Números 6:18 - Bible in Tzeltal de Oxchuc y Tenejapa

¹⁸ Te nazareo jc'axel me ya sloq'ues stsotsil sjol ta yochibal te Nailpac' te bay ya quich' c'oponel, t'axal me ya xjil. Ya me stsac te stsotsil sjol te la yac'bon ta jwenta, ya me yac' ochel ta c'ajc'. Pajal ac'a tiluc ta c'ajq'uel soc te milbil majt'anil ta swenta seña lamal-o'tanil.

Bible in Tzeltal Bachajón

¹⁸ Te nazareo ya me squits' te ch'ultesbil stsotsel sjol ta yochibal te Nahilpac' Templo yu'un tahojibal, ya stsob soc ya yotses ta c'ahc' te ay ta ye'tal te mahtanil yu'un lamal q'uinal.

Números 6:18 Referans Kwoze

Hechos 21:24

Ic'a bael, joina ta utstesel ta stojol Dios, soc tojbeya te jayeb ya xlaj yu'unic te ya yac' ta joxel te sjolique. Jich me ya sna'ic stojol te ach'uunej te mandalile.

Números 6:9

“Teme ay mach'a ora nax ya xlaj ta sts'eel te nazareo, ma lecuc sc'oplal ya xc'ot te stsotsil sjol yac'oj ta jwenta. Jich yu'un ta sjuquebal c'aal ya me xjox loq'uel te stsotsil sjol, t'axal me ya xjil ta jc'axel, ja' me te bi c'aalil albil sc'oplal te ya yac' sba ta lecubtesel sc'oplale.

Hechos 18:18

Te Pabloe jil xan bayal c'aal tey a ta bay lum Corinto. Patil la sc'opon jilel te quermanotactique. Jich och ta barco, bajt' ta sq'uinal Siria. Sjoinej bael te Priscila soc te Aquilae. La yac' ta joxel sjol ta bay lum Cencrea, yu'un ay bi yaloj ta stojol Dios te ya sc'an ya spase.

Efesios 1:6

Swenta yu'un ya jc'ajintaybeytic yutsilal te Diose, yac'ojbotic bayal bendición ta swenta te Snich'an te bayal c'ux ta yo'tane.

Hechos 21:26

Jich te Pablo la sjoin sba soc te chantul winiquetique. Ta yan c'aal la sjoin ta utstesel ta stojol Dios. Jich och bael ta templo yu'un tey ya yalic a te jich yipal c'aal sc'an ts'acaj te yutsteselique, ja' bi, ja' te bi c'aalil ya sc'an ya xc'o yaq'uic juju-jtul te milbil smajt'an Diose.

San Lucas 17:10

Ja' nanix jich te ja'exe, teme la apasix spisil te bila la yalbat te Diose, ya sc'an te jich ya awalic: “Amenotic ta abatil, melel ja' nax la jpastic te bila albototique”, xaex me —xi' te Jesuse.

Números 6:5

Soc ma me sloq'ues stsotsil sjol, ya me yac' najt'ubuc ja' to me teme ts'acaj te jayeb c'aal te xchapoje, melel ch'ultesbil me spisil ora ta jtojol.

Hechos 21:23

Ja' lec jich ya apas in to: Ay chantul winiquetic cu'untic te ay bi xchapojic ta stojol te Diose.

Números 6:17

soc ya me yac' te chij te milbil majt'anil ta swenta seña lamal-o'tanil. Tey me ya sjoinic a te jun ch'in moch wajetic te ma ba yich'oj levadura, soc te majt'anil harina soc vino.