Números 33:1 - Bible in Tzeltal de Oxchuc y Tenejapa

¹ Ja' juju-jmajc' beenic israeletic te c'alal loq'uic tel ta Egipto te xtiq'uetic nax loq'uel tele, te ic'wanejetic yu'unic ja' te Moisés soc Aarón.

Bible in Tzeltal Bachajón

¹ Hich ay te banti behenic c'axel te snich'nab Israel c'alal loq'uic tal ta Egipto ta jujuchahp, ta scuenta j'ic'aw Moisés soc Aarón.

Números 33:1 Referans Kwoze

Miqueas 6:4

Jo'on la jloq'uesat tel ta lum Egipto, la cac'at ta libre yu'un mosoil. Jo'on la jticun bael te Moisés, te Aarón soc te María, swenta yu'un ja'ic ya yiq'uex tel.

Salmos 77:20

La atojtes te lum awu'un jich te bit'il chijetic, ta swenta bit'il la awabatin te Moisés soc Aarón.

1 Samuel 12:8

Te Jacob soc te mach'atic ay yu'une, bajt'ic ta Egipto. Te patil alnich'anetic yu'un jajch'ic ta buen uts'inel yu'un te egipcioetique; jich la yalic wocol ta stojol te Cajwaltic. Ja' yu'un la sticun Moisés soc Aarón. Ja'ic la yac'bey yiq'uic loq'uel tel ta Egipto te antiguo me'il-tatiletic cu'untic, soc la yac' ainicuc ta lumq'uinal in to.

Josué 24:5

Ja'uc me to, la jticun Moisés soc Aarón. La quejch'entes ta lajel te egipcioetic, ja' to c'alal loq'uex tel cu'un tey a.

Éxodo 13:18

Ja' swentail te la yac'bey spas buelta ta sbelal muc'ul jochol taquin q'uinal te stojol bael Mar Rojo. Te c'alal loq'uic bael israeletic ta Egipto, xtiq'uet nax loq'uel ta spisilic.

Éxodo 12:51

Ja' me jich c'aalil a te loq'uesot ta Egipto yu'un Cajwaltic ta stsojbol te israeletique.

Éxodo 12:37

Te israeletic loq'uic bael ta Ramsés, bajt'ic ta Sucot. Ta spisilic lajunwinic xcha'bajc' ta jmil (600,000) te winiquetic te staojix ya'wilalic ta soldadoile. Ma ba ajtaybil stuquel te antsetic soc te alaletique.

Números 33:2

Te Moisés la snajc'anbey bael sbiilic te q'uinaletic ta bay jajch'ic loq'uel ta juju-jmajc', jich bit'il albot mandal yu'un te Cajwaltique. Ta bay la spas scampamentoic ta jujun lugar, jich ay:

Salmos 105:26

Ja' yu'un te Dios la sticun te yabat Moisés, soc Aarón te tsabil yu'une,

Éxodo 6:26

Ja' nix Aarón soc Moisés te albotic yu'un Cajwaltic te ya sloq'uesic ta Egipto spisil ta jchajp te israeletique.

Éxodo 12:41

Te c'alal nax a ts'aquej te lajuneb xcha'winic xcha'bajc' (430) ja'wile, jich a loq'uic spisil ta Egipto te swinictac te Cajwaltique.