Números 4:14 - Bible in Tzeltal de Oxchuc y Tenejapa

¹⁴ Ta sba te scajtijib ya me yich' aq'uel spisil te bitic ay ta tuuntesel ta swenta xch'uunel te Diose: ja'ic te yawil ac'al, trincheetic, palaetic, muc'ul tazaetic, ja' spisil sbiluquil te ya xtuun ta scajtijib chic'bil majt'anil. Ta spisilic ya me yich'ic potsel bael ta t'ujbil nujc'uletic, soc ya me yac' ochel te ste'el ya yich' q'uechel bael a.

Bible in Tzeltal Bachajón

¹⁴ Ya yaq'uic ta sba spisil te bintic ya xtuhun tey a: ha te yawil ac'al, trinchehetic, palahetic, muc'ul tazahetic, spisil bintic ay yu'un te scajtajib ta chiq'uel mahtanil; ya smuquic ta nuhculetic soc ya yotseslambeyic te sq'uechojibale.

Números 4:14 Referans Kwoze

2 Crónicas 4:19

Te Salomón la yal mandal ta pasel spisil te yantic ya xtuun ta templo yu'un te Diose: ja' te scajtijib ta chiq'uel pom te pasbil ta oro; te mesaetic te la xcholic waj tey a te ya yich' ch'ultesel yu'un te Cajwaltique;

Éxodo 27:3

Te bitic ya xtuun ta bay scajtijib ta chiq'uel milbil jmajt'an, spisil me pasbil ta bronce, ja' te yawil stanul, te spalail, te muc'ul tazaetic, te trincheetic soc te yawil ac'ale.

Números 4:6

Ta sba ya me smuquic xan bael ta t'ujbil nujc'uletic. Ta sba xan te nujc'ule, ya me slimbeyic morada pac' te jlijc' nax aye. Ya me xijbeyic c'axel te ste'el sq'uechjibale.

Números 4:13

Te scajtijib chic'bil majt'anil ya me sc'an ya yich' cusel loq'uel te stanul soc xepuil te majt'anile, soc ya me sc'an ya yich' muquel ta púrpura pac'.

Números 4:15

Te c'alal ya xlaj yo'tan Aarón soc snich'nab ta xchajbanel ta potsel spisil te ch'ul biluquetic, teme chapalix te ya xju' xjajch'ic ta beele, ya me xtalic te sts'umbal Coat swenta yu'un ya me sq'uechic bael spisil te biluquetique. Ja'uc me to, ma me xju' ya spiquic te bila ch'ultesbil, swenta yu'un jich me ma xlajic. Spisilic te sbiluquil Nailpac' te bay ya quich' c'oponele, ja'ic me ya sq'uechic bael te sts'umbal Coat.

Éxodo 27:1

“Pasbon scajtijib ta chiq'uel milbil jmajt'an ta acacia. Pajal me sp'isol ta xchanxujc'ul, cheb metro soc jo'eb xcha'winic centímetro (2.25) te jujun xujc', jun metro soc jo'eb xcha'winic centímetro (1.25) te stoylejale.