Números 32:22 - Bible in Tzeltal de Oxchuc y Tenejapa

²² teme ja' to ya sujt'ex tel a te c'alal ju'ix ta yich'el te lumq'uinale, jich me libre ya xjilex a te bila ay ta awentaic spasel ta swenta te Cajwaltic soc ta swenta te alumale. Jich yu'un in q'uinal to ja' me awu'unic ya xc'ot, te jich nix yo'tan te Cajwaltique.

Bible in Tzeltal Bachajón

²² soc te u'untaybilix a te q'uinal ta stojol Jehová, hich ya xhu' ya suhtex bahel. Hich libre ya xhilex yu'un te bin ay ta acuentahic spasel ta stojol Jehová soc ta stojol Israel, soc ha awu'unic ya xc'oht te q'uinal ini ta stojol Jehová.

Números 32:22 Referans Kwoze

Josué 22:9

Jich te sts'umbal Rubén, Gad soc te olil sts'umbal Manasés loq'uic bael ta stojol te yantic israeletic ta lum Silo te ay ta sq'uinal Canaán, swenta yu'un ya me sujt'ic bael ta bay yich'ojic te q'uinal Galaad, te ja' sq'uinal c'otic, jich bit'il yalojbey mandal Cajwaltic ta stojol te Moisese.

Josué 22:4

Ta ora to te Cajwaltic la sc'otes ta pasel te bitic yalojbey sc'oplale. Jich yu'un te bit'il lamalix jilel q'uinal ta stojol te quermanotactic, sujt'aniquix bael ta anailpaq'uic c'alal ta aq'uinalic te la yac'beyex Moisés te yabat Cajwaltic, ta jejch' muc'ja' Jordán ta stojol sloq'uib c'aal.

Deuteronomio 3:20

Te Cajwaltic ya me yac'bey ta banti ya xcux yo'tanic ta nainel uuc te awermanotaque. Jich nix te bit'il te la yac'beyexix te ja'exe, jich ni me ya yac'bey yu'uninic te q'uinal, ya me yac'bey sq'uinalic ta jejch' ja' Jordán. Teme jich c'ote, ja' to me ya sujt'ex bael a ta aq'uinalic te la cac'beyexe, chican banti ayex ta juju-jtul”, la cutex.

Josué 13:8

Te sts'umbal te Rubén, Gad soc te olil sts'umbal Manasés ac'botix sq'uinalic stuquelic. Tey ac'botic yu'un Moisés ta jejch' ja' Jordán ta stojol sloq'uib c'aal.

Josué 1:15

ja' to me c'alal ya x'ac'botic ta bay ya xcux yo'tanic yu'un te Cajwaltique. Ta patil ya me sujt'ex bael ta bay aq'uinal te la yac'beyex te Moisés te yabat te Cajwaltique, ja' ta jejch' ja' Jordán ta bay stojol sloq'uib c'aale. Ja' me ya awu'uninic ta jc'axel —xi' te Josué.

Salmos 78:55

La sloq'ues ta stojol Israel te mach'atic ma ba ch'uunbil yu'une; ta juju-jchajb sts'umbal Israel la spucbey ta sejpelsejp te q'uinale, soc la yac' nainuc ta scampamentoic.

2 Samuel 3:28

Ta patil c'alal la yaiy te David, jich la yal: —Ya cal ta stojol Cajwaltic: Te jo'on soc te jayeb mach'atic joinej ta at'el, jc'axel ma jo'ucotic ta jwentatic te la yich' milel te Abner snich'an Ner.

Josué 18:1

Te bit'il yich'ojiquix a te q'uinale, spisil te lum israel la stsob sbaic ta Silo ta xchajbanel yawil te Nailpac' te bay ya yich' c'oponel te Diose.

Josué 11:23

Jich me la yich' spisil q'uinal te Josué, jich nix c'ot spisil te bit'il yalojbey Cajwaltic ta stojol Moisés. Ta patil la spucbey ta chajbalchajp sts'umbal israeletic, swenta yu'un ya me yu'uninic ta jc'axel. Ta patil lamaj c'op ta spamal q'uinal.

Josué 10:30

Te Cajwaltic ja' nix jich la yac'bey ta sc'abic te lum soc te ajwalil yu'une. Ma'yuc mach'a cuxul jilel, ni jtuluc. Jich nix la spasbeyic te muc' ajwalil yu'un Libna te bit'il la spasbeyic te muc' ajwalil yu'un Jericó.

Josué 2:19

Teme ya xloc' jtuluc ta ana, jich nix me ya xc'ot lajel ta swenta, ma me jmulticuc ya xc'ot te jo'otique. Yan teme ay mach'a ya yochintay te anae, jo'otic me jmultic ya xc'ot stuquel.

Levítico 14:34

—Te c'alal ayexix ta sq'uinal Canaán a, ja' te ya cac'beyex awu'uninique, teme ay ya jticun te bila ma lecuc sc'oplale, teme ja' te stotol ya xc'ot ta ana ta aq'uinalique,

Números 32:21

teme apisilic ya xc'axex bael ta muc'ja' Jordán, jich bit'il ya sc'an te Cajwaltic, teme ja' to c'alal ya sticun loq'uel Cajwaltic te acontroique,