Números 36:5 - Bible in Tzeltal de Oxchuc y Tenejapa

⁵ Jich yu'un te Moisés la spas ta mandal te israeletic, jich bit'il snopjibal ac'bil yu'un te Cajwaltique: —Te winiquetic te sts'umbal José, melel xyalic.

Bible in Tzeltal Bachajón

⁵ Ha yu'un te Moisés hich la yalbe te snich'nab Israel ta scuenta smandar te Jehová: Te winiquetic yu'un te sts'umbal José, melel bin ya yalic.

Números 36:5 Referans Kwoze

Números 27:7

—Te yantsil-nich'nab Zelofehad, melel nix yalic a. Lebeya sq'uinalic ta yolil te yermanotac te state, ac'a c'axuc ta swentaic te antsetic te sq'uinal te statique.

Deuteronomio 5:28

“Te c'alal jich yacalex ta yalel a, te Cajwaltic la yaiy te bitic la awalbonique. Ja' yu'un jich la yalbon: “La caiyix te bila la yal te lume, mero lec ya caiy te bila ya yalique.

Números 36:4

Te c'alal ya xc'ot te ja'wil te ya xjil ta libre te israeletique, te sq'uinal te antsetic jc'axel ya xjil ta swenta te yan sts'umbale, jich ya xch'ay ta wentainel cu'untic —xiic.

Números 36:6

Te Cajwaltic ya nax yac'bey spas te mach'auc ya xnujbin soc te yantsil-nich'nab Zelofehad, ja' nix ya sc'an ya xnujbinic soc te mach'atic pajal sbiilic soc te statique.