Números 6:24 - Bible in Tzeltal de Oxchuc y Tenejapa

²⁴ ‘Te Cajwaltic ac'a yac'bat bendición, ac'a scanantayat;

Bible in Tzeltal Bachajón

²⁴ Te Jehová ac'a ya'bat bendición soc ac'a scanantayat.

Números 6:24 Referans Kwoze

1 Tesalonicenses 5:23

Dios, te lamal q'uinal ta swentae, ts'acal ac'a me yutstesex. Soc ya me swentainbeyex spisil te acuxlejale: te awo'tane, te ach'ulele soc te abaq'uetale, swenta yu'un ma me ayuc bila quechel ta awentaic a te c'alal ya xchicnaj tel te Cajwaltic Jesucristoe.

Filipenses 4:7

Te lamal q'uinal yu'un te Diose, c'ax jelawen yutsil stuquel a ta spisil te bila ay ta nopele, ac'a me scanantaybeyex awo'tanic soc te bila ya anopic ta swenta te Cristo Jesuse.

Judas 1:24

Te jip jtul Dios te bayal sp'ijile, te Jcoltaywanej cu'untic, ay yu'el ta scanantaybelex te manchuc ya xyalex ta mulile, swenta yu'un ma me ayuc amulic te ya atejc'an abaic ta stojol ta bay te yutsilale. Jich me bayal ya xbujts'naj awo'tanic yu'un. Ay yutsilal stuquel, soc ay ta ich'el ta muc', soc ay yu'el, soc ya xmandalaj spisil ora ta swenta te Cajwaltic Jesucristo, ja' to ta xjajch'ibal, soc ta ora to, soc ta sbajt'el q'uinal. Jichuc.

Isaías 42:6

—Jo'on te Ajwalilone la quic'at tel soc la jtsacat ta jc'ab, swenta yu'un ja' me ya xtuunat yu'un te colele. Jo'on la jchajbanat, jich yu'un ya jc'an te ja'ucat señailat te trato cu'un ta stojol te lume, te ja' ya sacub q'uinal awu'un ta stojol te nacionetique.

San Juan 17:11

“Te jo'one ma ba ya x'ainonix ta balumilal. Te ja'ique ya xjilic ta balumilal stuquelic. Yan te jo'one ya xtalonix ta atojol. Ch'ul Jtat, te mach'atic awac'ojbone, canantaybon me ta awu'el swenta yu'un jun nax me ya xc'otic ta spisilic, jich te bit'il jun nax ayotique.

Salmos 91:11

Melel te Cajwaltic ya sticun tel ch'ul abatetic yu'un, ya scanantayat bayuc ya xbaat.

Salmos 134:3

Ja' te Cajwaltic te la spas ch'ulchan balumilal, ac'a yac'beyex bendición c'alal ta wits Sión.

Rut 2:4

Te Booz jich nix yorail loc' tel ta Belén, tal yil te cebadail. La spatbey yo'tanic te abatetic yu'une: —Ac'a sjoinex te Cajwaltique —xi' ta spatbeyel yo'tanic. La sjaq'uic: —Ac'a yac'bat bendición te Cajwaltique —xiic ta spisilic.

Salmos 17:8

Jich me x'acanantayon te bit'il xch'ulel asit; canantayawon ta yet'al axic' c'oem,

1 Samuel 2:9

Te Cajwaltic ya me scanantay ta beel te mach'atic jun yo'tanic ta stojole; yan te mach'atic amen yo'tanic ya me xlajic ta yijc'al q'uinal stuquelic. Melel ma'yuc mach'a ya xju' ya yaiy tsalaw ta swenta nax te yip.

1 Pedro 1:5

Ya me scanantayex ta yu'el te Diose ta swenta xch'uunjel awo'tanic, swenta yu'un jich me ya ataic te bila chajbanbil te ya yac'beyex awich'ic ta slajibal c'aale.

Filipenses 4:23

Ich'beyaic yutsil yo'tan ta apisilic te Cajwaltic Jesucristoe. Jichuc.

Efesios 6:24

soc ac'a yac'beyex bayal yutsil yo'tan ta apisilic te c'ux ya awaiyic ta awo'tanic te Cajwaltic Jesucristoe, te xujt' ma xyanaj stuquel te sc'uxul yo'tane. Jichuc.

Salmos 28:9

Cajwal, coltaya te lum awu'une, ac'beya bendición te mach'atic awu'unineje. Canantaya me, jich bit'il te jcanan-chije; peta ta ac'ab spisil ora.

Isaías 27:3

Jo'on te Ajwalilon te ya jcanantay, spisil ora ya cac'bey ya'lel. C'aal ajc'ubal ya jcanantay swenta yu'un ma'yuc bi ya x'ac'bot swocol yu'un.

1 Corintios 14:16

Teme ya awalbey wocol Dios soc te ach'ulele, te mach'a jich to nax aye, ¿bit'il ya xju' ya yal “Jichuc”, teme ma sna' te bila ya awal wocol yu'une?

Génesis 28:15

Ya me joinat spisil ora, soc ya me jcanantayat bayuc ayucat, soc ya me quic'at sujt'el li' ta bay q'uinal to. Ma ba ya jpijt'esat, ja' to teme c'ot ta pasel cu'un spisil te bila calojbate —xi' sc'oplal yu'un.

2 Samuel 7:29

Wocoluc jiche, ac'beya bendición te jts'umbal, swenta yu'un stalel me ya yich' canantayel awu'un sbajt'el q'uinal. Ja'at Cajwal, Dios cu'un, jich la awalix, soc ta swenta abendición te jts'umbal yich'oj me bendición ya xc'ot sbajt'el q'uinal —xi' te David.

Daniel 9:17

Dios cu'untic, aiybon te jc'op te yacon ta yalel wocol te jo'on te abaton awu'une. Ta swenta te abiile, Cajwal, taluc xc'uxul ta awo'tan yu'un te wocol mel-o'tantic sba c'oem ta swenta te templo awu'une.