Números 33:54 - Bible in Tzeltal de Oxchuc y Tenejapa

⁵⁴ Ja'uc me to, ya me apucbey abaic te q'uinal ta swenta snumeroil ta na'el, ta chajbalchajp te ats'umbalique. Teme bayal ta jtul ay yu'un te jchajbe, muc' me sq'uinal ya yich' stuquelic, yan teme jteb naxe, jteb nax me ya yich'ic. Ta chajbalchajp te ats'umbale ya me yich'ic jich yipal q'uinal te ya yac' ta na'el te snumeroile.

Bible in Tzeltal Bachajón

⁵⁴ Ya me awich'ic hilel te q'uinal ta scuenta seña ta na'el ta jujuchahp ats'umbalic; teme bayelic, muc' sq'uinal yac awa'beyic, teme mayuc bayelic, ma ba muc' yac awa'beyic. Ta banti ya yac' ta na'el te seña ta na'el, tey nix ya yich' sq'uinal a te jujuchahp. Ta scuenta jujuchahp sts'umbal te atatic ya me awich'ic hilel te q'uinale.

Números 33:54 Referans Kwoze

Josué 18:11

C'alal pasbilix snumeroil ta na'el a te jayeb ta jchajp sts'umbal Benjamín, la yich' sq'uinalic ta yolil sq'uinalic te sts'umbal Judá soc te sts'umbal José.

Números 35:8

Te c'alal ya yac' lumetic chajbalchajp te israeletique, te juju-jchajp te muc' sq'uinal ac'bot ta swentaique, ya me yac' bayal ta jpam te lumetique. Yan te juju-jchajp te ma ba muc' sq'uinal, ma me sta jich yipal ya yac' stuquel —xi' te Cajwaltique.

Josué 13:6

Ya jloq'ues bael ta sq'uinal te sidonetic, yu'un ya x'ochic te israeletique, soc ya jloq'ues spisil mach'atic nainemic ta witstiquil, c'alal ta Líbano, ja' to ta Misrefot-maim. Yan te ja'ate at'elina spuquel sq'uinal te alumal israeletic, jich me te bit'il calojbat mandale.

Josué 14:2

Te bit'il la spuquic te q'uinale, la spasbeyic snumeroil ta na'el te banti ya xc'ot ta swentaic te q'uinal ta sbalunchajbal sts'umbal soc te olile, jich bit'il yaloj mandal Cajwaltic ta stojol Moisés te jich ya spase.