Números 35:12 - Bible in Tzeltal de Oxchuc y Tenejapa

¹² Tey ma'yuc ta ochintayel yu'un a te yermano mach'a laj ta milel, teme ya sc'an sujt'esbey spacole. Te mach'a ya yaiy milawe, ma xju' te ya xmilot ja' to teme tejc'anot ta ich'el sc'op yu'un te lume.

Bible in Tzeltal Bachajón

¹² Ha pueblohetic te banti ya xhu' ya snac' sba yu'un te mach'a ya sc'an ya sutbe spacol; hich ma ba ya xlaj ta milel te mach'a la ya'iy milaw ha to teme tehc'anot ta ich'el ta c'op yu'un te pueblo.

Números 35:12 Referans Kwoze

Deuteronomio 19:6

Yan teme mero najt' te sbelal te lume, teme ay yermano te mach'a laje te ya sc'an ya sujt'esbey spacole, teme mero soc slab yo'tan ya snuts soc ya smil te mach'a milawane, tojol nax ya smil te bit'il ma yolojuc te jich la spase, melel ma scontrouc sba soc ta neelal to.

Josué 20:9

Ja' anjibal lumetic te la stsaic ta swenta spisil israeletic soc jyanlum winiquetic te ainemic ta yolilique. Tey ya xju' ya snac' sba a, mach'auc teme ay la yaiy milaw te ma snopojuc ta yo'tan, swenta yu'un te xchapomal te mach'a laj ta milele, ma xju' ya xba yich'bey spacol ta milel teme ma neeluc ya yich' ta c'op te lume.

2 Samuel 14:7

Yo'tic spisil te jpat-jxujq'ue ma lecuc yo'tanic ta jtojol, ya sc'anic te ya cac'bey ta sc'abic te mach'a la smil te yermano. Yu'un laj ya sujt'esbey spacol te xch'ich'el te mach'a laj ta milele. Jich ya smilic te jtul xan mach'a ay ta swenta yich'el jilel te bi ay yu'un te state. Jich ya stup'bonic te jun xan ac'al c'oem te jil cu'une. Jich ya stup'beyic sts'umbal soc sbiil ta balumilal te jmamlale —xi' te antse.

Números 35:19

“Te yermano te mach'a laj baele, ja' me ay ta swenta smilel te jmilawal te c'alal ya stae.

Números 35:13

Te lumetic te ya yich'ic ac'beyel te levitaetic, wacpam lum ya x'ac'otic ta anjibal:

Deuteronomio 19:4

Te winic ay mach'a ya smile, ya me xbajt' ta anel tey a, jich me ma ba ya xlaj a, pero ja' to teme chicnaj ta jamal te ma yolojuc la smile, soc teme ma scontrouc sba soque.

Josué 20:2

—C'opona te alumal israeletic, albeya ac'a stsaic lumetic yu'un anjibal, jich bit'il la calbey mandal te Moisés.