Números 7:14 - Bible in Tzeltal de Oxchuc y Tenejapa

¹⁴ soc xan jun muc'ul cuchara pasbil ta oro te lajuneb swacwinic (110) gramo te yalale, nojel ta pom;

Bible in Tzeltal Bachajón

¹⁴ jun muc'ul cuchara pasbil ta oro te lajuneb siclo yalal nojel ta pom;

Números 7:14 Referans Kwoze

2 Crónicas 24:14

C'alal ju' yu'unic te at'ele, la yich'beyic bael ta stojol te muc' ajwalil soc Joiada te taq'uin la spas sobraile. Jich la yaq'uic ta pasel a te bitic ya xtuun ta templo ta ch'uunel a te Cajwaltique: ja' te bitic ya xtuun ta spasel te smajt'an Cajwaltic te scojt'ol ya yich' chiq'uel, te muc'ul cucharaetic soc yantic biluquetic te pasbilic ta oro soc ta plata. Te c'alal cuxul to a te Joiada, spisil ora ay ta yaq'uel ta templo te milbil smajt'an Dios te scojt'ol ya yich' chiq'uele.

2 Crónicas 4:22

te stup'jibal te smechail c'ajq'ue, te muc'ul tazaetic, te muc'ul cucharaetic, te yawil bay ya yich' chiq'uel pom. Ta spisil pasbil ta mero lequil oro ta jyalel. Ja' nix jich puro lequil oro te smajq'uil ti'nailetic yu'un te templo, te ti'nailetic te ayic ta yutile, ja' te ti'nailetic yu'un te Mero Ch'ul Awilale, soc te ti'nailetic yu'un te mero templo.

1 Reyes 7:50

vasoetic; stup'jibal te smechail c'ajq'ue; muc'ul tazaetic; muc'ul cucharaetic; soc xchic'jibal pom te spisil pasbil ta puro oro. Soc ja' nix oro te bisagra yu'un te sti' ta Mero Ch'ul Awilal, tey nix ay a ta yutil te templo; soc nix te ti'nailetic yu'un templo.

Números 4:7

Ja' nix me jich, ya smuquic bael ta morada pac' te mesa ay ta jtojole. Ta sba te paq'ue tey me ya spajch'an bael a te platoetic, te muc'ul cucharaetic, te tazaetic soc te oxometic te yawil majt'anil vino, soc nix te waj te ay ta aq'uel spisil ora.

Éxodo 37:16

Spisil te bitic ya xtuun ta sba te mesa, la spas ta lequil oro, ja' te platoetic, te muc'ul cucharaetic, oxometic soc te tazaetic te ya xtuun yu'un te majt'anil te ay ya'lel ya xtale.

Éxodo 35:8

aceite yu'un te c'ajq'uetic; perfumeetic yu'un te aceite swenta ch'ulteswanej; pom;

Números 7:13

Te majt'anile, ja' jun muc'ul plato pasbil ta plata, jmil soc lajuneb xcha'winic xcha'bajc' (1,430) gramo te yalale; soc jun muc'ul taza te pasbil ta plata te ay lajuneb sbalunlajunwinic xcha'bajc' (770) gramo (jich ay yalal te jun gramo te bit'il chapal ta ch'ul awilal). Pajal nojelic soc lequil harina te yich'oj wots'el soc aceite ta swenta smajt'an Dios;

Números 7:15

jcojt' toro; jcojt' tat chij; jcojt' chij jun ya'wilal, te ya yich' aq'uel ta spisilic ta swenta majt'anil te scojt'ol ya yich' chiq'uele;