Números 33:2 - Bible in Tzeltal de Oxchuc y Tenejapa

² Te Moisés la snajc'anbey bael sbiilic te q'uinaletic ta bay jajch'ic loq'uel ta juju-jmajc', jich bit'il albot mandal yu'un te Cajwaltique. Ta bay la spas scampamentoic ta jujun lugar, jich ay:

Bible in Tzeltal Bachajón

² Te Moisés la sts'ihbay te banti behenic c'axel, hich te bin ut'il pasot ta mandar yu'un Jehová. Hich ay te banti behenic c'axel:

Números 33:2 Referans Kwoze

Deuteronomio 10:11

Ja' nax jich la yalbon: “Baan, chajbana aba, ic'a loq'uel swenta yu'un ya me xba awaiyic tsalaw ta yu'uninel te lumq'uinale, ja' te la calbey te antiguo ats'umbalic te ya cac'beye”, xi' te Cajwaltique.

Deuteronomio 1:2

Jajch'em ta wits Horeb c'alal ta Cades-barnea, ay bulucheb c'aal ta beentayel. Ja' ya yich' t'unel te sbelal wits Seir.

Números 10:13

Jich te bit'il yaloj mandal Cajwaltic ta swenta Moisés,

Números 10:6

Ta xchebal buelta oq'uesinel, ja' me ya xjajch'ic ta beel te mach'atic spasoj scampamentoic ta stojol sur. Te ya x'oq'uesinot oq'uesetic te ya sjoin sba soc awetic, ja' me señail te jajch'el ta beele.

Éxodo 17:14

Te Cajwaltic la yalbey te Moisés: —Ts'ibuya ta libro swenta yu'un ya me yich' na'el. Albeya te Josué, ya me jtup'bey ta jc'axel sna'jibal te amalequetique —xi'.

Números 33:1

Ja' juju-jmajc' beenic israeletic te c'alal loq'uic tel ta Egipto te xtiq'uetic nax loq'uel tele, te ic'wanejetic yu'unic ja' te Moisés soc Aarón.

Números 33:3

Te israeletic loq'uic bael ta Ramsés ta yo'lajunebal c'aal a te sbabial u yu'un te ja'wile, ta yan c'aal a te la spasic te Pascua. Mero bayal yipic loq'uel ta sitic spisilic te egipcioetic,