Números 5:16 - Bible in Tzeltal de Oxchuc y Tenejapa

¹⁶ “Te sacerdote ya me yac' noptsaj tel te ants, ya me stejc'an ta stojol te Cajwaltique.

Bible in Tzeltal Bachajón

¹⁶ Te sacerdote ya me yac' xnohpoj tal te ants, ya stehc'an ta stojol Jehová.

Números 5:16 Referans Kwoze

Hebreos 13:4

Ich'biluc me ta muc' awu'unic te nujbinele. Ma me xacapic ta mulwej te bit'il awic'oj abaique, melel Dios ya yac'bey castigo te mach'a ya xyal ta mulile soc te ya yaiy mulweje.

Jeremías 17:10

Jo'on Ajwalilon, ya jna' stsajtayel te o'tanile soc ya jna' c'alal ta yutil o'tanil te bila yac sna'ele. Jich yu'un ya cac'bey stoj juju-jtul, ja' chican te bit'il ay te yat'elique —xi' te Cajwaltique.

Levítico 1:3

“Teme wacax te chambalam ya yac'bon ta jmajt'an te scojt'ol ya yich' chiq'uele, ya me sc'an te ja' te toro te ma'yuc bila boloben ta sbaq'uetal. Swenta yu'un ya stsacbot a te majt'anil, ya me sc'an ya yac'bon ta jtojol jo'on te Ajwalilon ta stojol te yochibal Nailpac' te banti ya quich' c'oponele.

Números 5:15

Jich ta xchebalic, te winic ya me yic' bael te yinam ta stojol sacerdote, soc ya me yich'ic bael majt'anil. Te majt'anil cheb kilo harina yu'un cebada, pero ma me smalbey aceite, soc ma me xyac'bey pom ta sba te harina, melel majt'anil ta scaj yilimba te winique, ja' majt'anil swenta te mulile.

Números 5:17

Ya me slup jtebuc ch'ultesbil ja' ta taza te pasbil ta ajch'ale, ya me scap soc jtebuc sts'ubil slumil te ch'ul awilale.