Números 4:33 - Bible in Tzeltal de Oxchuc y Tenejapa

³³ Ja' at'el te ay ta pasel ta Nailpac' te bay ya quich' c'oponel, te ay ta swentaic te chajbalchajp sts'umbal Merari, te ja' ayic ta pasel ta mandal yu'un te Itamar te snich'an sacerdote Aarón —xi' te Cajwaltique.

Bible in Tzeltal Bachajón

³³ Ha te ya'telic te jujuchahp sts'umbal Merari, spisil te bintic ya spasic ta Nahilpac' Templo yu'un tahojibal, te ay ta scuenta yilel te Itamar te snich'an sacerdote Aarón, xchi.

Números 4:33 Referans Kwoze

Números 4:28

Ja' me abatinel yu'unic ta chajbalchajp te mach'atic sts'umbal Gersón, te ya spasic ta Nailpac' te bay ya quich' c'oponele, te bit'il ya xmandalaj ta stojolic te Itamar te snich'an sacerdote Aarón.

Isaías 3:6

Te yermano sba soque ya me yalbey te mach'a ay ta sna te state: —Ja'at ay ac'u' ya alap atuquel; ja'at me ajwalilat cu'untic, mandaltesa ta stojol te lum te jinem sts'ajc'ule —xi' me.

Josué 3:6

Jich la yalbey te sacerdoteetic: —Q'uechaic bael te scajonil trato, c'axanic bael ta ja' ta stojol te lume —xi'. Te sacerdoteetic la sq'uechic jajch'el te scajonil trato, c'axic bael ta stojol te lume.

Números 4:32

te posteetic yu'un te corral ta sjoyobal te Nailpac' Templo soc snactijibic, te estacaetic, te xchujq'uilic, soc spisil te bitic ya sc'an yu'un te at'ele. Ja'at me ya awalbey juju-jtul te bitic mero ya yich'ic baele.

Números 4:34

Te Moisés, te Aarón soc te mach'atic jtsobwanejetic yu'un te lume, la yaq'uic ta censo ta swenta juju-jchajp te mach'atic sts'umbal Coat

Éxodo 38:21

Ta swenta smandal te Moisés soc te jtsobwanej Itamar snich'an te sacerdote Aarón, te levitaetic la yich' ajtayel te jaychajp taq'uinetic te pastaj a te Nailpac' yu'un trato.

Números 7:8

Te mach'atic sts'umbal Merari la yich' ac'beyel chaneb carreta soc waxaqueb toro, ja' jich yipal te ya xtuun yu'unic ta spasel yat'elic, te wentainbilic ta spasel yu'un Itamar te snich'an sacerdote Aarón.