Números 33:53 - Bible in Tzeltal de Oxchuc y Tenejapa

⁵³ U'uninaic te lumq'uinal soc nainanic, melel jo'on ya cac'beyex, swenta yu'un ya x'ainex tey a.

Bible in Tzeltal Bachajón

⁵³ Ya me atenic loq'uel te yajwal te q'uinale, ha'ex ya xnahinex tey a, como la jca'beyex te q'uinal yu'un awu'unic ya c'oht.

Números 33:53 Referans Kwoze

Deuteronomio 11:31

Te ja'exe nopol ya sta yorail te ya xc'axex bael ta Jordán, te ya xba awich'ic te lumq'uinal te ya yac'beyex te Cajwaltic te Dios cu'untique. Te c'alal la awich'iquix a, soc te c'alal tey nainemexix a,

Josué 21:43

Awaiy bit'il te Cajwaltic la yac'bey israeletic spisil te q'uinal te yaloj ta jamal ta stojol te antiguo sme'-static, jich ainic ta cuxinel tey a.

Deuteronomio 32:8

Te mach'a mero Toyole, ta namey la spuc ta lumq'uinal te ants-winiquetic soc te nacionetique, la yac'bey seña bay c'alal sti'il te lumetique. Pero ay sc'oplal ta yo'tan te israeletique,

San Mateo 20:15

¿Ma bal chicanuc co'tan jtuquel te bila ya jpas soc te bila ay cu'une? ¿Yu'un bal ay sbic'tal awo'tan yu'un te bit'il lec te co'tane?”, la yut.

Daniel 4:32

Ya me awich' loq'uesel ta yolil te ants-winiquetic, ya me xbaat ta nainel soc chambalametic. Ya me alo' wamal jichuc wacax. Jich me ya x'ainat juqueb ja'wil tey a, ja' to me teme c'ot ta awo'tan te ay yip yu'el ta stojol spisil nacionetic ta balumilal te Dios mero toyole, soc te ja' stuquel te ya yac'bey yat'el ta ajwalil te mach'a ya sc'an ya yac' ochele —xi'.

Daniel 4:25

Te ja'at muc' ajwalil, ya me awich' pijt'esel ta stojol te ants-winiquetique, ya me xba ajoin ta nainel chambalametic. Ya me alo' wamaletic jichuc wacaxetic. Ya me yajts'esbat abaq'uetal te ts'ujule. Jich me ya x'ainat juqueb ja'wil tey a, muc' ajwalil, ja' to teme c'ot ta awo'tan te ay yip yu'el te Dios ya x'at'ej ta stojol ajwaliletic te ch'ich'-baq'uet naxe, soc te ja' nax stuquel ya yac' ochuc yat'el ta ajwalil te mach'a ya sc'an ya yac' ochel stuquele.

Daniel 4:17

Ja' te castigo la yaq'uic j'il-q'uinal ch'ul abatetic in to, swenta yu'un spisil me winiquetic ya sna'ic te ja' Dios mero toyol ay yip yu'el ta stojolic te chajbalchajp ajwaliletic ch'ich'-baq'uetetique. Ja' ya yac' ochel ta ajwalil te mach'a ya sc'an yo'tane, ya yac' ochel ta jwentainwanej ta stojol jun nación te mach'a mero peq'uele, ja' te mero peq'uel yu'un te winiquetique’, xi' sc'op te j'il-q'uinal ch'ul abate.

Salmos 115:16

Te ch'ulchan ja' ay ta swenta te Cajwaltique; te balumilal ja' la yac'bey swentainic te ants-winiquetique.

Deuteronomio 7:17

“Jich wan ya awalic: “Te nacionetic in to ja' mero tsobol te yajwale, jo'otic ma'yucotic tsobol. ¿Bi ya cutic te ya jtentic loq'uele?” teme xaexe.

Deuteronomio 17:14

“Te c'alal ochemexix bael ta lumq'uinal te ya yac'beyex te Cajwaltic te Dios cu'untique, te c'alal ju'ix awu'unic tsalaw a, soc te c'alal nainemexix tey a, teme jich ya awalique: “Ya jc'antic muc' ajwalil cu'untic yu'un ya swentainotic, jich te bit'il yantic nacionetic nopol ayotic soque”, teme xaexe,

Josué 23:5

Te Cajwaltic ya me sloq'ues bael te mach'atic nainemic tey a, ja' me ya awich'ic jilel te ja'exe, jich bit'il yalojbey sc'oplal te Cajwaltic te Dios cu'untique.

Génesis 15:7

Soc jich la yalbey xan yaiy: —Jo'on Awajwalon te la quic'at loq'uel tel ta Ur te ay ta sq'uinal caldeoetique, swenta yu'un ya cac'bat aq'uinalin in q'uinal to —xi' sc'oplal yu'un.

Deuteronomio 3:18

“Ta sc'aalelal in to, la calbeyex mandal: “Te Cajwaltic Dios cu'untic ya yac'beyex awu'uninic te lumq'uinal in to. Ta apisilic ja'ex te ya ana'ic yaq'uel guerra, tsacaic te awat'ejibic yu'un guerra, baanic soc te alumale, ja' te israeletique.

Josué 1:6

Ma xiwat, pasa tulan, yu'un ja'at me ya x'och ta awenta spuquel sq'uinal te lume, ja' te la calbey ame'-atatic ta namey te ya cac'beye.