Números 9:5 - Bible in Tzeltal de Oxchuc y Tenejapa

⁵ Ja' yu'un jich la spasic ta xchanlajunebal sc'aalelal te u, ta yijc'ubel q'uinal ta bay jochol taquin q'uinal Sinaí, jich nix la yich' pasel spisil te bit'il mandal yaloj Cajwaltic ta stojol te Moisés.

Bible in Tzeltal Bachajón

⁵ Hich la spasic te Q'uin Pascua ta shahchibal u ta schanlajunebal (14) c'ahc'al, ta yihc'ubel q'uinal, ta jochol taquin q'uinal Sinaí; hich te bin ut'il spisil bintic pasot ta mandar yu'un Jehová te Moisés, hich la spasic te snich'nab Israel.

Números 9:5 Referans Kwoze

Josué 5:10

Te israeletic la spas scampamentoic ta Gilgal, soc ta xchanlajunebal c'aal yajtalul a te u, ta malc'aal la spasic te q'uin Pascua ta spamlej yu'un Jericó.

Hebreos 11:8

Ta swenta xch'uunjel yo'tan te Abrahame, la xch'uunbey smandal Dios te c'alal la yich' iq'uel yu'une. Jich loc' tel ta slumal, bajt' ta banti q'uinal te ya x'ac'bot yu'unin yu'un te Diose. Ja'uc me to, ma ba sna'oj stojol te banti ya xc'ot te c'alal jajch' loq'uel ta slumale.

Hebreos 3:5

Jich te Moisese, te abat nax yu'un te Diose, jun nax yo'tan la yac' sba ta abatinel ta bay sna te Diose. Ja' yat'el ac'bot spas tey a te ya yalbey sc'oplal te bila ya yal ta patil te Diose.

Hechos 26:19

“Jich yu'un, muc' ajwalil Agripa, ma la jch'aybey smandal te mach'a la quil ta stelemal yilel te chicnaj tel ta ch'ulchane.

San Juan 15:14

Te jo'otique jun co'tan jbajtic teme ja' ya apasic te bila la calbeyex ta mandale.

San Mateo 28:20

P'ijubtesaic te ya yat'elinic spasel spisil te jmandal calojbeyexe. Ma me xch'ay ta awo'tanic te joinejex spisil ora ja' to c'alal ta slajibal te balumilale —xi' te Jesuse. Jichuc.

Deuteronomio 4:5

Te jo'one la cac'beyexix anopic te mandaliletic soc te bitic chapal, te la yalbon cac'beyex anopic te Cajwal te Dios cu'une, yu'un me ya apasic bael tey ta lumq'uinal te banti ya xc'o awu'uninique.

Deuteronomio 1:3

Ta sbabial c'aal sjajch'el a te sbuluchebal u te sloq'uel cha'winic (40) ja'wil, te c'alal Moisés la stsalix te Sehón, te muc' ajwalil yu'un amorreoetic te nainem ta lum Hesbón a, soc te Og, te muc' ajwalil yu'un lumq'uinal Basán sbiil te nainem ta Astarot soc ta Edrei, te Moisés la yalbey yaiyic te israeletic spisil te bila mandalil albot yu'un Cajwaltic te ya sc'an ya spasique.

Números 29:40

Te Moisés la sc'asesbey israeletic ta spisil te bila mandal albot yu'un te Cajwaltique.

Números 8:20

Te Moisés, te Aarón soc spisil te lum Israel la xch'uunic spasel te bila mandal la yal Cajwaltic ta stojol Moisés ta swenta te levitaetique.

Éxodo 39:42

Te israeletic la spasic spisil jich bit'il yaloj mandal Cajwaltic ta stojol Moisés.

Éxodo 39:32

Ju' ta pasel te Nailpac' Templo yu'un Dios, ja' te Nailpac' te bay ya yich' c'oponel te Diose. Te israeletic jich nix c'ot ta pasel yu'unic spisil te bit'il yaloj mandal te Cajwaltic ta stojol Moisés.

Génesis 7:5

Te Noé jich la spas spisil te bit'il pasot ta mandal yu'un te Cajwaltique.

Génesis 6:22

Jich la spas te Noé spisil bitic albot ta mandal yu'un te Diose.

Números 9:4

Jich yu'un te Moisés la spas ta mandal te israeletic te ya spasic te q'uin Pascua.

Éxodo 12:50

Spisil israeletic la spasic spisil jich bit'il yalojbey mandal Cajwaltic te Moisés soc te Aarón.

Números 1:54

Te israeletic jich la spasic spisil te bit'il nix yaloj mandal Cajwaltic ta stojol Moisés.