Números 9:14 - Bible in Tzeltal de Oxchuc y Tenejapa

¹⁴ “Te jyanlum winic te nainem ta awolilic, ya me spas uuc te q'uin Pascua ta swenta quich'jibal ta muc', jich me te bit'il jmandal te caloje. Te mandalil te chapale jich nix me yip sc'oplal ta stojol jyanlum winic soc ta stojol te mach'a ainem ta alumal”, uta me —xi' te Cajwaltique.

Bible in Tzeltal Bachajón

¹⁴ Teme ay jyanlum te nahinem ta awohlilic te ya spas te Q'uin Pascua ta stojol Jehová, hich me ya spas te bin ut'il ya sc'an pasel soc hich te bin ut'il te mandariletic yu'une. Junax mandaril awu'unic soc te jyanlum soc te mach'a ha nix slumal, xchi.

Números 9:14 Referans Kwoze

Levítico 24:22

“Ja' te mandalil ay yip ta stojol te lume, ja' nix jich ay yip ta stojolic uuc te jyanlumetique. Jo'on Ajwalilon, Dioson awu'unic”, uta me —xi' te Cajwaltique.

Deuteronomio 31:12

Ta spisil me ya stsobic te winiquetic, antsetic, alaletic soc te jyanlumetic te nainemic ta alumalique, swenta yu'un ya me yaiyic te ya yich' ilel te mandaliletique, soc ya me snopic yich'el ta muc' te Cajwaltic Dios, soc ya me spasic bael te bila ya yal te mandaliletique.

Deuteronomio 29:11

alaletic, antsetic, soc jyanlumetic te nainem ta awolilique, ja' te jle-si'etic soc te jcuch-ja'etique,

Levítico 25:15

Te mach'a ya smane, ja' me ya yich' ajtayel te jayebix ja'wil xc'axel te ja'wil swenta ainel ta libre. Jich nix te mach'a ya xchone, ja' me ya sc'anbey stojol te jayeb xan ja'wil te bila ya xloc' tey a te q'uinale:

Levítico 22:25

Soc ma me xatsacbeyic teme ay jyanlum tal yac'beyex chambalam, te jich ay te bit'il la calixe. Teme ya xtal yac' chambalam te ja' jwe'el jo'on te Diosone, pero teme ay bila boloben ta sbaq'uetal te chambalame, ma me stsacbot stuquel”, uta me xi'.

Levítico 19:10

Ma me xatsob xan spisil te sit ats'usubile, soc ma me xatam te sit ats'usubil lubajeme; ijq'uitaybeya te me'baetic soc te jyanlumetique. Jo'on Ajwalilon, Dioson awu'unic.

Éxodo 12:43

Te Cajwaltic, jich la yalbey te Moisés soc Aarón: —Ja' me mandaliletic yu'un Pascua: Ma me ayuc jtuluc jyanlum ya sti' te milbil chambalame.

Éxodo 12:47

Ja' jich ya spasic ta stsojbolic te israeletique.

Números 15:15

Te bila chajbanbil ta atojolic, jich nix me ya xtuun ta stojolic te jyanlumetique. Mandalil me sbajt'el q'uinal te ya xc'ax ta stojol te me'il-tatil soc te snich'nabique.

Números 15:16

Jun nax me mandalil soc jun nax me te bila chajbanbil te ya xtuun ta atojolic soc te jyanlumetic”, uta me —xi' te Cajwaltique.

Esdras 6:21

Spisil te israeletic sujt'emiquix tel te la yich'ic loq'uesel ta slumalique, la swe'ic te we'elil yu'un Pascua. Ja' nix la sjoinic spisilic te mach'atic ma ba la yaq'uix sbaic a te bila ilaybil sba ta pasel yu'unic te nacionetic xch'uunejic loc'ombaetique, te jun la yac' sbaic soc ta yich'el ta muc' te Cajwaltic te Dios yu'un Israele.