Números 8:13 - Bible in Tzeltal de Oxchuc y Tenejapa

¹³ Te ja'at ora me ya atejc'an te levitaetic ta stojol Aarón soc snich'nab, soc ya me awac'bon cu'unin ta jc'axel.

Bible in Tzeltal Bachajón

¹³ Yac atehc'anlan te levitahetic ta stojol Aarón soc snich'nab, yac awac'ticlan scuenta tuchilambil mahtanil yu'un Jehová.

Números 8:13 Referans Kwoze

Números 8:21

Te levitaetic la slecubtes sc'oplalic ta stojol Dios, soc la sac' sc'u'ic. Te Aarón la yac' ta stojol Cajwaltic jich bit'il majt'anil te muc' sc'oplale, la spas te bit'il ay ta mandalil yu'un ya slecubtes sc'oplal ta stojol Dios.

Números 8:11

Te Aarón ya me yac' sc'ab ta jtojol ta yaq'uel te levitaetic ta swenta sjelol te israeletic, yu'un jich me ya yich' aq'uel jilel ta abatinel cu'un.

Romanos 15:16

Yabaton te Jesucristo ta stojol te jyanlumetique, jich yacon ta spuquel te lec yach'il c'op yu'un te Diose. Jich me smajt'an Dios ya xc'otic te lec yo'tan Dios yu'une soc te ch'ultesbil yu'un te Ch'ul Espiritue.

Romanos 12:1

Jich yu'un, quermanotac, ya calbeyex wocol ta swenta bit'il bayal c'uxtaybilex yu'un te Diose, ac'a me abaic ta sc'ab Dios soc te abaq'uetalique. Ja'uc me cuxul smajt'an Dios ya xc'oex ta stojol, te ch'ultesbilex soc te lec yo'tan yu'un te Diose. Yu'un jich ya sc'an ch'uunel awu'unic te Diose.

Números 18:6

Jo'on la jtsa te awermanotac levitaetic ta yolil israeletic swenta yu'un ya cac'beyex ta ac'abic, yu'un ya me yac' sbaic ta abatinel ta Nailpac' te bay ya quich' c'oponele.

Números 8:12

Ta patil te levitaetic ya me yac' sc'abic ta sjol te toroetique. Te jcojt'e ya me yich' aq'uel ta milbil majt'anil yu'un smulic, te yane ya me yich' chiq'uel ta scojt'ol, swenta xch'ayel smulic te levitaetique.

Números 8:14

Jich me parte ya awaq'uix te levitaetic ta yolilic te yantic israeletic, swenta yu'un jich me cu'un ya xc'otic.