Números 32:30 - Bible in Tzeltal de Oxchuc y Tenejapa

³⁰ Ja'uc me to, teme ma chapaluc ya xc'axic bael soc yat'ejibique, tey me ya sta sq'uinalic ta awolilic ta lumq'uinal yu'un Canaán —xi'.

Bible in Tzeltal Bachajón

³⁰ Yan teme ma chapaluc ya xc'axic bahel soc ya'tejibic, ha me ya sta sq'uinalic ta awohlilic ta sq'uinal Canaán, xchi.

Números 32:30 Referans Kwoze

Josué 22:19

Teme ma lecuc ta stojol Cajwaltic ya awaiyic in q'uinal to, la'ic ta bay q'uinal yu'un te Cajwaltique, ta bay ch'ul templo yu'un, ich'a aq'uinalic te banti ayotique. Ma xatoy abaic ta stojol te Cajwaltique, te ya xjajch'ex ta spasel yan scajtijib ta chiq'uel majt'anil a te bit'il ay yu'un Cajwaltic te Dios cu'untique.

Números 32:29

—Spisil te winiquetic te sts'umbal Gad soc Rubén, te chapalic soc yat'ejibic yu'un guerra, teme ya sjoinex c'axel ta muc'ja' Jordán, jich te bit'il mandal yu'un te Cajwaltic, ja' to c'alal ya awich'ic te lumq'uinal, jich yu'un ja' me ya awac'beyic te lumq'uinal yu'un Galaad, te ja' sq'uinalic ya xc'ot.

Números 32:31

Te mach'atic sts'umbal Gad soc Rubén la sjaq'uic: —Ya me jpastic te bila mandal yalojbotic Cajwaltic te awabatotique.