Números 4:20 - Bible in Tzeltal de Oxchuc y Tenejapa

²⁰ Jich ma x'och yilic ni jtebuc te bitic ch'ultesbil, soc jich ma xlajic —xi' te Cajwaltique.

Bible in Tzeltal Bachajón

²⁰ Ma me x'och yilic te bintic ch'uhltesbilic, scuenta yu'un ma ba ya xchamic, xchi.

Números 4:20 Referans Kwoze

1 Samuel 6:19

Pero te Cajwaltic ay la yac'bey lajuc te yajwal Bet-semes, scaj te la sjam yilic te cajón yu'une. Jich la yac' lajuc lajuneb xchanwinic (70) ta jtul. Te yajwal lum bayal oq'uic yu'un te bayal mach'a la yac' lajuc te Cajwaltique.

Éxodo 19:21

Te Cajwaltic, jich la yalbey: —Coan bael, pasa ta mandal te lume: Ma me xc'axic tel tey a ta bay te señaile. Ma me snop ta yo'tanic te ya sc'an yilonique, teme ayuc bit'il bayaluc ta jtul ya xlajic.

Números 4:19

Ma me staic castigo ta lajel ta scaj nax teme la spiquic te bitic ch'ultesbile. Jich me ya sc'an ya spasic te bit'il in to: Te Aarón soc snich'nab ja' me ya swentainic yalel juju-jtul te bila ya sc'an ya spasic soc te bila ya xc'ot ta swenta yich'el baele.

Números 4:15

Te c'alal ya xlaj yo'tan Aarón soc snich'nab ta xchajbanel ta potsel spisil te ch'ul biluquetic, teme chapalix te ya xju' xjajch'ic ta beele, ya me xtalic te sts'umbal Coat swenta yu'un ya me sq'uechic bael spisil te biluquetique. Ja'uc me to, ma me xju' ya spiquic te bila ch'ultesbil, swenta yu'un jich me ma xlajic. Spisilic te sbiluquil Nailpac' te bay ya quich' c'oponele, ja'ic me ya sq'uechic bael te sts'umbal Coat.

Levítico 10:2

Ja' yu'un loc' tel c'ajc' ta stojol Cajwaltic, jc'axel lajic ta chiq'uel, jich lajinotic yu'un te Cajwaltique.

Apocalipsis 11:19

Jich jam te templo yu'un Dios te ay ta ch'ulchane. Tey la quil a te xcaxail te trato te ay ta yutil te temploe. Soc chicnaj jajch'el tsantsewal soc ay bila yac ta bul ta c'op la caiy soc tal tulan chawuc, soc tulan nijq'uel, soc tal tulan bat.

Levítico 16:13

Ya me yac' ochel te pom ta sba ac'al ta jtojol jo'on te Ajwalilone, te xch'ailel pom ya me spots te yawil perdón ay ta sba te scajail trato. Jich me ma xlaj a te Aarón.

Números 4:21

Te Cajwaltic la sc'opon Moisés, jich la yalbey:

Números 1:51

Te c'alal ya sq'uechic bael, ja'ic me ya spac'beyic spac'al, soc ja'ic me ya xcha'pasic xan te bay ya apas acampamentoique. Spisil te mach'atic jich nax ya xnoptsajic bael, ya me yil swocolic ta milel.

Números 18:3

Ja' me ya yac' sbaic ta abatinel awu'un, soc ta Nailpac' Templo. Ja'uc me to, ma me xnoptsajic bael tey a ta bay te biluquetic yu'un te ch'ul awilal soc ta bay scajtijib ta chiq'uel te majt'anile. Teme ay ma la stsajtayic, ya me xlajic soc ya me xlajex te ja'exe.