Números 32:33 - Bible in Tzeltal de Oxchuc y Tenejapa

³³ Ja' yu'un te sts'umbal Gad soc Rubén soc te olil sts'umbal Manasés, te Moisés ja' la yac'bey sq'uinalin te sq'uinal Sehón, te muc' ajwalil yu'un amorreoetic, soc te sq'uinal Og, te muc' ajwalil yu'un Basán, soc te lumetic te ayic ta swenta soc te lumq'uinal ta sjoyobalique.

Bible in Tzeltal Bachajón

³³ Hich te Moisés la ya'be te snich'nab Gad, te snich'nab Rubén soc j'ohlil te jchahp yu'un Manasés snich'an José te ban c'alal scuentahinej Sehón ajwalil yu'un te amorreohetic, soc te ban c'alal scuentahinej Og ajwalil yu'un Basán, spisil te q'uinal soc te pueblohetic yu'un soc te q'uinal ta sjoyobal.

Números 32:33 Referans Kwoze

Josué 12:6

Te Moisés soc te israeletic la stsalic ta jc'axel te ajwaliletique. Te q'uinaletic yac'ojbeyix Moisés sq'uinalinic te sts'umbal Rubén, sts'umbal Gad soc te olil sts'umbal Manasés.

Josué 22:4

Ta ora to te Cajwaltic la sc'otes ta pasel te bitic yalojbey sc'oplale. Jich yu'un te bit'il lamalix jilel q'uinal ta stojol te quermanotactic, sujt'aniquix bael ta anailpaq'uic c'alal ta aq'uinalic te la yac'beyex Moisés te yabat Cajwaltic, ta jejch' muc'ja' Jordán ta stojol sloq'uib c'aal.

Deuteronomio 29:8

la cu'uninbeytic te slum-sq'uinale. La cac'beytic yu'uninic te sts'umbal Rubén soc te sts'umbal Gad soc te olil sts'umbal Manasés.

1 Crónicas 26:32

Ay cha'mil soc jo'lajunwinic xcha'bajc' (2,700) jwolwanejetic ta chajbalchajp te ay yip yo'tanique. Te muc' ajwalil David la yac'bey yat'el yu'un ya swentainic te sts'umbal Rubén, Gad soc te olil sts'umbal Manasés, ta xchajbanel spisil te bitic yat'el Dios soc yat'el te ajwalile.

1 Crónicas 12:31

Te olil sts'umbal Manasés: ay talic waxaclajuneb ta jmil (18,000) winiquetic te tsabilic yu'un yermanotac ta yaq'uel yat'el ta ajwalil te David.

1 Crónicas 5:18

Te sts'umbal Rubén, te Gad soc te olil sts'umbal Manasés, buen tulanic ta soldadoil, chapalic soc smajq'uilic soc yich'oj spuñalic soc st'imic, buen p'ijubenic ta spasel guerra. Ay chaneb yoxwinic ta jmil soc waxaclajunwinic xcha'bajc' (44,760) winiquetic te nojpenic ta yaq'uel guerra.

Números 34:14

Melel ay cha'chajp soc olil ja' te sts'umbal Rubén soc Gad soc te olil sts'umbal Manasés, te la yich'iquix sq'uinalic ta chajbalchajp te ayix ta swentaic ta stojol sloq'uib c'aal yu'un Jordán, ta jejch' ja' yu'un lum Jericó —xi' te Moisese.

Números 32:1

Te sts'umbal Rubén soc Gad ay bayal ta jyalel te chambalametic yu'unique. C'alal la yilic te lumq'uinal yu'un te Jazer soc te Galaad te mero lec yu'un yawil te chambalametic,

Números 32:32

Chapal me ya xc'axotic bael soc cat'ejibtic ta slum-sq'uinal Canaán ta xch'uunel smandal te Cajwaltic. Pero ya me jc'antic te ya xjil ta jwentatic te q'uinal ta stojol sloq'uib c'aal yu'un Jordán te ja' jq'uinaltic ya xc'ote —xiic.

Josué 12:1

Ja'ic te muc' ajwaliletic te la stsalic te israeletic ta stojol sloq'uib c'aal yu'un te muc'ja' Jordán soc te q'uinal la yich'beyique, c'alal ta muc'ja' Arnón, c'alal ta wits Hermón, te ay ta swenta sloq'uib c'aal yu'un te muc'ja' Jordán:

Josué 14:3

Melel te Moisés ta neelal la yac'bey sq'uinalic ta jejch' ja' Jordán te sts'umbal Rubén, Gad soc te olil sts'umbal Manasés. Yan te sts'umbal levitaetic ma'yuc bay ac'bot sq'uinal stuquelic.

Josué 22:7

Te olil sts'umbal Manasés, te Moisés la yac'beyix sq'uinalic ta sq'uinal Basán. Te yan olil sts'umbal Manasés, te Josué la yac'bey sq'uinalic ta bay yantic israeletic, ta stojol smalib c'aal yu'un muc'ja' Jordán. Te mach'atic ay sq'uinalic ta jejch' ja', la sc'anbey bael bendición, soc la sticun sujt'el,

1 Samuel 13:7

Ay tsobolic c'axic ta jejch' ja' Jordán ta sq'uinal Gad soc sq'uinal Galaad, pero te Saúl jil ta Gilgal stuquel. Spisil te soldadoetic yu'un, t'unbil to nix yu'un, pero yacalic ta buen xiwel.