Oseas 1:10 - Bible in Tzeltal de Oxchuc y Tenejapa

¹⁰ Ya me sta sc'aalelal te mach'atic israeletic te jichic te bit'il sji'al mar, te ma'yuc mach'a ya xju' yu'un sp'isel, ni yajtayel. Te bit'il la yich' albeyel: —Ma lumuquexix cu'un te ja'exe —te xi' sc'oplalique, Dios me ya yalbey: —Ja'ex me yal-snich'anex te cuxul Dios —xi' me sc'oplalic.

Bible in Tzeltal Bachajón

¹⁰ Aunque hich ay, te israeletic hich ya xc'ohtic te bin ut'il shi'al mar, te ma xhu' ta p'isel o ta ahtayel. Ta banti hich ya xhalbotic: Ma puelohuquex cu'un, te xchihe, hich ya xhalbotic: Yal-snich'anex te cuxul Dios, xchi sc'oblalic.

Oseas 1:10 Referans Kwoze

2 Corintios 6:18

Jo'on me Atatonic ya xc'oon, te ja'exe cal-jnich'nab ya xc'oex, xi' te Cajwaltic te Spisil ya xju' yu'une”, te xie.

San Juan 1:12

Yan te mach'atic la yiq'uic ta stojolique, soc te la xch'uun yo'tanic ta swenta sbiil, la yac'bey tulan yat'elic te bit'il ochic ta yal-snich'anic te Diose.

Isaías 43:6

Ya calbey te mach'a ay ta norte: “Sujt'esbon tel a”, ya me cut, soc ta bay sur: “Ma me x'acombon”, ya me cut. Ic'bon tel te jnich'nab queremetic soc te ach'ixetic, c'alal ta c'ubul q'uinal, ja' to ta sti'il te balumilale.

Oseas 2:23

Jich me ya jts'un ta q'uinal c'oem te lum cu'un, te ja' nax mero cu'un jtuquele; ya me jna'bey yo'bolil sba te Lo-ruhama, te Lo-ami ya calbey: “Ja'at lumat cu'un”, ya cut, soc jich me ya yalbon: “Ja'at Diosat cu'un”, xi' me —xi' te Cajwaltique.

Isaías 66:20

Ya me yiq'uic tel ta bayuc te nacionetic, ta spisil te alumal abaic te ja'exe. Ya me xtalic ta caballo, ta carreta, ta q'uechel ta silla, moel ta spat mula soc camelloetic. Ja' me majt'aniletic ta jtojol ta Jerusalén, ja' te ch'ul wits cu'une, jich bit'il majt'aniletic ya yich'ic tel te israeletic ta pocbil vasoetic ta templo cu'une. Jo'on jich la cal te Ajwalilone.

Génesis 13:16

Jich me yipal ats'umbal ya xc'oat cu'un te bit'il ts'ubil lume. Ma xju' ta ajtayel te ts'ubil lum, soc ja' nix jich ma xju' ta ajtayel te ats'umbale.

Oseas 1:9

Jich yu'un te Cajwaltic la yalbey te Oseas: —Lo-ami sbiil xawac'bey te alale, melel te ja'exe ma ja'uquexix te lum cu'une, ni ma jo'uconix te Dioson awu'unique —xi'.

Génesis 22:17

jich yu'un jelawen to xan ya cac'bat esmajuc bendición ta atojol. Jelawen to xan ya cac' esmajuc ats'umbal, jich yipal ya xc'otic te bit'il sji'al mar, soc te ats'umbale ya me stsal spisil yajcontro.

Hebreos 11:12

Jich uuc te Abrahame manchuc teme nopol xlajix bael a, ja'uc me to, jich yipal sts'umbal c'ot te bit'il eq'uetic ta ch'ulchane soc jich yipal te bit'il sji'al sti'il mar te ma xju' ta ajtayele.

Génesis 32:12

Te melel jich awalojbon ta jamal: “Ya me jc'uxtayat, soc jich yipal ya xc'ot ats'umbal cu'un te bit'il sji'al mar te ma xju' ta ajtayel”, te la awutone —xi'.

Jeremías 33:22

Soc te sts'umbal te cabat David soc te yantic abatetic cu'une, ja' te mach'atic sts'umbal Leví, ya me quesmantesbey yajtalul, jich bit'il eq'uetic ta ch'ulchan soc jich bit'il sji'al mar, te ma'yuc mach'a ya xju' yu'un yajtayele —xi' te Cajwaltique.

Isaías 48:19

Te ats'umbale ma me p'isbiluc yajtalul te jichuque, ma xju'ix ta ajtayel jich bit'il sji'al mar. Jo'on ma'yuc bi ora la sc'an co'tan te ya jinat te jichuque; ni ma la sc'an co'tan te ya quijq'uitayate, te ya jch'ay jsit ta atojole —xi' te Cajwaltique.

Romanos 8:19

Soc spisil te bitic pasbil yu'un te Diose, yo'tanuc ya xchicnantesot ta ora te mach'atic yal-snich'an te Diose.

Isaías 63:16

Ja' tatilat cu'untic. Manchuc me ma sna' jbatic stuquel te Abraham, ni Israel ma sna'otic te jo'otique; ja'uc me to, ja'at Cajwal, tatilat atuquel; ja'at nix J'ac'wanejat ta libre cu'untic a.

Isaías 64:8

Ja'uc me to, ja' jtaticat atuquel Cajwal; jo'otic ajch'alotic, ja'at jpac'jomat cu'untic, ta jpisiltic ja'at Jpaswanejat cu'untic atuquel.

Isaías 65:1

Te Cajwaltic ya yal: —Te mach'atic ma'yuc bila sc'anojbonic jtebuc, ja'ic te talic ta jtojole; te mach'atic ma ba sleojonic, ja'ic te la staonique. Te mach'atic te ma ba sc'oponejone, ja' te la calbey: “Li' ayon to”, la cut.

Daniel 6:26

Yo'tic ya cal tulan mandal ta stojol ta spisil te bay c'alal ayic ta jwenta, te ya me yich'ic ta muc' soc ac'a xch'uunic te Dios yu'un Daniel. Melel ja' mero cuxul Dios stuquel, soc sbajt'el q'uinal ay. Te mandalteswanej yu'une, ma'yuc bi ora ya xlaj, soc ma'yuc slajibal te yu'ele.

2 Samuel 7:24

Melel jc'axel awalojix te ja' lum awu'un sbajt'el q'uinal te jlumal Israel, soc te ja'at Cajwal te Diosat cu'untique.