Números 32:23 - Bible in Tzeltal de Oxchuc y Tenejapa

²³ Teme ma jichuc ya apasic, ya me ana'ic te la ataix amulic ta stojol Cajwaltic a. Ya me sta yorail te ya xtal castigo ta atojolic yu'un te amulique.

Bible in Tzeltal Bachajón

²³ Yan teme ma hichuc yac apasique, la ata amulic ta stojol Jehová. Na'a me te ya me stahex te amulique.

Números 32:23 Referans Kwoze

Isaías 59:12

Te jo'otique bayal la cac'tic bolobuc awo'tan ta jyalel; ja' nix jmultic te ya yalotic. La jna'tiquix stojol te jmultic; la jna'tiquix stojol te bitic ma lecuc jpasojtique.

Proverbios 13:21

Te jmulawiletic t'unbilic yu'un te bila ma lecuc; yan te mach'atic toj yo'tanique, ja' stojol stuquelic te bila leque.

Génesis 44:16

La sjac' te Judá: —¿Bi c'an calbat, cajwal? ¿Ma jo'ucon, xoon bal? Dios me la yac' ta na'el stojol bit'il ay jmultic te awabatotique. Mozoinawotic ta jpisiltic soc te mach'a yich'oj a taot te vasoe —xi'.

Salmos 90:8

Te jmultic soc te jboliltic jamal chican ta ilel ta atojol.

1 Corintios 4:5

Jich yu'un, ma me xjelawex ta c'op te ja'exe, yu'un ma to sta sc'aalelal ta alel te bi yilel yat'el juju-jtule. Maliyaic te bi ora ya xtal te Cajwaltique. Ja' me ya yac' ta ilel ta jamalal ta saquil q'uinal stuquel te bila muquen aye, soc ya me yac' ta na'el te bila jnopoj ta co'tantique. Jich yu'un juju-jtulotic, ya me yalbotic lec jc'oplaltic te Diose.

Génesis 4:7

Te yu'unuc lec te awat'ele, ¿ma bal lecuc ac'oplal ya xc'oat yu'un te jichuque? Yan teme ma lecuc te awat'ele, ja' me ya yabatinat te mulile. Ja'uc me to, ya xju' awu'un scomel te mulil te jichuque —la yut.

Romanos 2:9

Ya me yaiybeyic swocolil soc xc'uxul te mach'atic yat'elinejic spasel te bila ma lecuque. Ja' neel te judioetique soc uuc te jyanlumetique.

Isaías 3:11

¡Obol sba te mach'a c'ax amen yat'ele, melel amen ya xc'ot ta loq'uel! Dios me ya yac'bey stoj, ja' chican te bit'il ay te yat'ele.

Salmos 140:11

Ma me xjalajic ta lumq'uinal te mach'atic ma xq'uexawic; spisiluc ora ac'a c'otuc bila amen ta stojolic te j'uts'inwanejetique.

Salmos 139:11

Te yacuc jnop ta co'tan te ya jnac' jba ta yijc'al q'uinal, o yacuc xc'atp'uj ta ajc'ubal te saquil q'uinal sjoytayejone,

Génesis 13:13

Ja'uc me to, amen yat'elic te yajwal lum Sodoma, mero jmulawiletic ta stojol te Cajwaltique.

Josué 7:18

C'alal tal juju-jtul te yal-snich'an jilele, ja' ac'ot ta ilel Acán snich'an Carmi, te ja' smam te Zabdi, soc ja' xcha'lamal smam te Zara, te ay ta swenta te sts'umbal Judá.

Proverbios 5:22

Te mach'a amen yo'tane ja' nix ya stsacot yu'un te sbolile; ja' nix ya xchucot yu'un jichuc lazo te smule.

Jonás 1:7

Te mach'atic ayic ta barco jich la yalbey sbaic: —La', jpasbeytic snumeroil ta na'el mach'a ta smul te ay jwocoltique —xiic. Jich la spasbeyic snumeroil ta na'el. Ja' c'ot ta swenta te Jonase.

2 Samuel 3:39

Ja' yu'un te jo'one, manchuc me jo'on te muc' ajwalilon te tsabilon yu'un te Diose, pero ma'yuc quip ya caiy yu'un te bi la sjowil spasic te yalatac Sarvia. Ja' ac'a ac'botuc yu'un te Cajwaltic te bi yilel stojol ya sc'an te mach'a la spas te bi amen ta pasele —xi' te David.

1 Reyes 2:32

Te Cajwaltic ja' ni me ya yac'bey c'otuc ta swenta te Joab te bit'il ja' nix ta scaj smul te laje. Melel te Joab ma smandaluc jtat te la smil ta puñal te cheb buen lequil winiquetic te c'axem lec yat'elic te bit'il yat'el stuquel. Ja'ic te Abner snich'an Ner, general yu'un soldado-israeletic, soc te Amasa te snich'an Jeter, general yu'un soldadoetic ta Judá.

1 Reyes 2:33

Te xch'ich'elic ac'a c'otuc ta swenta Joab soc ta swenta sts'umbal sbajt'el q'uinal. Yan ta stojol David soc te patil alnich'anetic yu'un te xmelmon ya x'ochic bael ta muc' ajwalile, soc te muc'ul nactijibal yu'une, sbajt'el q'uinal lamal q'uinal ta stojol yu'un Cajwaltic stuquel —xi'.

Proverbios 24:16

Manchuc me ya xyal juqueb buelta, pero ya me xjajch' xan juqueb buelta. Yan stuquel te mach'atic amen yo'tanique, ya me xc'oic bael ta lajel stuquelic.