Números 5:18 - Bible in Tzeltal de Oxchuc y Tenejapa

¹⁸ Te sacerdote ya me yac' tejc'ajuc ta stojol Cajwaltic te antse, ya me stil coel te stsotsil sjol, soc ya me yac' te ya stsac ta sc'ab te majt'anil ta scaj te yilimba te smamlale. Te sacerdote ya me spach ta sc'ab te ch'aal ja' swenta castigo.

Bible in Tzeltal Bachajón

¹⁸ Ya ya'be stehc'an sba ta stojol Jehová te antse, ya stil cohel stsotsel sjol te ants soc ya ya'be stsac ta sc'ab te mahtanil scuenta sna'el mulil, ha te mahtanil yu'un ich'mul. Te sacerdote ya spach ta sc'ab te ch'ahal ha' te ya xbohlobteswan.

Números 5:18 Referans Kwoze

Hebreos 13:4

Ich'biluc me ta muc' awu'unic te nujbinele. Ma me xacapic ta mulwej te bit'il awic'oj abaique, melel Dios ya yac'bey castigo te mach'a ya xyal ta mulile soc te ya yaiy mulweje.

1 Corintios 11:6

Melel teme ay jtul ants te ma ba ya smuc te sjole, ja' lec te ya yich' joxel loq'uel te stsotsil sjole. Ja'uc me to, teme q'uexlaltic nax sba ya yaiy yu'un te joxbiluc te sjole, soc teme set'bil te sjole, ac'a me xch'uun te ya smuc te sjole.

Jeremías 2:19

Ja' nix amul atuquel te ya yac'at ta castigo, ta scaj te ma junuc awo'tane. Nopa awaiy soc ya me awilbey sbolil soc xch'aal, ja' te bit'il la awijq'uitayone, soc ma la awich'on ta muc', te jo'on Awajwalon, te Dioson awu'une. Jo'on Ajwalilon te Spisil ya xju' cu'un, jich ya cal.

Isaías 38:17

Ya calbat awaiy te ch'auben co'tan ta neelale, ora yo'tic lamal q'uinal ya caiy. Ja'at acanantayejbon te jcuxlejale, ma ba la awac'on bael ta xch'enal lajel, melel la apasbon perdón yu'un spisil te jmule.

Eclesiastés 7:26

Ay bi yan jtaoj te c'axem jich xch'aal c'oem a te bit'il te lajele: Ja' te ants ya syacotic ta spejts' te ya xpetawan ta sc'abe. Te mach'a bin nax yo'tan Dios yu'une, ma ba ya x'och ta sc'ab stuquel; yan te mach'a ay ta mulile, ya me x'och ta spejts' stuquel.

Proverbios 5:4

pero te slajibale, c'axem jich xch'aal ya xc'ot a te bit'il ch'aal wamale, soc c'axem jich ya xlajinwan a te bit'il puñal te xcha'jejch'el ay ye.

1 Samuel 15:32

La yal mandal te Samuel: —Ic'bonic tel ta jtojol te Agag te muc' ajwalil yu'un te amalequetic —xi'. Te Agag bin nax yo'tan tal ta stojol Samuel, la wan scuy te ma xc'otix ta swenta te xc'uxul te lajele.

Deuteronomio 29:18

Ma me ayuc ants o winic ta awolilic ta chajbalchajp te yo'tic ya yijq'uitay ta yo'tan te Cajwaltic Dios cu'untic, ta scaj te ya xbajt' ta yich'el ta muc' te lotil diosetic yu'unic te nacionetique. Ma me ayuquex ni jtuluc te pajalex soc yisim ch'aal wamal te ay svenenoile.

Números 5:22

Ja' me castigo te jich ya spasbat te ya awuch' te ja' swenta castigo’, xi' me. Te antse ac'a me sjac' te c'ope: ‘Jichuc ac'a c'otuc ta pasel’, xiuc me.

Números 5:17

Ya me slup jtebuc ch'ultesbil ja' ta taza te pasbil ta ajch'ale, ya me scap soc jtebuc sts'ubil slumil te ch'ul awilale.

Números 5:15

Jich ta xchebalic, te winic ya me yic' bael te yinam ta stojol sacerdote, soc ya me yich'ic bael majt'anil. Te majt'anil cheb kilo harina yu'un cebada, pero ma me smalbey aceite, soc ma me xyac'bey pom ta sba te harina, melel majt'anil ta scaj yilimba te winique, ja' majt'anil swenta te mulile.

Levítico 13:45

“Te mach'a yich'oj te c'a'el-chamele, ya me sc'an te ch'i'em te sc'u'-spac' ya slape, t'anal stuquel te sjole, soc olil macal te yelawe. Ya me x'awun: “¡Ma lecucon! ¡Ma lecucon!” xi' me.

1 Corintios 11:15

Yan te antse, chican ta ilel te ja' mero snujp' stuquel teme najt' te stsotsil sjole. Melel te smuquil te sjole, ja' te stsotsil sjole.

Números 5:19

Ya me yac'bey yal ta jamal ta stojol Dios te antse, jich ya yalbey: ‘Teme ma'yuc apasoj mulil soc yan winic, teme ma'yuc bay ma junuc awo'tan ta stojol te amamlale, soc teme ma'yuc bay apasoj te bila ya xbolob ac'oplal a, jich me ma'yuc bila ya xju' spasbat ni jtebuc te ya awuch' te ch'aal ja' swenta castigo.