Números 9:13 - Bible in Tzeltal de Oxchuc y Tenejapa

¹³ Ja'uc me to, te mach'a ya yijq'uitay ta pasel te q'uin Pascua, teme lec sc'oplal soc teme ma ba c'ubul beenique, ya me yich'ic loq'uesel ta yolil te slumale. Scaj te ma la yac' ta stojol Cajwaltic te majt'anil te albil sc'oplale, jich me xcuchoj ya xjil te smule.

Bible in Tzeltal Bachajón

¹³ Yan te mach'a lec sc'oblal soc te ma namaluc yac ta behel, teme ma ba ya spas te Q'uin Pascua, ya me yich' loq'uesel ta yohlil te slumale. Ha ya scuch smul ta scaj te ma ba la ya'be smahtan te Jehová ta yorahil.

Números 9:13 Referans Kwoze

Éxodo 12:15

Juqueb me c'aal ya awe'ic waj te ma ba yich'oj levadura. Ja' to me ta sba c'aalil bael, ma me ayuc mach'a ay levadura ta sna. Mach'auc me a te ya swe' waj te yich'oj levadura ta sjuquebal c'aal, jc'axel me ya yich' loq'uesel ta atojolic.

Génesis 17:14

Yan te mach'a ma xyich' circuncisión, ya me yich' loq'uesel ta stojol alumal, yu'un ya xc'axintaybon te trato cu'une —xi'.

Números 9:7

Jich la yalbeyic te Moisés: —Te jo'otic jpicojtic anima, jich yu'un ma ba lec jc'oplaltic. ¿Ya laj bal sc'an Cajwaltic stsacbotic te smajt'an ta mero yuil, te ya join jbajtic soc te jlumaltic israeletique? —xiic.

Hebreos 12:25

Jich yu'un tsajtaya me abaic, ma me xap'ajic te mach'a yac ta c'ope. Melel teme ma ba colic te mach'atic la sp'ajic te c'alal c'oponotic ta tulan yu'un Dios li'to ta balumilale, ¿bit'il c'an colucotic jo'otic teme ya jp'ajtic ta comel yu'un te Mach'a yac ta c'op ta jtojoltic c'alal to ta ch'ulchane?

Hebreos 9:28

ja' nanix jich uuc te Cristoe jun nax buelta tal yac' sba ta lajel ta xch'ayel smul tsobol ta jtul te ants-winiquetique. Patil ya xtal yan buelta, ja'uc me to, ma yu'unuc ya xtal xan ta xch'ayel te mulile. Ja' ya xtal scoltay spisil te mach'atic yacalic ta smaliyele.

Hebreos 6:6

teme yoloj ya yijq'uitayic ta ch'uunel te Snich'an Diose, jich ma xju'ix te ya x'ac'bot sujt'es xan yo'tanique. Yu'un ja'ic ya yaq'uic xan ta jijp'anel ta cruz c'oem te Snich'an Diose, soc ya yaq'uic xan ta labanel ta comonsitil.

Hebreos 2:3

¿Bit'il c'an jcoltay loq'uel jbajtic uuc teme ma'yuc sc'oplal ta co'tantic te jcoleltic te c'ax muc' sc'oplale? Yu'un ja' nix Cajwaltic te la xcholbey sc'oplal ta neelal te jcoleltique. Te mach'atic la yaiybeyic stojol te sc'ope, ja'ic la yalbotic te bit'il smelelil c'op te bila la yale.

Ezequiel 23:49

Ta xchebalic te antsetique, ya me yich'ic te castigo yu'un te amen yat'elique, soc te castigo yu'un te smulic ta xch'uunel loc'ombaetic cuybilic ta Dios yu'unique. Ya me ana'ic te jo'on Ajwalilon —xi' te Cajwaltique.

Números 19:13

Melel teme ay mach'a ya spicbey sbaq'uetal anima, te ma ba ya slecubtes sba sc'oplal, ya sboltesbey sc'oplal te ch'ul awilal yu'un te Cajwaltique. Ja' yu'un ya me yich' ch'ayel loq'uel ta yolil Israel. Te bit'il ma ba tsijts'anbil ta ja' swenta lecubtesel, ja' swentail te ma lecuc sc'oplale.

Números 5:31

Te winic ma me ja'uc ay smul ya xc'ot; ja'uc me to, teme ja' ay smul te antse, ya me xc'ax swocol ta castigo.” Jich me ya awal ta stojolic —xi' te Cajwaltique.

Levítico 20:20

“Teme ay winic ya xway soc yinam stajun, ya me sboltesbey sc'oplal te stajune, ta xchebalic me ya xcuch te smulique; ma me ayuc yal-snich'anic a ya xlajic.

Levítico 17:10

“Jo'on me ya cac'bey smulin mach'auc israelil o jyanlumil te ay ta awolilic, teme ya slo' ch'ich', chican bila ya yut ya slo', ya me jloq'ues ta yolil te yajwal lume.

Levítico 17:4

Teme ma ba ya yich'bon tel ta yochibal Nailpac' te banti ya quich' c'oponele, jo'on te Ajwalilon, swenta jmajt'an ta ch'ul awilal cu'une, ya me sta smul ta swenta bit'il la smal ch'ich'. Ja' yu'un ya me yich' loq'uesel ta yolil te slumale.

Levítico 22:9

“Albeya, ac'a xch'uunic spasel te bila caloj, melel ja' me xcuchoj smul ya xc'otic yu'un teme ma ba ya xch'uunbonic, soc jich me ma ba ya xlajic teme ya xch'uunique. Jo'on Ajwalilon te ch'ultesbilic cu'une.

Éxodo 12:19

Ma me ayuc mach'a ay levadura ta sna ta sba c'aalil ja' to c'alal ta sjuquebal c'aal. Mach'auc me a te ya swe' waj te yich'oj levadura, ya me yich' loq'uesel ta atojolic, manchuc me yan lum talem, o teme ja' nix yajwal te lume.

Éxodo 12:47

Ja' jich ya spasic ta stsojbolic te israeletique.

Éxodo 30:33

Teme ay mach'a ya xchajban aceite te pajal soque, soc teme mach'auc nax ya smalbey ta sjole, jc'axel me ya yich' loq'uesel ta yolil te lume —xi' te Cajwaltique.

Éxodo 30:38

Te mach'a ya xchajban yan pom te pajal soc te ya sc'an smulanbey te sbujts'e, jc'axel me ya yich' loq'uesel ta yolil te lume —xi' te Cajwaltique.

Levítico 24:15

Te bila ya sc'an ya yich'ic alel te israeletique, jich xawalbey: “Te mach'a ya sbolc'optay soc ya stoybac'optaybon te jbiil jo'on te Ajwalilon te Dioson awu'unique, ya me xcuch smul, ya me yich' milel ta ch'ojel ta ton yu'un ta spisil te lume. Manchuc jyanlum, o ja' nix te yajwal lume, teme ya sbolc'optay soc ya stoybac'optaybon te jbiil jo'on te Ajwalilone, ya me yich' milel ta puersa yu'un”, uta me.

Números 19:20

Teme ay mach'a ma lecuc sc'oplal te ma ba slecubtesej sba, ya me yich' ch'ayel loq'uel ta yolil lum, melel ya sboltesbey sc'oplal te ch'ul awilal yu'un te Cajwaltique. Te bit'il ma ba tsijts'anbil ta ja' swenta lecubtesel, ja' swentail te ma lecuc sc'oplale.