Números 32:14 - Bible in Tzeltal de Oxchuc y Tenejapa

¹⁴ Yo'tic te ja'exe te ja' atatic te la sle smulique, ja' ya ac'an ya anopbeyic te yat'ele, swenta yu'un ta yan buelta ya ajajch'esbeyic yilimba Cajwaltic ta stojol te lum Israel.

Bible in Tzeltal Bachajón

¹⁴ Yo'tic ha'ex la ajelolin atatic, ha'ex snich'nabex jmulawil winiquetic, yac awaq'uic tohyuc xan yilimba Jehová ta stojol Israel.

Números 32:14 Referans Kwoze

San Lucas 11:48

Jich ya awaq'uic ta na'el te bit'il jich awo'tanic yu'un te bila la spasic te namey q'uinal ame'-atatique. Melel ja'ic la smilic. In te ja'exe, ja' ya apasbeyic snail te smuquenale.

Ezequiel 20:21

‘Pero te yal-snich'nabique, ja' nix jich la stoy sbaic ta jtojol. Ma ba la xch'uunbonic te mandaliletic cu'une, te ya yac'bey xcuxlejal te mach'a ya spas baele. La sboltesbey te sc'aalelal cux-o'tan cu'une. La jnop ta co'tan te ya jt'omes bael ta stojolic te quilimba, yu'un c'an jlajin ta jc'axel ta jochol taquin q'uinal, swenta yu'un jich ya xlamaj a te sc'ajc'al co'tane.

Isaías 57:4

¿Mach'a ya alabanic te ja'exe? ¿Mach'a ya awixlan ani'ic yu'un ta yilayel? ¿Mach'a ya awac' ta ilel a te awaq'ue? Ja'ex jmulawiletic, soc snich'nabex jpas-lotetic.

Isaías 1:4

¡Obol abaic ja'ex, lum te jmulawilexe, te nojel mulil ta awo'tanic; sts'umbalex te mach'a amen yat'elique, snich'nabex jmulawil! C'ubul ayexix ta stojol te Cajwaltique, la aq'uej abaic loq'uel ta stojol te Ch'ul Dios yu'un Israel, la awijq'uitayix ta awo'tanic.

Salmos 78:57

Melel ja' nix jich la spasic te bit'il sme'-static, la yijq'uitay, ma ba jun yo'tanic ta stojol. Jich la scox sba c'oemic te bit'il t'imalte' te ma tojuque.

Job 14:4

Ma'yuc mach'a ya spas te ay bila lec ya xloc' yu'un a te bila ma lecuque.

Nehemías 13:18

Mero ja' nix jich la spasic te antiguo ame'-atatique. Ja' yu'un te Dios cu'untique la yac' taluc bayal woclajel ta jtojoltic, soc ta stojol te lum in to. ¿Bi yu'un ya awaq'uic toyuc xan yilimba ta stojol Israel te Dios te yacal ajinbelic sc'oplal te sc'aalelal cux-o'tane? —la cut.

Esdras 10:10

Te sacerdote Esdras la stejc'an sba, jich albotic yu'un: —Te ja'exe ataoj amulic ta scaj te nujbinemex soc te jyanlum-antsetique, jich la atoyesbeyic xan smul Israel.

Génesis 8:21

Te Cajwaltic la yaiybey sbujts' yic' te milbil smajt'ane, jich yu'un la yal ta yo'tan: “Ma'yuc bi ora ya cac'bey xan castigo te balumilal ta scaj te ants-winiquetique, melel ta yalalil to tel mero ma lecuc te bitic ya snopilay ta yo'tanic. Ma ba ya jtup' xan bitic cuxajtic ta q'uinal jich bit'il te la jpasixe.

Génesis 5:3

Ay lajuneb sjucwinic (130) ya'wilal a te Adán c'alal ayin te snich'ane, Set c'ot te sbiile, pajal yilel soc te state.

Números 32:15

Teme ma x'ac'an ach'uunic te Cajwaltic, ya me yac' jilel bayal xan c'aal ta jochol taquin q'uinal te israeletique, jich yu'un te ja'exe ja' me ya amulinic teme ya yich'ic jinele —xi' te Moisese.

Deuteronomio 9:24

¡Ja' to te c'alal la jna'beyex abaique, spisil ora tulan awac'oj abaic ta stojol te Cajwaltique!

2 Crónicas 28:13

jich la yalbey: —Ma x'awiq'uic ochel tel te jchuqueletic, yu'un ja' me ya jmulintic ta stojol te Cajwaltique. Te bila ya apasique, ja' nax ya awac' xtoy xan jmultic yu'un a, soc te yantic faltaetic cu'untique. Te bit'il ya xjelawex ta jyalele, bayal me ya x'ilin yu'un te Cajwaltic ta jtojoltic jo'otic te israelotique —xiic.