Números 6:19 - Bible in Tzeltal de Oxchuc y Tenejapa

¹⁹ Te sacerdote ya me stsacbey sbaquel snejq'uel te chij te tac'ajemix, jpejch' waj te ma ba yich'oj levadura te ay ta ch'in moch, soc te jayal waj te ma yich'ojuc levadura, spisil me ya yac'bey ta sc'ab te nazareo, te loq'uemix yu'un a te stsotsil sjole.

Bible in Tzeltal Bachajón

¹⁹ Patil te sacerdote ya stsac te spech baquel sc'ab te tat tuminchij te ta'ajemix, te jpehch pan te ma ba yich'oj levadura te ay ta moch soc te jayal pan te ma ba yich'oj levadura, ya ya'be ta sc'ab te nazareo c'alal quits'bilix yu'un a te stsotsel sjol te ch'ultesbile.

Números 6:19 Referans Kwoze

1 Samuel 2:15

Soc te c'alal ma to ba yich'oj chiq'uel ta scajtijib smajt'an Dios a te xepuile, ya xc'ot te yabat sacerdote. Jich ya xc'o yalbey te mach'a ya sc'an ya yac'bey te milbil smajt'an Dios: —Ac'bon ti'bal, yu'un ya jwobey sti' te sacerdote, melel ma ba ya sc'anbatix teme tac'ajemix a ya awac'beye, stseel me ya sc'anbat —xi'.

Levítico 7:30

Ja' nix me ta mero sc'ab ya yich'bon tel te chic'bil majt'anil jo'on te Ajwalilone, ja' te xepuil stan soc nix te mero stane, swenta yu'un ya me stoyilaybon ta jtojol, jich me ya quich' jmajt'anin.

Levítico 8:31

Patil te Moisés la yalbey te Aarón soc te snich'nabe: —Payaic te ti'bal ta stojol te yochibal Nailpac' te banti ya yich' c'oponel te Cajwaltique, ti'aic te ti'bal soc te waj ay ta ch'in moch swenta xchajbanel te awat'elique. Tey me xati'ic ta yochibal te Nailpac' te banti ya yich' c'oponel te Cajwaltique; jich nix te bit'il la spason ta mandal: “Te Aarón soc te snich'nab ya me sti'ic te ti'bale”, te xie.

Levítico 8:27

Spisil la yac'bey ta sc'abic te Aarón soc te snich'nab, swenta yu'un ya stoyilaybeyic ta stojol te Cajwaltique.

Levítico 7:28

Te Cajwaltic la sc'opon te Moisés, jich la yalbey:

Números 6:2

—Albeya te israeletique: “Teme ay jtul winic, o ants, te ya xchap sc'op te ya yac' sba ta abatinel cu'un te Ajwalilon, ja' te ya sc'an yac' sba ta nazareo,