Números 5:15 - Bible in Tzeltal de Oxchuc y Tenejapa

¹⁵ Jich ta xchebalic, te winic ya me yic' bael te yinam ta stojol sacerdote, soc ya me yich'ic bael majt'anil. Te majt'anil cheb kilo harina yu'un cebada, pero ma me smalbey aceite, soc ma me xyac'bey pom ta sba te harina, melel majt'anil ta scaj yilimba te winique, ja' majt'anil swenta te mulile.

Bible in Tzeltal Bachajón

¹⁵ te winic ya me yic' bahel te yihnam ta stojol sacerdote soc te mahtanil yu'un, ha jun ta slajunebal efa harina yu'un cebada. Ma ba ya smalbe aceite soc ma ba ya ya'be pom ta sba, como ha mahtanil yu'un ich'mul, ha mahtanil scuenta sna'el mulil.

Números 5:15 Referans Kwoze

Ezequiel 29:16

Te lum Israel ma me ayuquix bi ora ya smuc'ulin yo'tan te Egipto. Ac'a me sna'ic te ja' mulil te bajt'ic ta sleel coltayel tey a. Jich me ya sna'ic te jo'on Ajwalilone’, xi' me”, uta me —xi' te Cajwaltique.

1 Reyes 17:18

Te me'ba ants jich la yalbey te Elías: —Swinic Dios, ¿bi awentaon? ¿Tal bal awac'bon xan jna' te jmule, soc tal bal awac' lajuc te cale? —la yut.

Levítico 5:11

“Teme mero ma xju' yu'un smanel te cheb puliwoquetic, o cheb alal stsumutetic, ya me xju' ya yich'bon tel ta swenta jmajt'an yu'un smul cheb kilo mero lequil harina. Ma me xju' ya yac'bey aceite, soc ma me xyac'bey pom ta sba, melel ja' te majt'anil yu'un te mulile.

Hebreos 10:3

In te milbil majt'anile, ja' nax ya x'ac'bot xan sna'ic jujun ja'wil a te smulique.

Oseas 3:2

Jich yu'un la jman jtul ants swenta yu'un ya cu'unin, la jtoj jo'lajuneb ta jsejp plata soc lajuneb sjuclajunwinic (330) litro cebada.

Levítico 2:1

“Teme ay mach'a ya yich'bon tel jmajt'anin harina jo'on te Ajwalilon, ya me sc'an te ja' ya yich' tel harina te mero lec, soc ya me yac'bey aceite soc pom ta sba.

Números 5:16

“Te sacerdote ya me yac' noptsaj tel te ants, ya me stejc'an ta stojol te Cajwaltique.

Ezequiel 21:23

Pero te ants-winiquetic ta Jerusalén ya me scuyic ta lotil c'op te ya yich' alele, ta scaj te tratoetic spasojique. Pero ta mero melel, ja' ya x'albotic ta jamal te smulique, ja' yac ta alel sc'oplal te bit'il ya x'ochic ta c'abale.

Levítico 1:2

—C'opojan soc te israeletic, albeya: “Te c'alal ay mach'a ya yich'bon tel jmajt'anin chambalam, ya me sc'an te ja' ya stsac tel jcojt'uc xwacax, o xchij, o ja' te stentsune.