Números 7:13 - Bible in Tzeltal de Oxchuc y Tenejapa

¹³ Te majt'anile, ja' jun muc'ul plato pasbil ta plata, jmil soc lajuneb xcha'winic xcha'bajc' (1,430) gramo te yalale; soc jun muc'ul taza te pasbil ta plata te ay lajuneb sbalunlajunwinic xcha'bajc' (770) gramo (jich ay yalal te jun gramo te bit'il chapal ta ch'ul awilal). Pajal nojelic soc lequil harina te yich'oj wots'el soc aceite ta swenta smajt'an Dios;

Bible in Tzeltal Bachajón

¹³ Te smahtan, ha jun plato pasbil ta plata te lajuneb shucwinic (130) siclo yalal; jun jarra pasbil ta plata te lajuneb schanwinic (70) siclo yalal, ha te siclo yu'un te ch'ul awilal, schebal nojelic ta lequil harina wots'bil soc aceite scuenta mahtanil harina;

Números 7:13 Referans Kwoze

Éxodo 30:13

Spisil mach'atic ochemiquix ta jun ya me yaq'uic taq'uin ta jtojol. Jo'eb me gramo yalal te plata ya yaq'uic, olil c'oem yu'un a te yalal te taq'uin albil sc'oplal ta ch'ul awilal.

Levítico 2:1

“Teme ay mach'a ya yich'bon tel jmajt'anin harina jo'on te Ajwalilon, ya me sc'an te ja' ya yich' tel harina te mero lec, soc ya me yac'bey aceite soc pom ta sba.

Éxodo 37:16

Spisil te bitic ya xtuun ta sba te mesa, la spas ta lequil oro, ja' te platoetic, te muc'ul cucharaetic, oxometic soc te tazaetic te ya xtuun yu'un te majt'anil te ay ya'lel ya xtale.

Éxodo 25:29

Ya me apasbey splatoil ta lequil oro, soc muc'ul cucharaetic, oxometic, tazaetic te ya xtuun yu'un te majt'anil, te ay ya'lel ya xtale.

San Mateo 14:11

La spajch'anbeyic tel ta plato te sjole. La yac'beyic ta sc'ab te ach'ixe. In te ach'ixe ba yac'bey ta sc'ab te sme'e.

San Mateo 14:8

Te ach'ixe jich albilix yu'un a te sme'e, te ja' ya sc'anbey ta plato sjol te Juan J'ac'-ich'ja'e.

Zacarías 14:20

Te c'alal ya sta sc'aalelal asta te caxcabel te stsinlajan yu'un caballoetic, ya me yich'ic ts'ibuyel tey a te c'op: “Ch'ultesbil ta stojol Cajwaltic”, te xie. Te ollaetic yu'un Templo, mero ch'ultesbil me, jich te bit'il te muc'ul tazaetic ayic ta stojol te scajtijib ta chiq'uel smajt'an Dios.

Daniel 5:2

Te c'alal yacubenix yu'un a te vino te muc' ajwalil Belsasar, la sticun ta ich'el tel te vasoetic soc muc'ul tazaetic pasbil ta oro soc plata, te la yich' tel ta templo ta Jerusalén te Nabucodonosor, ja' te state. Te vasoetic soc te muc'ul tazaetic c'ot ta ich'el tel. Te muc' ajwalil, spisil te yinam soc te yantic antsetic yu'une, soc ta spisil te mach'atic ic'bilic ta we'ele, uch'bajic a te biluquetic yu'un templo.

Jeremías 52:19

Te comandante yu'un te jcanantaywanejetic, ja' nix la yich' bael te bitic pasbil ta oro soc ta plata, jich bit'il te spojquil c'abal, te yawil ac'al, te muc'ul tazaetic, te scajtijib c'ajq'uetic, te muc'ul cucharaetic soc te vasoetic ta swenta te majt'anil vino.

Esdras 8:25

soc la jlicbey yalal soc la cac'bey te plata, te oro soc te biluquetic, te la yac' ta spasemal yo'tanic yu'un te templo yu'un te Dios cu'untic te muc' ajwalil soc te sjo'tac ta at'el, soc te jwolwanejetic yu'une, soc spisil te israeletic tey ayic ae.

1 Reyes 7:45

soc te oxometic, te palaetic soc te muc'ul tazaetique. Spisil te bitic jayeb tuun ta templo yu'un Cajwaltic, te muc' ajwalil Salomón la yac'bey spas Hiram, pasbil ta puro juxbil bronce.

1 Reyes 7:43

te lajuneb carretaetic yu'un yawil ja', soc te lajuneb yawil ja'etic la yich' ac'beyel ta sbae;

Números 3:47

c'anbeya spatanic, jo'sejp plata juju-jtul, jich nix te bit'il chapalix sp'isol yalal ta ch'ul awilal te bulucheb gramo yalal te juju-jsejpe.

Levítico 27:25

“Ta spisil te jayeb ya xc'ote, puersa me ja' ya yich' p'isel te siclo te jtab gera yich'oje, melel ja' sp'isol yalal yu'un te ch'ul awilal.

Levítico 27:3

Teme winic, jtab ya'wilal c'alal ta oxwinic (60) ya'wilale, ya me awac'bey stoj lajuneb yoxwinic (50) ta jsejp plata, chican te bila sp'isol chapbil ta ch'ul awilal.

Números 7:12

Ta sbabial c'aal la yich' tel majt'anil Naasón te snich'an Aminadab, jtsobwanej yu'un sts'umbal Judá.

Números 7:14

soc xan jun muc'ul cuchara pasbil ta oro te lajuneb swacwinic (110) gramo te yalale, nojel ta pom;

Números 7:73

Jich nix la yac' te bit'il te yantique.

Números 15:4

te mach'a ya xtal yac'bon te majt'anil, ya me yac'bey sjoin cheb kilo te lequil harina te yich'oj wots'el soc jun litro aceite.

Números 28:5

Te majt'anil harina cheb me kilo te mero leque, wots'bil me soc jun litro yaceiteil oliva.

Números 29:6

Parte me a te yantic chambalametic te scojt'ol ya yich' chiq'uel ta jujun u, soc ta jujun c'aal, soc te sjoy ta majt'anil, ja' te harina soc vino, jich me te bit'il caloj jmandal. Ja' me te majt'anil te bujts'an yic' te ya yich' chiq'uel ta jtojol jo'on te Ajwalilone.