Números 31:8 - Bible in Tzeltal de Oxchuc y Tenejapa

⁸ La smilic te Evi, Requem, Zur, Hur soc te Reba, ja' te jo'tul muc' ajwaliletic yu'un te madianetique, soc nix te Balaam te snich'an Beor.

Bible in Tzeltal Bachajón

⁸ Soc la smilic te Evi, Requem, Zur, Hur soc Reba, ha te ho'tuhl ajwaliletic yu'un Madián; soc la smilic ta espada te Balaam snich'an Beor.

Números 31:8 Referans Kwoze

Números 25:15

Te madián antse, Cozbi sbiil, ja' yantsil-nich'an Zur te ja' jtsobwanej yu'un te jchajp sts'umbal Madián.

Apocalipsis 2:14

Ja'uc me to, ay nax amul jtebuc ta jtojol. Ja' te bit'il awic'oj ta atojolic te mach'atic xch'uunejic te nopjibal yu'un te Balaame, te la yac'bey snop Balac te bit'il la yac' yaluc te israeletic ta sti'el te milbil smajt'an loc'ombaetic te tey ochic ta spasel a te mulweje.

Judas 1:11

¡Ac'a me yil sbaic stuquelic! Melel snopojbeyic yo'tan te Caine. Sganar nax sna'ojic, jich jowejemiquix jich bit'il te Balaame. Soc jich ya xlajic bit'il te Coré te ac'ot ta lajel yu'un te bit'il la scontroin te Moisese.

Apocalipsis 19:20

Te muc'ul chambalam te xi'bantic sbae, la yich' tsaquel ta chuquel soc te lotil j'alwanej te la yac' ta ilel seña yu'el ta stojole. Ta swenta te señaetic la yac' ta ilel te lotil j'alwaneje, ju' yu'un slo'layel a spisil te mach'atic la xch'uunic yich'el smarca te chambalam te xi'bantic sbae soc te la slajin sbaic ta stojol te sloc'ombae. Cuxul la yich'ic ch'ojel ochel ta xchebalic ta bay muc' pamal c'ajc' te yac ta tilel soc azufre.

2 Pedro 2:15

Jc'axel jowejemiquix ta beel, melel yijq'uitayejiquix te lequil bee. Ja' ejemplo yu'unic te j'alwanej Balaam te snich'an Beor te bic'taj yo'tan yu'un spasel ganar a te bila amen ta pasele.

Salmos 10:2

Ta scaj stoybail te mach'a amen yo'tane ya snuts soc sc'ajc'al yo'tan te mach'a peq'uele; ja'uc me to, ja' nix chucul ya xjil ta syac te spasoje.

Salmos 9:16

Te Cajwaltic la yac' sba ta na'el te bit'il yaiyojix chajbanwanej ta stojolic. Te mach'a amen, chucul ya xjil, ja' nix te syac xchajbanej stuquele.

Números 25:18

Melel la slo'layex te la yac'beyex ach'uun te Baal-peor, soc te la yaq'uic tel te Cozbi te yantsil-nich'an te jtsobwanej yu'un te madianetic, te laj yu'un lowel ta lanza, ja' te bi c'aalil la cac' tel te tulan chamel yu'un te la xch'uunic te Baal-peor —xi'.

Números 24:25

Ta patil jajch' te Balaam, sujt' bael ta sna. Te Balac jich nix jajch' bael ta beel uuc.

Números 22:10

Te Balaam la sjac': —Ja' yu'un te Balac snich'an Zipor, te muc' ajwalil yu'un Moab, la sticun tel yalbelonic

Números 22:4

Jich yu'un te yajwal Moab la yalbey yaiyic te mamaletic ich'bilic ta muc' yu'un Madián: —Spisilic te ants-winiquetic ya me slajinbotic jq'uinaltic jich nix bit'il wacaxetic te ora nax ya slajin te aquile —xi'. Ja' yorail a te ay ta muc' ajwalil yu'un Moab te Balac.

Números 24:14

Lec ay, ya sujt'onix bael ta jlumal; ja'uc me to, ya to calbat xan jilel te bila ya spas bael ta yan c'aal te lum Israel ta stojol te alumale —xi'.

Números 31:9

Te israeletic la yiq'uic bael ta chuquel te antsetic yu'un madianetic, soc te yalatac te tsailic toe, soc la spojbeyic te xchamsbalamic: te swacaxic, te xchijic, soc te bitic bayal stojole.

Números 31:16

Melel ja'ic la xch'uunbeyic sc'op te Balaam. Jich la yac'bey scontroin Cajwaltic te israeletic, te ba yich'ic ta muc' te Baal-peor. Ja' swentail te Cajwaltic la yac'bey castigo ta swenta tulan chamel te lum yu'une.

Habacuc 3:7

“Quiloj te ants-winiquetic ta Cusán, u'uninbilic yu'un mel-o'tan; te mach'atic yajwal Madián, tsacbilic ta jyalel yu'un te xiwele.

Números 22:5

La sticun ta iq'uel te Balaam snich'an Beor, ja' te mach'a ay ta lum Petor ta sts'eel te muc'ja' Eufrates, ta sq'uinal Amav. Te Balac la yalbey mandal te abatetic yu'une: —Baan albeyaic te Balaam: “Ta Egipto ay loq'uem tel jchajp lum te pujq'uemiquix bael ta spamal te q'uinale. Ora yo'tic ayiquix ta jtojoltic.

Números 23:10

Bayalic jich bit'il ts'ubil lum; ¿Mach'a ya xju' yu'un sna'el te yajtalule? Te jo'one co'tanuc jichuc ya xlajon te bit'il in mach'atic tote toj yo'tanique, te jichuc ya xc'oon ta loq'uel uuc —xi' ta yalel te Balaame.

Proverbios 11:3

Te mach'atic toj yo'tanic, toj ya x'ainic yu'un; yan te mach'atic te ma tojuc yo'tanique, ja' ya xlajinotic yu'un.

Proverbios 13:17

Te mach'a amen yo'tan te ya xba yal jilel bol c'op, ya sjajch'es woclajel; yan te mach'a jun yo'tan ya xba yal jilel lequil c'ope, ya sjambey q'uinal yaiy yantic.