Números 9:21 - Bible in Tzeltal de Oxchuc y Tenejapa

²¹ Ay jun nax ajc'ubal la scom sba te tocale, ta sab jajch' ta beel, ja' yu'un jich jajch'ic ta beel. Jich nix ta c'aaleltic ta ajc'ubal, c'alal jajch' te tocal, jajch'ic ta beel.

Bible in Tzeltal Bachajón

²¹ Te c'alal ya xhil te tocal c'alal ta tibiltic ha to ta sacubel q'uinal, o c'alal ya xhahch ta sab, ya xhahchic ta behel; o teme ya x'ayin jun c'ahc'al, teme ya xhahch bahel ta ahc'abal te tocale, ya xhahchic ta behel.

Números 9:21 Referans Kwoze

Nehemías 9:19

Pero te ja'ate ta swenta nax te la ana'bey yo'bolil sbaique, ma ba la apijt'es te c'alal ayic ta jochol taquin q'uinal ae. Te balal tocale ma ba pijt'esotic yu'un ta c'aaleltic, ic'otic ta beel yu'un. Ja' nix jich te c'ajc' balale, ma ba pijt'esotic yu'un ta ajc'ubal, la yac' xojobil ta stojolic, jich la yil sbeic te banti ya sc'an ya xbajt'ique.

Nehemías 9:12

La awic' ta beel ta c'aaleltic soc balal tocal. Ta ajc'ubal la awac'bey yil balal c'ajc', swenta yu'un ya yil sbeic ta beel a te banti ya sc'an ya xbajt'ique.

Números 9:20

Teme jun cheb nax c'aal ay tocal ta sba te ch'ul awilal, teme la yal mandal te Cajwaltic, jajch'ic ta beel, soc teme la yal xan mandal ta yan buelta, jich la scom sbaic ta beel.

Números 9:22

Teme la scom sba ta sba te ch'ul awilal te tocal, teme cheb c'aal, teme jun u, o teme jun ja'wil, jich jun nax yo'tanic la spas scampamentoic, ma ba jelawic bael. Ja'uc me to, teme jajch' ta beel te tocale, jich yu'un te israeletic jajch'ic ta beel.