Números 6:15 - Bible in Tzeltal de Oxchuc y Tenejapa

¹⁵ Soc ya me yich' aq'uel jun ch'in moch wajetic te lec pasbil ta harina, te ma ba yich'oj levadura, te wots'bil soc aceite; soc te jayal waj te ma ba yich'oj levadura, te ja' nax tsijts'anbil ta aceite, ya me sjoin te majt'anil harina soc vino.

Bible in Tzeltal Bachajón

¹⁵ Soc jun moch pan ma ba yich'oj levadura pasbil ta harina wots'bil ta aceite, jayal pan te ma ba yich'oj levadura te jaxbil ta aceite, mahtanil harina soc malbil mahtaniletic yu'un.

Números 6:15 Referans Kwoze

Levítico 2:4

“Teme la awac'bon jmajt'anin harina te wobil ta horno, pimil waj me xawac'bon soc ja'uc me pasbil a te buen lequil harina wots'bil soc aceite, pero ma me ayuc slevadurail, o teme ja' te jayal waj ma ba yich'oj levadura te yich'oj tsijts'anel ta aceite.

Éxodo 29:2

Te lequil harina pasbil ta trigo, pasa wajetic soc pimil wajetic a te ma ba yich'ojic levadura, ja' nax me ya yich' wots'el soc aceite, soc jayal waj te ma'yuc slevadurail te yich'oj tsijts'anel ta aceite.

Números 15:10

soc ya me awac' cheb litro vino. Jich me te majt'anil te ya yich' chiq'uel te buen bujts'an yic' ta jtojole.

1 Corintios 11:26

Jich yu'un jujun buelta te ya awe'ic te waje soc te ya awuch'ic te bila ay ta vasoe, ja' ya awalic ta jamal a te bit'il laj te Cajwaltique, ja' to te c'alal ya xcha'tal xane.

1 Corintios 10:31

Jich yu'un ya calbeyex: Spisil te bila ya atuuntesic, soc te bila ya awuch'ique, soc spisil te bila ya apasique, ja'uc me lec sc'oplal ya xc'ot awu'unic a te Diose.

Joel 2:14

Ma wan ya yac'beyex castigo, ya wan sticunbeyex bendición: sit trigo soc vino yu'un smajt'an te Awajwalic, te Dios awu'unique.

Joel 1:13

Jichex uuc sacerdoteetic te ya awac' abaic ta abatinel ta scajtijib ta chiq'uelsmajt'an Dios, lapaic ch'ixal pac', oq'uetaya te templo. Melel ta templo yu'un Dios awu'unic, ma'yuquix trigo soc cebada ni vino yu'un smajt'an Dios.

Joel 1:9

jich nix yacalic ta oq'uel te sacerdoteetic. Melel ta templo ma'yuquix sit trigo tey a soc ma'yuquix vino yu'un smajt'an Cajwaltic.

Isaías 62:9

Ja'uc me to, ja'ex me atuquelic ya atsob ta spisil, ya me awe'elinic, soc ya me awalbon lec jc'oplal yu'un; soc ya me atulbeyic sit te ats'usubic soc ya me awuch'beyic ya'lel ta bay amaq'uetic yu'un te ch'ul templo cu'une —xi' te Cajwaltique.

Levítico 9:4

soc xan jcojt' wacax soc jcojt' tat chij swenta yu'un ya yich' milel smajt'anin te Cajwaltic swenta te lamal-o'tanile. Ac'a me yich'ic tel soc majt'anil harina, wots'bil me soc aceite, melel ya me xtal ta atojolic yo'tic te Cajwaltique —xi' te Moisese.

Levítico 8:2

—Ic'a tel te Aarón soc te snich'nab, soc ich'a tel te c'u'iletic yu'un sacerdote, soc te aceite yu'un ch'ultesel, te toro ya yich' milel yu'un spasel perdón yu'un mulil, te cheb tat chijetic, soc te ch'in smochil waj ma'yuc slevadurail.

Levítico 7:12

Teme ja' te milbil majt'anil swenta yalel wocol ta jtojol jo'on te Ajwalilone, ya me yich' aq'uel soc te pimil waj ma ba yich'oj levadura te ya yich' wots'el soc aceite; soc te jayal waj ma ba yich'oj levadura te tsijts'anbil nax ta aceite; soc pimil waj pasbil ta harina, ja' me te mero leque, ya me yich' wots'el soc aceite.

Números 6:16

Te sacerdote ya me yac' ta jtojol te milbil majt'anil yu'un te mulil, soc te yane te scojt'ol ya yich' chiq'uele,