Números 32:27 - Bible in Tzeltal de Oxchuc y Tenejapa

²⁷ Te jo'otic te awabatotic ya me jchajban jbajtic soc cat'ejibtic, ya me xbootic ta guerra ta swenta te Cajwaltic, jich bit'il smandal yalojbotic stuquel —xiic.

Bible in Tzeltal Bachajón

²⁷ Te a'batetic awu'un, te chapaliquix yu'un guerra a, ya sohlic bahel ta stojol Jehová ta yaq'uel guerra, hich te bin ut'il yaloj te cajwal, xchihic.

Números 32:27 Referans Kwoze

Josué 4:12

C'axic bael ta taquejem ja' uuc te mach'atic chapalic yu'un guerra te ayic ta swenta sts'umbal Rubén soc sts'umbal Gad soc te olil sts'umbal te Manasés. Neelajic bael yu'un te yantic israeletic, jich te bit'il albil jilel mandal yu'un Moisés.

Números 36:2

—Tatic Moisés, la spasat ta mandal te Cajwaltic te ya apucbey israeletic ta snumeroil ta na'el te q'uinal ya xc'ot ta swentaic juju-jtul. Soc la yalbey sc'oplal te q'uinal ya xc'ot ta swenta te anima Zelofehad, te ja' pajal jbiiltic soc, te ya awac'bey te yantsil-nich'nabe.

Números 32:17

Yan te jo'otic ya jchajban jbajtic yu'un guerra ta ora nax. Ya xbootic ta scoltayel te yantic jlumaltic ja' to me te bay c'alal ya staic jilel te sq'uinalique. Yan te mach'atic ay cu'untic li' me ya xjilic ta lumetic to. Jun me yo'tanic, ma ba ya x'ochic ta c'abal yu'un te mach'atic li' ayic ta q'uinal to.

Números 12:11

La yalbey te Moisés: —Wocoluc, cajwal, ma xawac'botic castigo yu'un jmultic te la jpastic yu'un jboliltique.

Números 11:28

Jich yu'un te Josué te snich'an Nun, ta squeremil to jajch' sjoin ta at'el te Moisés, jich la yal: —Moisés, cajwal cu'un, Moisés, ma xawac'bey spasic —xi'.

Números 32:28

Jich yu'un te Moisés la spas ta mandal te sacerdote Eleazar, Josué soc te jtsobwanejetic yu'un te israeletic ta chajbalchajp: