'un.

2 Reyes 15:29

Te c'alal ja' ay ta muc' ajwalil ta Israel a te Peka, c'ot te Tiglat-pileser, muc' ajwalil yu'un Asiria. La yu'unin te lumetic Ijón, Abel-bet-maaca, Janoa, Cedes, Hazor, te sq'uinal Galaad, te sq'uinal Galilea soc spisil te sq'uinal Neftalí; la yic' bael ta chuquel ta Asiria te yajwale.

2 Reyes 10:17

C'alal och bael ta Samaria, te Jehú la smil spisil te sts'umbal Acab te jayeb te cuxulique. Jc'axel la stup'bey sts'umbal, jich nix te bit'il albot yu'un Cajwaltic te Elíase.

San Juan 1:42

Jich la yic' bael tey a ta ba ay te Jesuse. Jesús la yil te Simone. Jich la yalbey: —Ja'at Simonat snich'anat Jonás, ja'uc me to, Cefas abiil ya xc'oat —la yut. Te Cefas te xie, Pedro, xi' c'oem.

San Lucas 1:63

Jich te Zacariase la sc'an tel ch'in welel ch'ujte' yu'un ya sts'ibuy a te bi sbiil ya xc'ote. Tey la sts'ibuy a te Juan sbiil ya xc'ot te snich'ane. Spisilic cham nax la yaiyic yu'un.

San Lucas 1:31

Yo'tic, ya me awic' awal. Jich me ya x'ayin aquerem-al. Jesús sbiil ya xc'ot awu'un.

San Lucas 1:13

Ja'uc me to, c'opoj te ch'ul abate: —Zacarías, ma me xiwat. Melel la yaiybatix stojol te bit'il la ac'opon te Diose. Te awinam Elisabet ya me x'alaj. In te yale, Juan sbiil ya xc'ot awu'un.

San Mateo 1:21

Ya me x'ayin squerem-al. Jesús sbiil ya xc'ot awu'un te yale. Jich ay te sbiile, yu'un ya me scoltay ta lajel yu'un smulic te lum yu'une —xi' te ch'ul abate.

Oseas 9:17

Te lum ma sc'an ya yich'ic ta muc' te Dios cu'une. Jich yu'un te Dios cu'une ya me xch'oj loq'uel, soc ya me xbajt'ic ta melmonel ta nacionetic.

Oseas 2:22

Te lumq'uinal ya me yac' trigo, vino soc aceite; jich me ya yalic: “Dios ya sts'unotic”.

Oseas 2:13

Ya me cac'bey castigo yu'un te jayeb c'aal c'axix te la xchic'bey pom te yajcananique, c'alal la xch'al sba ta ch'ocowiletic soc ualiletic swenta yu'un ya yantay te mach'atic ya xmulanot yu'une, te c'alal la xch'ayon ta yo'tane. Jo'on Ajwalilon, tulan ya cal.

2 Reyes 15:8

Ta waxaclajuneb xcha'winic (38) ja'wil yochel ta muc' ajwalil ta Judá a te Azarías, te Zacarías snich'an Jeroboam och ta muc' ajwalil yu'un Israel. Jalaj waqueb u ta yat'el ta muc' ajwalil ta Samaria.

Jeremías 20:3

Ta yan c'aal ta patil la yal mandal ta loq'uesel te Jeremías ta bay xojol te yacane. Jich yu'un te Jeremías la yal: —Te Cajwaltic la sjelbatix abiil, Magor-misabib c'otix.

Josué 19:18

Ta sq'uinal ay te lumetic Jezreel, Quesulot, Sunem,

2 Reyes 10:1

Te Acab ay lajuneb xchanwinic (70) sts'umbal ta Samaria. Ja' yu'un te Jehú la spasbey scarta te mach'atic j'at'el-patanetic ta lum, soc te mamaletic yich'oj yat'elic, soc te mach'atic swentainejbeyic te snich'nab Acab. Jich la yalbey ta jun te Jehú:

Isaías 8:3

Ta patil la join ta wayel te quinam, te ay ta j'alwaneje. La yic' yal, jich la sta jtul ch'in squerem-al. Jich yu'un te Cajwaltic la yalbon: —Ac'beya sbiilin Maher-salal-hasbaz.

Amós 9:8

Te Cajwaltic ya yil ta sit spisil te jmulawiletique, jich ya yal yu'un: —Ya me jch'ay ta lumq'uinal te sts'umbal Jacob; ja'uc me to, ma ba ya jlajin ta jyalel. Jo'on Ajwalilon, tulan ya cal.