Números 6:27 - Bible in Tzeltal de Oxchuc y Tenejapa

²⁷ “Jich me ya awalbonic jbiil ta stojol israeletic, swenta yu'un jich me ya cac'bey bendición ta stojolic —xi' te Cajwaltique.

Bible in Tzeltal Bachajón

²⁷ Hich ya yalbonic jbihil ta stojol te snich'nab Israel, hich ya ca'be bendición, xchi.

Números 6:27 Referans Kwoze

2 Crónicas 7:14

jich te lum cu'un te yich'ojbon te jbiile, teme ya xbic'taj, soc teme ya sc'oponon, soc teme ya xtal ta jtojol, soc teme ya yijq'uitay spasel te amen yat'ele, ya me caiybey sc'opic c'alal ta ch'ulchan, ya me jpasbey perdón yu'un te smulique, soc ya me cac' utsubuc xan te slumalique.

Deuteronomio 28:10

Jich ta spisil te lumetic ta q'uinal ya me yilic te ja' yu'unat te Cajwaltique. Ya me xtal xiwel ta yo'tanic yu'un.

Efesios 1:3

Jelawen yutsil te Diose, te Stat te Cajwaltic Jesucristoe, te la yac'botiquix spisil ta jchajp bendición te ay ta ch'ulchan ta swenta te Cristoe.

Jeremías 14:9

¿Bi yu'un jichat te bit'il jtul winic te jajch'ix xiwel ta yo'tane? ¿Bi yu'un jichat te bit'il jtul soldado te ma xju' yu'un coltaywaneje? Ja'uc me to, Cajwal, ayat ta coliltic; spisilic ya sna'ic te jo'otic lumotic awu'une. Ma me xapijt'esotic —xiic.

Isaías 43:7

Ic'bon tel spisilic te mach'atic yich'ojbonic te jbiile, te mach'atic la jchicnantes soc te la jchajbane, ja' te mach'atic la jpas swenta yu'un ya xchicnaj a te cutsilale.

Salmos 5:12

Jich yu'un, te ja'at Cajwal, ac'beya bendición te mach'a jun yo'tan ta atojole; te yutsil awo'tan ac'beya jichuc smajq'uil.

1 Crónicas 4:10

Te Jabes la sc'opon te Dios yu'un Israel, jich la yal: —Ya calbat wocol te ya awac'bon bendición soc te ya awac'bon bayal jq'uinale. Ya me acoltayon, soc ma me xawac' staon te bitic ya yac'bon jwocol —xi'. Te Dios la yac'bey te bi la sc'ane.

Génesis 32:29

Te Jacob la sjojc'obey: —¿Ja'xanat, bi abiil? —la yut. —¿Bi yu'un ya ac'anbon jbiil? —xi' te winique, soc tey la yac'bey bendición a.

San Mateo 28:19

Jich yu'un, baanic, soc albeyaic te ya x'ochic ta jnopojel cu'un spisil ta jchajp te nacionetic, soc ac'beya yich'ic ja' ta swenta te Tatile, soc ta swenta te Nich'anile, soc ta swenta te Ch'ul Espiritue.

Salmos 67:7

Ac'a yac'botic bendición te Diose. Ac'a ich'otuc ta muc' yu'un te ants-winiquetic ta spamal balumilal.

Números 23:20

Jo'on quich'oj mandal ta sc'anel bendición; teme Dios ya yac' bendición, ma xju' ya jcontroin.

Génesis 32:26

Jich la yal te winique: —Coltayawon bael, yu'un yaquix ta sacubel tel te q'uinale —xi'. Ja'uc me to, la yal te Jacob: —Ma jcoltayat bael ja' to teme ya awac'bon bendición —la yut.

2 Samuel 7:23

Jich te jlumal Israel, te lum awu'une, ma'yuc yan lum pajal soc; melel ja' nax jun nación te cajal sc'oplal ta balumilale. Ja'at, Dios cu'un, la awac' ta libre te jlumal, swenta yu'un ja' lum awu'un ya xc'ot. La awac' chicnajuc yutsil sc'oplal ta stojol ants-winiquetic, swenta bit'il ay bila muc' sc'oplal la apas soc jelawen yutsil bi la apas ta jtojoltic. Te c'alal la aloq'ues tel ta Egipto te lum awu'une, ch'aybil c'ot awu'un te yantic nación soc te diosetic yu'unique.

Éxodo 6:3

Cac'oj jba ta ilel ta stojol Abraham, Isaac soc Jacob. Soc la cac'bey sna' te jbiile: “Dios te Spisil ya xju' yu'une”, xi' te jbiile. Ja'uc me to, ma ja'uc la cac' ta na'el te mero jbiile: “Jo'on Ajwalilon”, te xie.