Números 32:15 - Bible in Tzeltal de Oxchuc y Tenejapa

¹⁵ Teme ma x'ac'an ach'uunic te Cajwaltic, ya me yac' jilel bayal xan c'aal ta jochol taquin q'uinal te israeletique, jich yu'un te ja'exe ja' me ya amulinic teme ya yich'ic jinele —xi' te Moisese.

Bible in Tzeltal Bachajón

¹⁵ Teme yac awihquitayic hilel te Jehová, yan buelta ya me yihquitayex hilel ta jochol taquin q'uinal; ya me xlaj ta acuentahic te pueblo ini, xchi te Moisés.

Números 32:15 Referans Kwoze

2 Crónicas 15:2

jich loc' bael, ba sta sba ta c'op soc Asa swenta yu'un ya yalbey: —Aiybon awaiyic stojol jc'op, ja'at Asa, soc ta apisilic ta Judá soc ta Benjamín. Te ja'ex sjoinejex te Cajwaltic, teme jun awo'tan ya awac' abaic ta stojole. Teme ya aleique, ya me ataic; yan teme ya awijq'uitayic ta awo'tanic, jich nix me ya yijq'uitayex ta yo'tan.

Romanos 14:15

Soc teme ta swenta jwe'eltic te ya smel yo'tan jtuluc te quermanotique, yu'un nanix ma c'uxuc ta awo'tan abi. Ma me xcac'tic ch'ayuc jtuluc te mach'a lajem Cristo yu'un ta scaj nax te jwe'eltique.

San Mateo 18:7

¡Ya me yil swocolic te mach'atic ayic ta balumilal ta scaj te ay yalesel ta mulile! Puersa ay mach'atic ya syaleswan ta mulil, ja'uc me to, ya me yil swocol te mach'a jich ya spase.

Jeremías 38:23

Te Jeremías la yalbey xan te muc' ajwalile: —Spisil te antsetic awu'un soc te anich'nab ja'at muc' ajwalil, ya me x'ac'otic ta sc'ab te caldeoetique. Te ja'ate ma me xju' ya acoltay aba ta sc'abic; ya me x'ac'otat ta sc'ab te muc' ajwalil yu'un Babilonia, soc ya me xchiq'uic jilel te lume —xi'.

Números 32:16

Jich yu'un, noptsajic tel ta stojol Moisés, jich la yalbeyic: —Te bila ya jc'antic, ja' te ya jpasbeytic scorral li'to te chijetic soc te wacaxetic cu'untique, soc lumetic yu'un te mach'atic ay cu'untique.

Josué 22:15

Spisilic bajt'ic ta Galaad, ja' te ba ayic te sts'umbal Rubén, Gad soc te olil sts'umbal Manasés, jich c'o yalbeyic: