Números 7:84 - Bible in Tzeltal de Oxchuc y Tenejapa

⁸⁴ Ja' jich la yich' aq'uel majt'anil te bi ora la yich' ch'ultesel te scajtijib ta chiq'uel majt'anile. Te chajbalchajp sts'umbal Israel la yaq'uic lajchayeb muc'ul platoetic pasbil ta plata, lajchayeb muc'ul tazaetic pasbil ta plata, soc lajchayeb muc'ul cucharaetic pasbil ta oro.

Bible in Tzeltal Bachajón

⁸⁴ Hich ay te mahtanil la yaq'uic te príncipaletic yu'un Israel scuenta yaq'uel ta stojol Dios te scajtajib ta chiq'uel mahtanil, te c'alal la yich' malel ta aceite scuenta ch'ultesel: ha lahchayeb platohetic pasbil ta plata, lahchayeb jarrahetic pasbil ta plata, soc lahchayeb cucharahetic pasbil ta oro.

Números 7:84 Referans Kwoze

Números 7:10

Te c'alal la yich'ix jaxel ta aceite swenta xch'ultesel te scajtijib ta chiq'uel majt'anil, te jtsobwanejetic ta chajbalchajp sts'umbalic la yich'beyic tel smajt'an te Cajwaltic, tey la yaq'uic ta stojol scajtijib majt'anil.

Apocalipsis 21:14

Ay lajchayeb ton yiptajib te sts'ajc'ul te lume ta bay ts'ibubil sbiilic te lajchaytul jpuc-c'opetic yu'un te Alalchije.

Hebreos 13:10

Te jo'otique ay milbil smajt'an Dios cu'untic te ma xju' ya sti' te sacerdoteetic te swentainejic te nailpac' temploe.

Números 7:1

Te bi c'aalil ju' yu'un spasel te Nailpac' Templo te Moisés, la xjax ta aceite swenta xch'ultesel spisil a te sbiluquil te ch'ul awilal soc te sbiluquil te scajtijib ta chiq'uel majt'anile.

Éxodo 25:29

Ya me apasbey splatoil ta lequil oro, soc muc'ul cucharaetic, oxometic, tazaetic te ya xtuun yu'un te majt'anil, te ay ya'lel ya xtale.

Números 7:85

Te jujun muc'ul plato te pasbil ta plata, jmil soc lajuneb xcha'winic xcha'bajc' (1,430) gramo te yalale. Te jujun muc'ul taza lajuneb sbalunlajunwinic xcha'bajc' (770) gramo te yalale. Ta spisil te plata te pasbil a te muc'ul platoetic soc te muc'ul tazaetic, waqueb xcha'winic ta jmil soc jbajc' (26,400) gramo, jich bit'il chapal sp'isol yalal ta ch'ul awilal.