Números 34:13 - Bible in Tzeltal de Oxchuc y Tenejapa

¹³ Te Moisés la spas ta mandal te israeletique: —Ja' me te lumq'uinal ya apucbey abaic ta swenta snumeroil ta na'el. Ja' te lumq'uinal te yaloj mandal Cajwaltic te ya yich'ic ac'beyel te balunchajp soc olil te ma ba staoj sq'uinalique.

Bible in Tzeltal Bachajón

¹³ Te Moisés hich la yalbe te snich'nab Israel: Ha te q'uinal te yac apucbe abahic ta scuenta seña ta na'el, ha te q'uinal la yal te Jehová te ya yich'ic a'beyel te balunchahp soc j'ohlil,

Números 34:13 Referans Kwoze

Números 34:1

Te Cajwaltic la sc'opon te Moisés, jich la yalbey:

Génesis 15:18

Jich yorail a te Abram albot yu'un te Cajwaltic ta swenta trato: —Yu'un ats'umbal ya xc'ot cu'un in q'uinal to c'alal ta beja' yu'un Egipto, c'alal ta muc'ja' Éufrates,

Números 26:52

Te Cajwaltic la sc'opon te Moisés, jich la yalbey:

Números 26:55

Te ya yich' puquel te q'uinale, ya me yich' pasel snumeroil ta na'el, juju-jtul ya yich' sq'uinal chican te bit'il ay sts'umbal te state.

Números 34:12

ya xcha'bajt' xan ta ti'ti'muc'ja' Jordán, ya xc'ot ta comel c'alal ta Mar Muerto. “Te mojonetic ja' me sti'il tel te alumal te ja'exe”, uta me —xi' te Cajwaltique.

Deuteronomio 11:24

Te banti ya ateq'uic te lumq'uinale, ja' me awu'unic ya xc'ot. Te sti'ile ya me xjajch' ta jochol taquin q'uinal, ya xc'ot c'alal ta Líbano, soc ya xjajch' ta muc'ul ja' Éufrates ya xc'ot c'alal ta Mar Mediterráneo.

Ezequiel 45:1

“Teme la apuquic te q'uinale, chican bila númeroil ya xc'ot ta swentaic ta chajbalchajp sts'umbalique, ya me sc'an ya awijq'uitayic jsejpuc q'uinal, lajchayeb kilómetro soc olil ta snajt'il soc lajuneb kilómetro ta sjamalul. Te q'uinale yu'un Cajwaltic ya xc'ot. Ta spamal te q'uinale, ch'ul q'uinal me stuquel.

Miqueas 2:5

Ja' yu'un te ja'exe ma'yuquex ta wenta ta bay lum yu'un te Cajwaltique.

Josué 13:7

Pucbeya sq'uinalic te balunchajp sts'umbal alumal soc te olil xan sts'umbal Manasés —xi' te Cajwaltique.