Números 4:19 - Bible in Tzeltal de Oxchuc y Tenejapa

¹⁹ Ma me staic castigo ta lajel ta scaj nax teme la spiquic te bitic ch'ultesbile. Jich me ya sc'an ya spasic te bit'il in to: Te Aarón soc snich'nab ja' me ya swentainic yalel juju-jtul te bila ya sc'an ya spasic soc te bila ya xc'ot ta swenta yich'el baele.

Bible in Tzeltal Bachajón

¹⁹ Hich me yac apasbeyic scuenta yu'un ma ba ya xchamic te c'alal ya xnohpoj ta stojol te bintic ch'ultesbil: Te Aarón soc te snich'nab ya me ya'beyic yich' ya'telic jujutuhl soc te bintic ya yich'ic bahele.

Números 4:19 Referans Kwoze

Números 4:15

Te c'alal ya xlaj yo'tan Aarón soc snich'nab ta xchajbanel ta potsel spisil te ch'ul biluquetic, teme chapalix te ya xju' xjajch'ic ta beele, ya me xtalic te sts'umbal Coat swenta yu'un ya me sq'uechic bael spisil te biluquetique. Ja'uc me to, ma me xju' ya spiquic te bila ch'ultesbil, swenta yu'un jich me ma xlajic. Spisilic te sbiluquil Nailpac' te bay ya quich' c'oponele, ja'ic me ya sq'uechic bael te sts'umbal Coat.

Números 1:51

Te c'alal ya sq'uechic bael, ja'ic me ya spac'beyic spac'al, soc ja'ic me ya xcha'pasic xan te bay ya apas acampamentoique. Spisil te mach'atic jich nax ya xnoptsajic bael, ya me yil swocolic ta milel.

Números 4:18

—Ma me xawac' te ya xch'ay jchajbuc sts'umbal Coat ta yolilic te levitaetique.

2 Samuel 6:6

C'alal c'otic ta yawil Swuyojibal Trigo yu'un Nacón sbiil, te Uza la sjach sc'ab ta stojol te cajón yu'un Dios, yu'un ya c'an stsac, scaj te la sc'ojch'in yacan te wacaxetique.

Éxodo 19:21

Te Cajwaltic, jich la yalbey: —Coan bael, pasa ta mandal te lume: Ma me xc'axic tel tey a ta bay te señaile. Ma me snop ta yo'tanic te ya sc'an yilonique, teme ayuc bit'il bayaluc ta jtul ya xlajic.

Números 18:3

Ja' me ya yac' sbaic ta abatinel awu'un, soc ta Nailpac' Templo. Ja'uc me to, ma me xnoptsajic bael tey a ta bay te biluquetic yu'un te ch'ul awilal soc ta bay scajtijib ta chiq'uel te majt'anile. Teme ay ma la stsajtayic, ya me xlajic soc ya me xlajex te ja'exe.