Números 6:3 - Bible in Tzeltal de Oxchuc y Tenejapa

³ ma me xju' ya yuch' vino, tulan uch'balil, vinagre te pasbil ta vino, ya'lel ts'usub, soc ma me xju' ya slo'bey sit ts'usub soc teme taquintesbile.

Bible in Tzeltal Bachajón

³ ma ba ya yuch' vino soc te bin pajuben. Ma ba ya yuch' vinagre pasbil ta vino o te bin pajubtesbil, ma ba ya yuch' te ya'lel ts'usub soc ma ba ya slo'be sit ts'usub o te taquijtesbil.

Números 6:3 Referans Kwoze

San Lucas 1:15

Yu'un muc' me ya xc'ot ta stojol te Diose. Xujt' ma xyuch' vino soc te yantic tulan uch'balile. Nojelix ta yo'tan a te Ch'ul Espíritu te c'alal ya x'ayine.

1 Timoteo 5:23

Soc ya calbat, te bit'il bayal buelta ya stsajc'at ta chamel yu'un te ach'ujt'e, ma me ja'uc nax xawuch'ilay te tojol ja'e. Uch'a jtebuc uuc te vinoe.

Efesios 5:18

Ma me xyacubex yu'un te vinoe, te melel swenta abolteselic stuquel. Ja'uc me nojeluc ta awo'tanic te Ch'ul Espiritue.

Amós 2:12

“Ja'uc me to, te ja'ex la asujic ta yuch'el vino te nazareo, soc la acomic te j'alwanejetic te c'opojic ta jwenta.

Jueces 13:14

Ma me stuuntes te bila ya xloc' ta ts'usub, soc ma me xyuch' vino ni yantic uch'balil te tulanique, ni ma me swe' we'elil te ma lecuc sc'oplale. Ja' me ac'a spas te mandal calojbeye —xi'.

Levítico 10:9

—Te bi ora ya x'ochat soc anich'nab ta yutil Nailpac' te banti ya quich' c'oponele, ma me xju' ya awuch'ic vino, soc ma me xju' ya awuch'ic tulan uch'balil, melel ya me xlajex yu'un. Ja' mandalil te ma'yuc bi ora ya xlaj sc'oplale, ya me xc'ax ta stojolic tatiletic soc ta stojol alnich'anetic,

1 Tesalonicenses 5:22

Ijq'uitayaic me jilel spisil te bila amene.

San Lucas 21:34

“Tsajtaya me abaic, ma me xawac' te ya xbic'taj awo'tanic yu'un te yacubele soc spisil te bitic biq'uit nax o'tanil yu'une, soc te bitic ay ta pasel jujun c'aal ta balumilal. Yu'un ma me ch'ayemuc atsaic a te ya sta yoraile.

Hebreos 9:10

Ja' nax ya yalbey sc'oplal te bila ya swe'ique soc te ya yuch'ique soc te bi yilel ya sc'an ya spoc sc'abique. Melel ja' nax ay sc'oplal ta pasel ta stojol Dios ja' to te la sta yorail te la yich' jeltayel yu'un te Diose.

Números 6:4

Te jich yipal c'aal te xchapoje, ma me xju' ya swe'elin te bitic swenta ts'usub, biluc me a.

Jueces 13:4

Ma me x'awuch' vino soc yantic tulan uch'balil, ni ma me xawe' jtebuc bi ma lecuc sc'oplal.

Amós 2:11

Ja'ex israeletic, ma xju' ya amuc ta awo'tanic te ay la cac'bey yich' yat'elic ta j'alwanejetic soc ta nazareo te awal-anich'anique —xi' ta tulan te Cajwaltique.