Números 9:19 - Bible in Tzeltal de Oxchuc y Tenejapa

¹⁹ Teme bayal c'aal ay tocal ta sba te ch'ul awilal, te israeletic jich la scom sbaic ta beel, swenta yu'un ya me yich' ch'uunel smandal te Cajwaltique.

Bible in Tzeltal Bachajón

¹⁹ Teme bayel c'ahc'al ay ta sba te Nahilpac' Templo te tocale, te snich'nab Israel ya sch'uhumbeyic smandar te Jehová, ma ba ya xhahchic bahel.

Números 9:19 Referans Kwoze

Zacarías 3:7

—Jich ya yal te Cajwaltic te Spisil ya xju' yu'une: “Ja' me xat'unbon te be cu'un; ac'a me c'otuc ta pasel awu'un spisil te bitic ay ta awenta spasel cu'une. Teme jich ya apase, ya me x'och ta awenta te templo cu'une. Ya me acanantay te templo, soc ta spisil te yamac'ule. Ya me cac'bat awawil ta yolilic te ch'ul abatetic te ayic ta abatinel cu'une. Josué, ja'at te muc'ul sacerdoteat,

Números 3:8

Ja' me ya scanantaybeyic sbiluquil te Nailpac' te bay ya quich' c'oponele, soc ya me yac' sbaic ta abatinel yu'unic te israeletic ta spasel spisil te bitic ay ta pasel ta ch'ul awilal.

Éxodo 40:37

Teme ma xjajch' te tocale, jich ma ba ya spaquic te snailpaq'uic, ja' to jich ya spasic te c'alal ya xjajch' te tocale.

Levítico 8:35

Ja' yu'un ya me sc'an te ya x'ainex juqueb c'aal soc juqueb ajc'ubal ta stojol te yochibal Nailpac' te banti ya yich' c'oponel te Cajwaltique. Ch'uunaic me te mandal yu'un Cajwaltic, jich me ma ba ya xlajex a, melel jich me ay te smandal Cajwaltic te la yalbone —xi' te Moisese.

Números 9:18

Te c'alal la spas mandal te Cajwaltic, te israeletic jajch'ic ta beel o ya xcomic. Tey ainic jayeb c'aal a, ja' chican te tocal teme stalel nax ay ta sba te ch'ul awilal.

Números 9:20

Teme jun cheb nax c'aal ay tocal ta sba te ch'ul awilal, teme la yal mandal te Cajwaltic, jajch'ic ta beel, soc teme la yal xan mandal ta yan buelta, jich la scom sbaic ta beel.