Números 8:14 - Bible in Tzeltal de Oxchuc y Tenejapa

¹⁴ Jich me parte ya awaq'uix te levitaetic ta yolilic te yantic israeletic, swenta yu'un jich me cu'un ya xc'otic.

Bible in Tzeltal Bachajón

¹⁴ Hich parte yac awac' te levitahetic ta yohlil te snich'nab Israel, ha cu'un ya xc'ohtic te levitahetique.

Números 8:14 Referans Kwoze

Malaquías 3:17

Te Cajwaltic te Spisil ya xju' yu'un ya yal: —Yacon ta xchajbanel sc'aalelal te mero lum cu'un ya xc'ot. Jich te bit'il tatil te ya xjajch' sna'bey yo'bolil sba te snich'an ya yabatin, jich me ya xjajch' jna'bey yo'bolil sbaic te jo'one.

Números 18:6

Jo'on la jtsa te awermanotac levitaetic ta yolil israeletic swenta yu'un ya cac'beyex ta ac'abic, yu'un ya me yac' sbaic ta abatinel ta Nailpac' te bay ya quich' c'oponele.

Números 3:45

—Ich'a ta wenta te levitaetic, ta swenta sjelol sba snich'anic te israeletique. Ja' nix jich xchamsbalam te levitaetic, ta swenta sjelol ya xc'ot xchamsbalam te israeletique, melel te levitaetic, ja' cu'un. Jo'on te Ajwalilone.

Hebreos 7:26

Jich te Jesuse, ja' Muc' Sacerdote te ya xju' yu'un ya scoltayotique, ch'ul Dios stuquel, ma sna' sleel smul, ma'yuc mulil quechel ta swenta, ma ba slac'oj sba soc te jmulawiletique, soc ic'otix moel c'alal ta stoyolil te ch'ulchane.

Gálatas 1:15

Ja'uc me to, Dios la stsaon te c'alal ayon to ta xch'ujt' a te jme'e. La yic'on ta swenta nax te yutsil yo'tane.

Romanos 1:1

Jo'on Pabloon, yabaton te Jesucristoe. La yic'on ta jpuc-c'op, tsabilon ta swenta yalel te lec yach'il c'op yu'un te Diose.

Deuteronomio 10:8

Ja' yorail a te la stsa te sts'umbal Leví te Cajwaltique, te yu'un ja' ya yich'ic bael te cajón te banti ay te trato yu'une, soc te yu'un ya x'ainic ta stojol te Cajwaltic swenta ya yich' xch'uunel, soc te ya yich' c'anel te bendición ta swenta sbiil stuquel, jich nix te bit'il yacal ta pasel ta ora to.

Números 8:17

melel ja' me cu'un spisil sba snich'anic te israeletique. Jich nix te sba yalatac te xchamsbalamique. C'alal la cac' lajuc te sba snich'anic egipcioetic, ja' la jtsa te sba snich'anic israeletique.

Números 6:2

—Albeya te israeletique: “Teme ay jtul winic, o ants, te ya xchap sc'op te ya yac' sba ta abatinel cu'un te Ajwalilon, ja' te ya sc'an yac' sba ta nazareo,

Números 3:12

—Te levitaetic la jtsa loq'uel ta yolilic te israeletic, ja' sjelol c'oemic te sba snich'anic te juju-jchajp nae. Cu'un me ta spisilic,

Números 8:13

Te ja'at ora me ya atejc'an te levitaetic ta stojol Aarón soc snich'nab, soc ya me awac'bon cu'unin ta jc'axel.

Números 3:9

Parte xawac' te levitaetic te ayic ta yolil te israeletic, swenta yu'un ya me yat'elinic abatinel ta stojol Aarón soc te sts'umbale.