Oseas 1:11 - Bible in Tzeltal de Oxchuc y Tenejapa

¹¹ Jich me ya stsob sbaic te ants-winiquetic, ja' te yajwal Judá soc te yajwal Israel. Soc ya me yac'beyic yat'el jtul jtsobwanej, spisil ta bayuc ya me sujt'ic bael ta Jerusalén. Muc' me ya xc'ot sc'aalelal te Jezreel.

Bible in Tzeltal Bachajón

¹¹ Ya me stsob sbahic te snich'nab Judá soc Israel, soc ya me slehic jtuhl jtsobaw yu'unic; soc ya me xhahchic ta q'uinal, como muc' ya xc'oht sc'ahc'alel te Jezreel.

Oseas 1:11 Referans Kwoze

Oseas 3:5

Ta patil te israeletic ya sujt'ic tel, ya xtal sleic te Cajwaltic, te Dios yu'unique, soc te muc' ajwalil yu'unic, ja' te David. Ta slajibal c'aal, ya me xnoptsajic tel ta stojol te Cajwaltique, ya me yich'ic ta muc', soc bin nax me yo'tanic yu'un te lequilal ya yac' stuquele.

Jeremías 31:33

Ja' in to ja' te trato ya jpas soc Israel c'alal ya sta sc'aalelal: Ya jts'ibubey ta yo'tanic te jmandale, soc ya me cac'bey ta sjolic. Jo'on me Dioson yu'unic, soc ja'ic me lum cu'un. Jo'on Ajwalilon, jich ya cal.

Romanos 11:15

Melel te bit'il ijq'uitayot te judioetic yu'un te Diose, jich junaj yo'tanic ta stojol Dios spisil te yantic ta balumilale. Ja'uc me to, c'alal ya xcha'ic'otic xane, ¿Ma bal jichuc ya xc'ot te bit'il cha'cux tel te mach'atic lajemique?

Jeremías 50:19

Ya me cac' ya sujt' bael ta slum-sq'uinalic te israeletique, jich bit'il chijetic ya me sta bayal swe'elic ta Carmelo, ta Basán, ta witstiquil yu'un Efraín soc ta Galaad.

Jeremías 30:3

Melel ya xtal sc'aalelal te ya cac'bey xan yutsilal te lum cu'une, ja' te Israel soc te Judá. Jo'on Ajwalilon, jich ya cal. Ya jsujt'es tel ta bay lumq'uinal te la cac'bey yu'unin te sme'-statique —xi'.

Salmos 110:3

Te lum awu'un bin nax yo'tan ya yac' sba ta ac'ab te bi c'aalil ya awaiy tsalawe. Ta sba te ch'ul witstiquil, jich bit'il ts'ujul ya xchicnaj te yac ta sacubel tel te q'uinale, jich me c'oem a te aqueremil te yanyan ta ach'ubel jujun c'aale.

Jeremías 30:7

Ya me xnoptsaj tel sc'aalelal te mero xiweltic nax sbae; ma me ayuc jich sc'aalelal ya xc'ot yan a. Ja' me sc'aalelal te ya yaiy mel-o'tan te lum yu'un Jacob; ja'uc me to, ya me jcoltay.

Jeremías 30:21

Ya xloc' ta yolilic te jtsobwanej yu'unique; tey nix ya xloc' ta yolilic jtul ajwalil. Ya me cac' te ya xnoptsaj ta jtojol; ¿ay bal mach'a ya xju' xnoptsaj bael ta jtojol? Ja'ic me te lum cu'une, soc jo'on me Dioson yu'unic. Jo'on Ajwalilon, jich ya cal —xi' te Cajwaltique.

Jeremías 32:37

Ja'uc me to, ya jtsob tel spisil yajwal te alumal ta bay la jpuquex bael c'alal noj ta co'tan quilimba soc sc'ajc'al co'tan te xiweltic sbae. Ya me quiq'uex sujt'el li' ta bay in q'uinal to, swenta yu'un jun nax me awo'tanic ya x'ainex tey a.

Ezequiel 39:25

“Ja' yu'un, jo'on Ajwalilon te jich ya cale: Yo'tic ya me xtalix xc'uxul ta co'tan ta spisil te lum Israel, ja' te patil alnich'anetic yu'un Jacob. Ya me cac' te ya xyanaj te stalele, soc ya me calbey mandal te ya yac'bon ta ich'el ta muc' te jch'ul-biile.

Oseas 2:1

Ja' yorail te jich me ya awalbeyic te awermanotac winiquetique: —Lumotic yu'un Dios —xaex me. Soc ya me awalbeyic te awermanatac antsetique: —Na'bil yo'bolil abaic —xi' me sc'oplal awu'unic.