Números 9:15 - Bible in Tzeltal de Oxchuc y Tenejapa

¹⁵ Te bi c'aalil najc'aj yu'unic te ch'ul awilal, ja' te Nailpac' yu'un trato, mucot ta tocal. Ta yijc'ubel q'uinal chicnaj ta sba te ch'ul awilal jich bit'il c'ajc' yilel, sjunal ajc'ubal ja' to c'alal sacub tel.

Bible in Tzeltal Bachajón

¹⁵ Te bin c'ahc'alil te la yich' tehc'anel te Nahilpac' Templo, te tocal la yaxintes te Nahilpac' yu'un te Testigo-c'op. Ta yihc'ubel q'uinal ha to c'alal ta sacubel q'uinal ay ta sba te Nahilpac' Templo, hich yilel te bin ut'il c'ahc'.

Números 9:15 Referans Kwoze

Éxodo 13:21

Ta c'aaleltic la sjoin te Cajwaltic, jich yilel te bit'il balal tocal te yac ta ic'aw ta beel. Ta ajc'ubal balal ta tilel jichuc c'ajc' xojobajem ta lec. Jich ju' yu'unic beel ta c'aal ajc'ubal.

Éxodo 40:34

tal ta muquel ta tocal te Nailpac' te bay ya yich' c'oponel te Diose. Te yutsil xojobil te Cajwaltic noj yu'un te ch'ul awilale.

Salmos 78:14

Ta c'aaleltic la yac' ta iq'uel ta beel yu'un tocal, ta ajc'ubal la yac' ta iq'uel ta beel yu'un c'ajc' te ay xojobil.

Nehemías 9:19

Pero te ja'ate ta swenta nax te la ana'bey yo'bolil sbaique, ma ba la apijt'es te c'alal ayic ta jochol taquin q'uinal ae. Te balal tocale ma ba pijt'esotic yu'un ta c'aaleltic, ic'otic ta beel yu'un. Ja' nix jich te c'ajc' balale, ma ba pijt'esotic yu'un ta ajc'ubal, la yac' xojobil ta stojolic, jich la yil sbeic te banti ya sc'an ya xbajt'ique.

1 Corintios 10:1

Quermanotac, ma jc'an ya xch'ay ta awo'tanic te bit'il spisil axintesotic ta tocal te namey q'uinal jme'-jtatique, soc spisilic c'axic bael ta yolil te Tsajal Mare.

Isaías 4:5

Ta spisil te witstiquil Sión soc te lum tey stsoboj sbaic ae, te Cajwaltic ya xchicnantes jajch'el tocal ta c'aaleltic, ta ajc'ubal ya xojobaj ta tilel c'ajc'. Ta sba ta spisilic tey me ya x'ain a te yutsil xojobil te Cajwaltique,

Salmos 105:39

Dios la slim bael tocal ta sbaic, swenta smajq'uilic yu'un; ta ajc'ubal la yac' bael c'ajc' ta stojolic yu'un la yac' sacubuc q'uinal.

Nehemías 9:12

La awic' ta beel ta c'aaleltic soc balal tocal. Ta ajc'ubal la awac'bey yil balal c'ajc', swenta yu'un ya yil sbeic ta beel a te banti ya sc'an ya xbajt'ique.

Números 14:14

ya me xba yalbey yaiyic te yajwal te sq'uinal Canaán. Melel yaiyojic te ay ta alel te ja'at Cajwal, te ayat ta yolilic, te awac'oj aba ta ilel ta stojolic, te axintesbilic ta tocal awu'une. Ta c'aaleltic ya xneelajat bael yu'unic ta balal tocal, soc ta ajc'ubal ya xneelajat bael yu'unic ta balal c'ajc'.

Éxodo 40:38

Melel te tocal yu'un Cajwaltic, ta c'aaleltic ya x'ain ta sba te ch'ul awilale. Yan te ajc'ubal ya xc'atp'uj ta c'ajc' te ya x'ain ta sba. Jich la yilic spisil ora te israeletic te jayeb c'aal beenique.

Éxodo 40:2

—Te sba c'aalil yu'un te u, ja' te sbabial u, ja' me ya atejc'an te Nailpac' Templo, te bay ya quich' c'oponele.

Éxodo 14:24

Ijc' to a te q'uinal te Cajwaltic la yil loq'uel ta yolil te balal tocal soc te c'ajq'ue. Ja' tijbotic jajch'el xiwel yu'un ta stojolic te egipcioetic, jich nax ma tojobic jajch'el ta beel.

Éxodo 13:22

Te tocale ja' neel ta ic'aw ta c'aaleltic. Ja' nix jich te c'ajq'ue ja' neel ta ic'aw ta ajc'ubal.

Números 10:34

Ta jujun c'aal, teme ya xloq'uic ta beel, te tocal yu'un Cajwaltic axintesbilic bael yu'un.

Números 17:7

Te Moisés la yac' jilel te bastonil ta stojol Cajwaltic ta Nailpac' yu'un trato.

Deuteronomio 1:33

ja' te neelajem awu'unic te la stsa te banti ya yaq'uex ta cux-o'tane. Ta ajc'ubal chicnaj c'ajc' ta toyol yu'un la yac'beyex awilic a te be te ya at'unic baele; ta c'aaleltic la yac'beyex awilic ta swenta tocal.

Éxodo 40:35

Te Moisés ma ju'ix te ya x'och bael ta Nailpac' te bay ya yich' c'oponel te Diose, melel te tocal jul ta lich'ajel ta sba, soc te yutsil xojobil te Cajwaltic noj yu'un te ch'ul awilale.