Números 4:32 - Bible in Tzeltal de Oxchuc y Tenejapa

³² te posteetic yu'un te corral ta sjoyobal te Nailpac' Templo soc snactijibic, te estacaetic, te xchujq'uilic, soc spisil te bitic ya sc'an yu'un te at'ele. Ja'at me ya awalbey juju-jtul te bitic mero ya yich'ic baele.

Bible in Tzeltal Bachajón

³² te oyetic yu'un te amac' ta sjoyobal soc scajtajibic, te ts'apbil yich'o-ip, schuquilic soc spisil sbiluc soc spisil bintic ya xtuhun tey a. Ya me awa'be sna' jujutuhl bintic a te ya yich'ic bahele.

Números 4:32 Referans Kwoze

Éxodo 38:21

Ta swenta smandal te Moisés soc te jtsobwanej Itamar snich'an te sacerdote Aarón, te levitaetic la yich' ajtayel te jaychajp taq'uinetic te pastaj a te Nailpac' yu'un trato.

1 Crónicas 9:29

Ay yantic ay ta swentaic te yantic biluque, te bitic ch'ulajem, te harina, te vino, te aceite, te pom soc te perfumeetique.

Números 7:1

Te bi c'aalil ju' yu'un spasel te Nailpac' Templo te Moisés, la xjax ta aceite swenta xch'ultesel spisil a te sbiluquil te ch'ul awilal soc te sbiluquil te scajtijib ta chiq'uel majt'anile.

Números 3:8

Ja' me ya scanantaybeyic sbiluquil te Nailpac' te bay ya quich' c'oponele, soc ya me yac' sbaic ta abatinel yu'unic te israeletic ta spasel spisil te bitic ay ta pasel ta ch'ul awilal.

Éxodo 38:17

Te yiptajib oyetic la spasbey ta bronce. Te staq'uinal la slucanlabey ta yoyal soc te ch'ocowiletic la spasbey ta plata. Ta sjol te oyetic la spac'bey ta potsel ta plata. Spisil te oyetic yu'un te scorralil la spasbey ta plata te ch'ocowetic yu'une.

Éxodo 25:9

Jich me xapas ta spisil te bit'il ya cac'bat awile. Te bi yilel sp'isol te Nailpac' Templo soc spisil te bitic ya xtuun tey a, jich me xapas te bit'il seña ya cac'bat awile.

Números 4:31

Te at'el yu'unic ta swenta te Nailpac' te bay ya quich' c'oponel, ja' te ya sq'uechic bael te marcoetic yu'un te ch'ul awilal soc te ste'elic, te posteetic yu'un soc snactijibic,

Números 4:33

Ja' at'el te ay ta pasel ta Nailpac' te bay ya quich' c'oponel, te ay ta swentaic te chajbalchajp sts'umbal Merari, te ja' ayic ta pasel ta mandal yu'un te Itamar te snich'an sacerdote Aarón —xi' te Cajwaltique.

Números 7:8

Te mach'atic sts'umbal Merari la yich' ac'beyel chaneb carreta soc waxaqueb toro, ja' jich yipal te ya xtuun yu'unic ta spasel yat'elic, te wentainbilic ta spasel yu'un Itamar te snich'an sacerdote Aarón.

Éxodo 27:9

“Pasbeya yamac'ul te Nailpac' Templo. Te amac' ya me awac'bey scorralil-pac' te pasbil ta ts'otbil lino. Ya me yich' lich'el bael jo'eb yoxwinic (45) metro ta stojol sur.

Números 3:36

Te sts'umbal Merari, ja' ay ta swentaic scanantayel te marcoetic yu'un te Nailpac' Templo, te ste'elic, te posteetic yu'un, te yiptajibic soc spisil te bitic ya xtuun yu'une,

Números 4:49

La yich' aq'uel ta censo jich te bit'il mandal yu'un Cajwaltic la yalbey Moisés. Juju-jtul la yich' albeyel te bitic ya spasic, soc te bila ya xc'ot ta swentaic yich'el baele, jich bit'il mandal yu'un Cajwaltic yalojbey te Moisese.